Morgunblaðið - 18.08.2012, Blaðsíða 12

STANGVEIÐI
Einar Falur Ingólfsson
efi@mbl.is
Í kjölfar úrhellisrigninga á Vest-
urlandi um liðna helgi tók laxveiðin
talsverðan kipp og þótti veiðimönnum
kominn tími til eftir hörmungar-
ástand víða – en svo virðist sem kipp-
urinn hafi verið talsvert sterkari í
sumum ám en öðrum. Þar sem lítið
gerðist þrátt fyrir batnandi vatns-
stöðu,telja viðmælendur nokkuð aug-
ljóst hver staðan er: þar hlýtur að
vera afar lítið af laxi. Í Norðurá, sem
hefur venjulega verið ein af gjöf-
ulustu ám landsins, veiddust 40 laxar
í liðinni viku á stangirnar 14. Víst er
það betra en í vikunni þar á undan,
þegar 16 veiddust, en hins vegar hafa
veiðimenn iðulega verið þar í veislu
eftir síðsumarsflóð sem þessi. Þá fer
laxinn á ferðina og verður töku-
glaðari; sem dæmi veiddi fyrir nokkr-
um árum veiðimaður á efra svæði
Norðurár á fjórða tug laxa á eina
stöng eftr svipað flóð og fékk fisk í
hverjum hyl sem hann kastaði í. Stað-
an í dag býður ekki upp á slík æv-
intýri.
Afar dauft er yfir Laxá í Dölum,
þar veiddust þó 17 laxar í vikunni,
sem er umtalsvert betra en í vikunni
þar á undan þegar fimm veiddust á
stangirnar sex. Rigningarnar hafa
virkað vel á Hrútafjarðará þar austur
af; 20 veiddust á stangirnar þrjár en
aðeins tveir í vikunni á undan en þá
var Hrútan líka komin niður í grjót.
Þessar langþráðu rigningar virkuðu
ekki síður í Laxá í Leirársveit, en þar
veiddust 87 laxar á sjö stangir og vik-
an var að sama skapi góð í Laxá í
Kjós, þar sem veiddust 88.
Góður kippur í Kjós
„Það kom mjög góður kippur í
veiðina um leið og tók að vaxa í ánni,
það veiddust yfir tuttugu laxar og
jafnmikið af vænum sjóbirtingi á ein-
um degi,“ segir Gylfi Gautur Pét-
ursson, umsjónarmaður í Kjósinni.
„Svo fékk næsta holl þrjátíu laxa
og það sem var að klára fékk tuttugu
á tveimur dögum. Nú er laxinn búinn
að dreifa sér um allt,“ segir Gylfi og
bætir við að engu að síður hafi aldrei
komið stórar göngur í ána í sumar,
það sé til dæmis mun minna af fiski í
henni en í fyrra. Hins vegar sé greini-
lega talsvert af birtingi á frísvæðinu,
en eins og menn vita er hann styggur
og veiðist helst þegar blæs og er
skýjað.
Nýir laxar að potast inn
„Við fengum mikla rigningu hér
um síðustu helgi og þá fór allt í flóð.
Áin er að síga niður en var samt í gær
enn heilu feti yfir normalrennsli.
Þetta þýðir að við verðum í fínu vatni
allt þar til veiði lýkur í haust,“ segir
Einar Sigfússon í Haffjarðará en þar
skilaði liðin vika ágætri veiði þrátt
fyrir flóðin, 78 löxum. „Það er tals-
vert af fiski í ánni og talsvert líka af
stórum fiski sem verið er að pikka
upp. Svo er ennþá eitthvað að potast
inn af nýjum. Ég var við Sauðhyl í
morgun og þar voru nýgengnir laxar
að stökkva.
Við erum ánægð með sumarið, það
hefur gengið vel hjá okkur, miðað við
allt og allt.Við sjáum fram á 1.100 til
1.250 laxa sumar, sem er afar gott í
stöðunni.“
Mikil stígandi hefur verið í veiðinni
í Haffjarðará síðustu 16 ár, eða síðan
Einar og Óttar Yngvarsson eign-
uðust ána. „Við fórum þá að sleppa
meiru af veiddum laxi og öllum
stórum. Það er greinilegt að áin ber
aukið seiðamagn en hún hefur alltaf
verið alveg sjálfbær. Það þarf að hlífa
þessum ám.
