Morgunblaðið - 18.08.2012, Blaðsíða 38

38 DÆGRADVÖL
MORGUNBLAÐIÐ LAUGARDAGUR 18. ÁGÚST 2012
Stjörnuspá
21. mars - 19. apríl 
Hrútur Aðdáun þín á einhverjum fær þig til
að gera þitt allra besta í hans návist. Bíddu
ekki eftir því að hann/hún biðji um hjálp þína.
Reyndu að deila völdunum.
20. apríl - 20. maí 
Naut Nautið er galsafengnara og hrekkjótt-
ara en oft áður þessa dagana. Ekki væri úr
vegi að taka fjármálin til gagngerrar endur-
skoðunar. Horfstu í augu við raunveruleikann.
21. maí - 20. júní 
Tvíburar Nú er rétti tíminn til þess að reyna
að koma sér í mjúkinn hjá vinnufélögum og
viðskiptavinum, kímnigáfan ber þig hálfa leið.
21. júní - 22. júlí 
Krabbi Stundum þarf fólk á einveru að halda.
En hvaða ráð gefur þú sjálfum þér? Og ertu
nógu hugrakkur til að hlíta þeim? Oft leitum
við langt yfir skammt að svörum.
23. júlí - 22. ágúst 
Ljón Þér hættir til fullmikillar aðhaldssemi
gagnvart sjálfum þér og öðrum. Þú mátt gefa
þér tíma til þess að brosa að spaugilegum
hlutum tilverunnar.
23. ágúst - 22. sept. 
Meyja Meyjan á að vinna að umbótum á öll-
um sviðum þar sem hægt er að telja. Farðu
hægar fram og gefðu öðrum tíma til þess að
velta því fyrir sér sem þú segir.
23. sept. - 22. okt. 
Vog Þegar þú veist hvað þú vilt, áttu að
keppa að því marki með öllum tiltækum ráð-
um. Raulaðu lítið lag og vertu tilbúinn að
njóta einmitt þess sem kemur.
23. okt. - 21. nóv.
Sporðdreki Notaðu daginn til þess að hvíl-
ast. Sýndu hinum þann skilning sem þú vilt
sjálfur njóta hjá þeim. Þú ert öflug/ur dag er
auðvelt að fara yfir strikið í þeim efnum.
22. nóv. - 21. des.

Bogmaður Þú munt njóta þess að læra nýja
hluti í dag sem víkka huga þinn. Gleymdu
ekki að líta líka í eigin barm og reyndu ekki að
sýnast meiri en þú ert.
22. des. - 19. janúar 
Steingeit Þú hefur lagt mikið á þig í vinnu og
skemmtunum upp á síðkastið. Taktu þér
pásu. Hlustaðu á vandamál hans/hennar og
gefðu henni/honum tíma og þá mun þér líða
betur á eftir.
20. jan. - 18. febr. 
Vatnsberi Árið hefur verið þér mjög hag-
stætt og það virðist ekkert lát á velgengni
þinni. Engin látalæti; það verður fylgst með
vinnuframlagi þínu.
19. feb. - 20. mars

