Morgunblaðið - 04.08.2012, Blaðsíða 12

ÚR BÆJARLÍFINU
Jón Sigurðsson
Blönduós
Sumarið hefur verið sólríkt og
þurrt við botn Húnafjarðar og má
sjá það á sumum túnum bænda og
ljóst er að uppskeran verður mis-
jöfn að magni og gæðum en íbú-
arnir eru flestir brúnir og sælleg-
ir.
  
Nýja sundlaugin á Blönduósi
hefur notið mikilla vinsælda bæði
meðal heimamanna sem og gesta
sem sækja bæinn heim. Aðsóknin í
júlí hefur verið betri í ár en í
fyrra og telja menn að sundlaugin
virki betur en hringtorgið og
Blönduóslöggan til að fá ferða-
menn til að hægja ferðina gegn
um bæinn.
  
Gamli bæjarhlutinn á
Blönduósi hefur fengið aukna og
verðskuldaða athygli í sumar og
gaman að geta þess að Húnavak-
an, hin árlega bæjarhátíð, var sett
þar við Hafíssetrið og í framhaldi
af því haldin vel heppnuð grill-
veisla í Aðalgötunni. Einnig er
gaman að geta þess að á Hótel
Blönduósi var einnig um Húna-
vökuna haldið fyrsta heimsmeist-
aramótið í lomber. Þeir sem gefa
sér tíma til að sveigja aðeins af
leið í gegnum Blönduós og koma í
gamla bæinn eru margir á því að
þeir hafi rekist á falda perlu. Þar
er Atlantshafið og falleg gömul
hús í fallegri götumynd svo eitt-
hvað sé nefnt.
  
Tjaldsvæðið hefur verið
sæmilega setið í sumar en ferða-
menn voru seinna á ferðinni í ár.
Síðasta hálfa mánuðinn hefur að-
sóknin verið góð og lætur nærri
að um 200 manns gisti hverja nótt
á svæðinu og er þá gisting í sum-
arhúsum meðtalin. Athygli vekur
að fólk dvelur styttri tíma og mun
meira er gist í tjöldum en verið
hefur og eru Íslendingar þar engir
eftirbátar erlendra ferðamanna.
  
Færri laxar hafa komið á land
úr helstu a-húnvetnsku ánum í ár
en menn geta bætt sér það upp
með því að heimsækja nýstofnað
Laxasetur á Blönduósi. Þar er
m.a. að finna hrygnuna Valgerði
sem ættuð er úr Blöndu sem og
ýmis tæki og tól sem notuð eru
við veiðarnar. Að sögn hefur að-
sóknin að Laxasetrinu verið góð í
júlí.
  
Gæsarungarnir sem voru agn-
arsmáir hnoðrar í byrjun júní eru
orðnir stórir og pattaralegir og
búnir að ná fullkomlega göngulagi
foreldranna og nálgast óðfluga það
stig að verða fleygir áður en leyfi
til veiða á þeim verður veitt. Já,
ágúst er genginn í garð sem minn-
ir okkur á það að sumri fer að
halla og rökkrið læðist að.
Morgunblaðið/Jón Sigurðsson
Blönduós Gamli bæjarhlutinn hefur fengið verðskuldaða athygli í sumar.
Gamli bæjarhlutinn á
Blönduósi falin perla
12 FRÉTTIRInnlent
MORGUNBLAÐIÐ LAUGARDAGUR 4. ÁGÚST 2012
Áslaug Arna Sigurbjörnsdóttir
aslaug@mbl.is
„Það er æðislegt að vera komin
heim, það var yndislegt úti og gaman
að vera í fríi, en það er alltaf jafn gott
að vera komin heim,“ sagði Annie
Mist Þórisdóttir, heimsmeistari í
Crossfit, við heimkomu í gær.
Heimkomu hennar var fagnað vel í
Crossfit Reykjavík af ættingjum,
samstarfsfólki, vinum og öðrum
stuðningsmönnum.
„Maður er ennþá að átta sig á
þessu, það er alltaf markmið að
vinna aftur en maður þorir aldrei í
alvöru að vona það eða sjá fram á að
það muni gerast. Þetta er bara ótrú-
legt, trúi þessu eiginlega ekki
ennþá,“ sagði Annie Mist.
Hún vann örugglega heimsmeist-
aramótið í Crossfit annað árið í röð
og varð fyrst allra til að verja titilinn
þar sem hún vann mótið einnig í
fyrra. Við heimkomuna sagði hún
stuðninginn sem hún fann fyrir í
kringum keppnina hafa skipt miklu
máli og að hún hefði verið með mun
stærra bakland en hinir keppend-
urnir.
Þegar hún var spurð um fram-
haldið sagði hún: „Ég ætla að halda
áfram eins lengi og ég mögulega get.
Ég fór að hugsa hvort ég ætti að
hætta á toppnum, en ég sé fram á að
ég get verið að gera meira og ég er
enn að sjá að ég er enn að bæta mig í
þessu. Ég er búin að finna mig al-
gjörlega þarna og hef svo ofboðslega
gaman af þessu að ég held að ég
muni ekki geta hætt.“
Annie Mist er hvergi nærri hætt í Crossfit
 Fyrst allra til að verja titilinn á heimsmeistaramótinu í Crossfit  Vel tekið á móti Annie Mist við
heimkomu í Crossfit Reykjavík  „Ég hef svo ofboðslega gaman af þessu að ég held ég geti ekki hætt“
Morgunblaðið/Eggert
Crossfit Heimkomu Anniear Mistar Þórisdóttur, heimsmeistara í Crossfit, var fagnað í Crossfit Reykjavík í gær.
Samál • Sími: 571 5300 • Fax: 571 5301 • www.samal.is
Stóriðjuliðið:
Engilbert Svavarsson frá Norðuráli,
Jón Björn Ríkarðsson frá Alcoa-Fjarðaáli
og Ólafur Teitur Guðnason frá Rio
Tinto Alcan.
Til hamingju!
Samál óskar stóriðjuliðinu til hamingju
með (raf)magnaða frammistöðu í
stéttakeppni Popppunkts á RÚV. Liðið
náði flestum stigum allra liða í
keppninni til þessa.
Vel gert!
Það var
lagið!
Innanríkisráðuneytinu hafa borist
nokkrar fyrirspurnir og erindi sem
varða tilkynningar um ný stjórnmála-
samtök og umsóknir um listabókstafi.
Erindin hafa verið afgreidd með til-
vísum til laga um kosningar til Al-
þingis.
Eftirfarandi stjórnmálasamtök
hafa uppfyllt skilyrði laganna og
fengið úthlutaðan listabókstaf:
Samstaða – flokkur lýðræðis og
velferðar. Forsvarsmaður Lilja Mós-
esdóttir. Sótti um og var úthlutað
listabókstafnum C.
Bjartsýnisflokkurinn. Forsvars-
maður Einar Gunnar Birgisson. Sótti
um og var úthlutað listabókstafnum
E.
Hægri grænir – flokkur fólksins.
Forsvarsmaður Guðmundur Frank-
lín Jónsson. Sótti um og var úthlutað
listabókstafnum G.
Engin stjórnmálasamtök á skrá
gerðu athugasemdir við þessar óskir.
C var síðast úthlutað Bandalagi
jafnaðarmanna og E var úthlutað
Baráttusamtökum eldri borgara og
öryrkja 2007. Hvað varðar listabók-
stafinn G hefur hann ekki verið not-
aður síðan 1995.
Listabókstöfum úthlutað
Skannaðu kóðann
til að horfa á
myndskeið.