Auðvitað eru menn uggandi vegna
stöðunnar í ánum í sumar. Það veit
enginn hvað er að gerast, en ýmsar
kenningar heyrast, hvort þetta sé
makrílnum að kenna eða köldu vori í
fyrra. Það veit enginn neitt,“ segir
Einar.
Góð sjóbleikjuveiði
Margir veiðimenn hafa komið fisk-
lausir heim í sumar og skiptir þá litlu
máli þótt þeir veiði í ám sem hafa ver-
ið góðar síðustu ár og þótt veiðileyfin
séu dýr. Á veiðivef Mbl.is var í vik-
unni sagt frá manni sem hafði veitt í
ellefu daga samtals í þremur góðum
ám; Víðidalsá, Norðurá og Grímsá, en
var ekki kominn með einn einasta
fisk.
Stangveiðin er þó alls ekki bara
lax, sem betur fer, og á sama tíma og
laxveiðimenn barma sér snúa margir
silungsveiðimenn lukkulegir heim úr
veiðiferðum. Sjóbleikja virðist hafa
gengið af krafti víða norðan- og aust-
anlands. Til dæmis hafa veiðimenn í
Fljótaá mokað upp vænni bleikju, ef
þeir hafa gert sérstaklega út á hana,
góð silungsveiði hefur verið í Brunná
í Öxarfirði og mikið af fiski í ánni, sem
og í Norðfjarðará þar sem um 500
hafa verið færðar til bókar. Vanur sil-
ungsveiðimaður fór með syni sínum í
Siglufjarðará, en þar höfðu feðgar
ekki veitt áður. Neðstu veiðistaðirnir
voru uppteknir en ofarlega í ánni
komu þeir að fallegum hyl og sáu
hreyfingu í honum. Bleikjur fóru að
vaka og faðirinn náði einni flugu eins
og bleikjurnar voru að éta, fann í boxi
sínu þurrflugu sem líktist henni og
kastaði á hylinn. Ekki var að sökum
að spyrja; falleg sjóbleikja tók og
þannig var það í eina og hálfa klukku-
stund. Faðirinn kastaði og sonurinn
landaði, þar til báðar þurrflugurnar
sem vöktu áhuga bleikjunnar voru
ónýtar. Þá var líka á þriðja tug sil-
unga á bakkanum.
Veiðin batnaði heldur eftir úrhelli
 88 laxar veiddust í vikunni í Laxá í Kjós og 87 í Laxá í Leirársveit  Langþráðar rigningar skiluðu
ekki alls staðar góðri veiði  „Við erum ánægð með sumarið,“ segir Einar Sigfússon í Haffjarðará
Morgunblaðið/Einar Falur
Kunnuglegt Ytri-Rangá er gjöfulasta á landsins og sú fyrsta sem gefur yfir 2.000 laxa í sumar. Hér er væn hrygna flutt í klakkistu við Ægissíðufoss.
Aflahæstu árnar Staðan 16. ágúst 2012
Heimild: www.angling.is
Veiðivatn Veiði
17. ágúst
2011
* 24. júlí 2012
Stangafj.
11. ágúst
2010
12. ágúst
2009
Ytri-Rangá og Hólsá 20 2.237 2.160 2.636 3.597
Eystri-Rangá 18 1885 2.557 2.445 1.782
Selá í Vopnafirði 7 1102 1.404 1.322 1.259
Miðfjarðará 10 971 1.504 1.848 1.984
Miðfjarðará 6 904 1.245 1.390 1.155
Blanda 16 823 1.817 2.738 1.944
Norðurá 14 771 1.950 1.801 1.832
Elliðaárnar 6 736 1.020 982 753
Hofsá og Sunnudalsá 10 651 601 573 (7 stang.) 594 (7 stang.)
Langá 12 620 1.207 1.091 1.110
Þverá - Kjarrá 14 585 1.528 2.878 1.725
Haukadalsá 5 387 421 672 618
Laxá í Kjós 10 351 754 705 695
Laxá í Aðaldal 18 331 782 881 608
Hítará 4 302* Ekki fáanlegar Ekki fáanlegar Ekki fáanlegar Morgunblaðið/Einar Falur
Tökuglöð Bleikjuveiði hefur verið
með ágætum víða um land í sumar.
12 FRÉTTIRInnlent
MORGUNBLAÐIÐ LAUGARDAGUR 18. ÁGÚST 2012