Fiskar Skyldi vera rangt að þrá metorð? Nei,
ekki ef þú áttar þig á því að þau gera þig ekki
hamingjusamari. Einvera í notalegu umhverfi
mun skipta sköpum fyrir líðan þína.
Haraldur Ólafsson sendi mérsjaldgæflega gott bréf: „Kæri
Halldór! Á árunum kringum 1960
var ég blaðamaður og féll þá í minn
hlut að ræða við Guttorm J. Gutt-
ormsson morguninn sem hann kom
með flugvél að vestan. Hann var
kátur og skrafhreifinn og varð tíð-
rætt um hve flugið hefði stytt leiðir
milli Íslands og Vesturheims. Sagð-
ist hann hafa farið með vísur á leið-
inni, og bað mig um blað og skrifaði
þar á þessi erindi:
Vesturheimski bóndinn
Gæfuna að elta rótarlaust á röndum
reyndist þér ekki um megn í tveimur
löndum,
mundir þú lítt þá íþrótt iðka græddur
aftur við reitinn þar sem varstu fæddur.
Heimili tvö er betra en eitt að eiga
eins þó að haf sé milli þeirra teiga.
Sæmir að tveimur höfuðbólum hlynna,
háloftin ríða milli búa sinna.
Ekki veit ég hvort GJG hefur ort
þetta á leiðinni eða hvort það er í
bókum hans. Mér datt þetta atvik í
hug þegar þú minntist Guttorms
skemmtilega og af virðingu.
Rissblað Guttorms geymi ég.
Í bók sinni Bréf til Brands rifjar
Haraldur Bessason háskólarektor
upp að Vilhjálmur Stefánsson hitti
„hvíta eskimóa“ í öðrum heim-
skautaleiðangri sínum og hefði
honum þá flogið í hug að Íslend-
ingar á Grænlandi hefðu forðum
daga smám saman blandað blóði við
eskimóa og orðið með þeim hætti
hluti af nýrri kynslóð sem ekki
hefði glatað með öllu norrænum
einkennum í útliti og líkamsbygg-
ingu og hefði fólk þetta flust frá
Grænlandi vestur í heimskauta-
héruð Kanada.
Að þessu lýtur afhending Gutt-
orms J. Guttormssonar:
Eftir Vilhjálms utanför til eskimóa
hvítu fólki fór að snjóa.
Hugdetta Vilhjálms um hvítu
eskimóana varð afar fræg, segir
Haraldur. Þessar ljóðlínur bárust
hratt um Íslendingabyggðir vestra
og einnig hingað heim og einhvern
veginn fannst flestum að undir sak-
leysislegu yfirbragði þeirra kraum-
aði fleira en bláköld alvaran.
Þessa ferhendu kallar Guttormur
Verið heilagir:
Allt kvenfólkið vaknaði í kirkjunni brátt
er klerkurinn hnefann rak niður
og æpti svo glumdi í guðshúsi hátt:
ó, gáið að barninu í yður.
Og Missmíði:
Að reyndi guð að gera úr honum mann
það getur ekki dulist þeim sem skoða
’ann;
af leirnum hefur lagt til nóg í hann
en líklega ekki gengið vel að hnoða
’ann.
Halldór Blöndal
halldorblondal@simnet.is
Vísnahorn
Vesturheimski stórbóndinn
G
re
tt
ir
S
m
á
fó
lk
H
ró
lf
u
r
h
ræ
ð
il
e
g
i
Fe
rd
in
a
n
d
G
æ
sa
m
a
m
m
a
o
g
G
rí
m
u
r
ARG! EINHVER
HJÓ TRÉÐ MITT
NIÐUR!
HVAR Á ÉG NÚ
AÐ BÚA?
HVAÐA HLJÓÐ
ERU ÞETTA FRÁ
HÁALOFTINU?
ÍKORNAR EIGA
FURÐULEGA
MIKIÐ AF
HÚSGÖGNUM.
EF ÞÚ VÆRIR
EKTA VARÐHUNDUR
MUNDIR ÞÚ SOFA
VIÐ ÚTIDYRNAR!
KANNSKI
ER ÞAÐ
RÉTT HJÁ
HENNI?
NEI, ÞETTA MUN ALDREI GANGA.
FÓLK GÆTI HALDIÐ AÐ ÉG SÉ
DYRAMOTTA OG ÞURRKAÐ
AF SKÓNUM SÍNUM.
EF ÞIÐ ERUÐ MEINDÝRAEYÐAR OG
KOMIÐ ÚT AF SILFURSKOTTUNUM, ÞÁ
ERU VISTARVERUR KONUNGSHJÓNANNA
ÞARNA UPPI Á ANNARRI HÆÐ!
GRAMEÐLU-
BRANDARI SEM
VARÐ ALDREI
VINSÆLL.
TOGAÐU Í
PUTTANN!
HVERNIG?
Yfirgengileg útlitsdýrkun tröllríðuröllu(m) um þessar mundir, heim-
ur versnandi fer og þar fram eftir
götunum. Plastandlit og útúrbótox-
aður aldraður kvenpeningur var
áberandi í annars ágætri mynd um
Elísabetu Taylor og uppboð ald-
arinnar á demantasafni leikkon-
unnar. Hópurinn sem kom þar fram
var upphaflega einstaklega fallegur
en hefur afskræmt eigið útlit með því
að drepa markvisst vöðva líkamans,
þá sér í lagi andlitsvöðvana.
x x x
Eðli bótox er að drepa. Drepa vöðvalíkamans og er eins og margt
gott sem maðurinn hefur fundið upp;
upphaflega hugsað í lækningaskyni.
Hægt er að benda á ótal Hollywood-
stjörnur sem líta út eins og plast-
dúkkur eftir óhóflega notkun bótox
og þess konar uppfyllingaefna. En
sér fólk ekki að fegurðin felst í því
sem er lifandi og lifað? Sýnir þroska
og sögu einstaklingsins? Ekki lífvana
andlit sem haggast ekki þegar mann-
eskjan opnar á sér munninn.
x x x
Velgjan skríður upp hálsinn við aðhorfa á slíkar manneskjur og þá
einkum fyrir þær sakir að þær eru
ekki í tengslum við raunveruleikann.
Engir fordómar hér á ferð. Víkverji
hrópaði oft á sjónvarpið: „þú ert sjö-
tíu ára og sættu þig við það!“ Þú ert
að blekkja alla og mest þig sjálfa.
x x x
Mótvægi við þrútnu bandarískuandlitin er breskt sjónvarps-
efni. Það hefur allt annan brag yfir
sér og sæt-ljótt fólk birtist þar í
hrönnum. Það sem er svo einstaklega
heillandi er að það er ekki upptekið
af hrukkum og misjöfnum líkams-
hlutföllum. Það kemur til dyranna
eins og það er klætt. Raunveruleik-
inn er heillandi með öllum sínum
kostum og „göllum“.
x x x
Í lok myndarinnar um Elísabetuklykkti gamall leikari út með því
að segja, falleg kona þarf ekki dem-
anta til að skreyta sig. Fegurð henn-
ar ein og sér nægir til að heilla alla.
Og það á líka við bótoxið – það þarf
ekki! víkverji@mbl.is
Víkverji
Orð dagsins: Því getum við öruggir
sagt: Drottinn er minn hjálpari, eigi
mun ég óttast. Hvað geta mennirnir
gjört mér? (Hebr. 13, 6.)