Morgunblaðið - Sunnudagur - 23.09.2012, Qupperneq 37

23. 09. 2012 MORGUNBLAÐIÐ SUNNUDAGUR 37
Græjur og tækni
Ævintýramenn hafa jafnan gaman af að segjafrá ævintýrum sínum, hvort sem þau eru áskíðum, skautum, vélfákum eða vélbátum.
Góð leið til þess er að kvikmynda fjörið og þá er ekki
nóg að vera með farsímann uppivið eða vídeóvélar-
garm – GoPro er málið og þá helst GoPro Hero2.
Allir eru með farsíma í vasanum og flestir farsímar
geta getið myndir og myndskeið; meira að segja geta
nýjustu gerðir farsíma tekið
fínar myndir og háskerpu-
myndskeið. Málið er þó að
farsímar eru ekki mynda-
vélar, myndatöku-
möguleikinn er viðbót á far-
símanum þannig að oftar en
ekki er það redding að
grípa farsímann frekar en
að vera með sérstaka vél til
að taka myndir. Ekki má svo gleyma því að fæstir
farsímar þola vætu, eins og margur hefur komist að
sér til gremju.
Vitanlega er hægt að hafa vídeóvél við höndina, en
almennar vídeóvélar eru fæstar hugsaðar fyrir úti-
myndatökur, eru ekki vatnsheldar og illt að stinga
þeim í vasann. GoGpro-græjurnar voru bylting á
þessu sviði því þótt margir hafi framleitt örlitlar víd-
eóvélar má segja að GoPro hafi farið með hugmynd-
ina alla leið með því að láta vatnshelt hús fylgja vél-
inni og bjóða síðan upp óteljandi festingar fyrir
rallbíla, reiðhjól, brimbretti, sjóbretti, alls kyns
hjálma og svo má lengi telja. Sumstaðar hafa lög-
reglumenn tekið vélarnar í notkun, eru með þær
spenntar á bringuna þegar þeir fara í útköll, og líka
sett þær á fjarstýrðar þyrlur eða vélmenni til að
kíkja fyrir horn eða inn um glugga. Líka er hægt að
fá þrívíddarviðbót (!), köfunarhylki, rafhlöðuhitara, til
að auka endingu rafhlöðunnar ef mjög kalt er í veðri,
aukarafhlöðubak, úlnliðsfestingar, flotbak, til að vélin
fljóti ef illa fer, líkamsfestingar og höfuðólar svo
dæmi séu tekin. Á vefsetri GoPro, gopro.com/videos/,
má sjá mörg mögnuð myndskeið sem notendur hafa
sent. Íslenskir ofurhugar hafa líka margir notað vél-
arnar með góðum árangri og dæmi þar um er til að
mynda Eyþór Reynisson mótorkrossmeistari, en
myndskeið með honum má sjá á YouTube.
VÍDEÓVÉL FYRIR
ÆVINTÝRAMENN
GOPRO HERO2 ER ÖRSMÁ EN KNÁ VÍDEÓVÉL SEM FÆR ER Í FLESTAN SJÓ,
SLARK OG SLABB, KULDA OG TREKK, URÐ OG GRJÓT.
Græja
vikunnar
ÁRNI MATTHÍASSON
* Myndflagan á HD Hero2 er 11milljón díla, meira en tvöfalt betri
en á fyrri gerðum. Hún er líka ljós-
næmari. Á henni er líka tengi fyrir
hljóðnema, sem er nýjung, og mini
HDMI-tengi. Örgjörvinn í vélinni er
líka tvöfalt hraðvirkari. Linsan á vél-
inni er talsvert betri en á eldri
gerðinni og gleiðari. Hylkið utan
um vélina er vatnsþétt, en fókusinn
í vatni er ekki góður – ef það skipt-
ir máli er rétt að fá sér sérstakt
hylki með flatri linsu.
* Vélin getur tekið tíu 11 Mdílamyndir í sekúndusyrpu og hægt að
stilla hana svo að hún taki 11 Mdíla-
mynd á hverri hálfri sekúndu. Gæt-
ið þó að því að vélin er ekki hönn-
uð sem ljósmyndavél, hún er
vídeóvél. Vídeó eru líka frábær, en
ljósmyndir fínar, en ekki frábærar.
Vélin er seld í þrennskonar útfærslu
með mismunandi festingum, útivist-
arútgáfu, útgáfu fyrir mótorsport
og brimbrettaútgáfu. Notendaskilin
eru líka einfölduð í nýju gerðinni.
* Segja má að GoPro hafi lagtundir sig heiminn með upptökuvélar
sem hægt er að tengja við hvaða tæki
og tól sem er og skilar HD-
myndskeiðum og fínum ljósmyndum.
Ný gerð af vélinni, HD Hero2, er
umtalsvert betri en eldri gerðir. Það
er hægt að kaupa óteljandi fylgihluti
við vélarnar og nú bætist við WiFi-
viðbót sem gerir kleift að streyma
þráðlaust úr vélinni, en líka að
stjórna henni með fjarstýringu eða í
gegnum farsíma eða spjaldtövu.
Þótt margir séu vanir því að vera með netvafra
fyrir augunum alla daga á tölvuskjá eða í síma þá
hljómar það framandi að hafa vafrann bókstaflega
fyrir augunum, í formi gleraugna. En það er það
sem nýjasta verkefni Google-samsteypunnar geng-
ur út á, að taka eiginleika snjallsímans og net-
tengdra tækja og koma fyrir í nettum gleraugum.
Notandinn getur þá séð hvenær skilaboð koma,
hver er að hringja, skoðað götukort, kíkt á tölvu-
póst og raunar gert nákvæmlega það sem hægt er
að gera með símanum og tölvunni. Eini munurinn
er viðmótið, því með því að setja þessa eiginleika í
gleraugu þarf ekki að taka upp tæki til að kíkja á
skilaboðin, tölvupóstinn eða fara á samfélagssíður
– heldur spretta þessar upplýsingar upp innan á
gleraugunum og verða sýnilegar um leið.
Google segist stefna á að setja snjallgleraugun á
markað árið 2014 en ætlunin er að þau notist við
Android-stýrikerfið. Google ætlar sér greinilega að
gera gleraugun að tískufyrirbrigði því þau voru
sýnd á haustsýningu Diane Von Furstenberg á
dögunum.
Skjáir skila sínu bara þegar horft er á þá. Með því að færa skjáinn inn í gleraugu er
engin hætta á að missa af mikilvægum skilaboðum.
Snjallsíminn gerður að gleraugum
PROJECT GLASS FRÁ GOOGLE
AFP
Microsoft Office 2011
Word, PowerPoint, Excel
Verð frá: 21.990.-
USB3
Verð: 26.990.-
Opnunartímar:
Smáralind
Virka daga 11-19 | Fimmtudaga 11 - 21 | Laugardaga 11 - 18
Sunnudaga 13 - 18 | Sími 512 1330
Laugavegi 182
Virka daga 10-18 | Laugardaga 11 - 16 | Sími 512 1300 |
Ókeypis
námskeið á laugardögum
milli kl 13.00-15.00
Varstu að kaupa þér Apple tölvu eða iPad?
Langar þig að læra meira? Þá getur þú kíkt á
námskeið í Apple búðinni, Laugavegi 182
og lært eitthvað nýtt. www.epli.is/namskeid
Fartölvutöskur/slíður
Mikið úrval
Verð frá: 6.990.-
Vefverslun
www.epli.is
sendum frítt á land allt
MacBook Air 11”
Verð: 169.990.-
MacBook Air
öflug vél á góðu verði