Morgunblaðið - Sunnudagur - 21.10.2012, Síða 34

Morgunblaðið/RAX
SKRIFBORÐSHLAUPABRETTI
Höfuð mannsins fer ekki að virka
sem skyldi fyrr en eftir a.m.k. 20
km göngu. Það stendur í bókum.
Fyrir vikið dreymir Edwin um
skrifborðshlaupabretti, þar sem
hann getur hreyft sig við vinnuna
og þannig hámarkað afköstin.
SNJALLSÍMINN
Edwin talar ekki bara í Nokia-snjallsímann sinn.
Hann les og svarar tölvupósti, myndar reiðinnar ósköp
á vettvangi verkefni, styðst við GPS-tækið, grípur til
hallamálsins og talar minnispunkta inn á diktafóninn.
HÖFUÐTÓL
Þessi Bose-höfuðtól fékk Edwin
í teiggjöf á Pro-Am golfmóti í
Bandaríkjunum. Þau lágu hins
vegar ónotuð í níu ár þangað
til hann áttaði sig á notagildi
þeirra. Þau eru t.a.m. ómissandi
í flugvélum, þar sem þau útiloka
svo til alveg hávaða.
VÍNKÆLIR
Edwin á talsvert af framandi vínflöskum sem
hann hefur fengið að gjöf frá ánægðum við-
skiptavinum sínum í fyrrverandi lýðveldum
Sovétríkjanna. Hann dreymir fyrir vikið um að
eignast almennilegan vínkæli, þannig hann geti
boðið vinum sínum, svo sem Kristjáni Jónssyni
frá Bolungarvík, upp á glas úr flöskum sem
geymdar hafa verið við bestu hugsanleg skilyrði.
KAFFIVÉLIN
Aldrei er hægt að byrja daginn betur
en á góðum kaffisopa. Edwin þakkar
því æri máttarvöldum fyrir Quick
Mill-kaffivélina sína sem er Profess-
ional í þokkabót. Hann getur því
borið fram kaffi sem fagmaður væri.
RAFMAGNSRAKVÉLIN
Edwin er með hnausþykka skeggrót og
fullyrðir að hann væri löngu farinn á höf-
uðið þyrfti hann að kaupa rakvélarblöð. Þess
vegna er Remington-vélin þarfaþing.
Hlaupið
í vinnunni
EDWIN ROALD RÖGNVALDSSON GOLFVALLAARKITEKT
EDWIN ROALD RÖGNVALDSSON GOLFVALLAARKITEKT ER EKKI MIKILL
GRÆJUKARL. ÁN SNJALLSÍMA OG FARTÖLVU GETUR HANN ÞÓ EKKI
VERIÐ Í SINNI VINNU OG SVO LEYNA MUNAÐARGRÆJURNAR Á SÉR.
*Græjur og tækniÞað tók 5 ár að undirbúa tæknilegu hliðina á stökki Felix Baumgartners úr 39 km hæð »36
Kanadíski rokkarinn Neil Young vinnur um
þessar mundir að nýrri aðferð til stafrænnar
vistunar tónlistar, sem á að vera mun full-
komnari en MP3-formið, sem nú er notast
við.
„Ég verð æfur þegar ég heyri lögin mín
leikin með MP3,“ sagði Young í samtali við
þýska vikuritið Der Spiegel í tilefni af út-
komu sjálfsævisögu sinnar, sem ber nafnið
„Hippadraumur“. „Það eyðileggur tónlistina
mína. Það er sárt, ég get ekki hlustað á
þetta.“
Young segir í viðtalinu að MP3 varðveiti
aðeins brot af hljómupplýsingum tónlistar.
„Formið mitt og tilheyrandi spilari, sem
heitir Pono, heldur næstum 100% upplýsing-
anna til skila – eins og góður vínill. Spilarinn
kemur á markað á næsta ári. Og þá: Bless,
iPod.“
LÆTUR HIPPADRAUMINN RÆTAST OG BÝÐUR STÓRVELDI BIRGINN
Neil Young í slag við Apple
AFP
Neil Young á sviði ásamt hljómsveitinni Crazy Horse á tónleikum í Albuquerque í Nýju Mexikó í
ágúst. Young, sem er 66 ára, er að vinna að nýju stafrænu geymsluformi fyrir tónlist, sem varðveitir
tóngæði að sögn mun betur en MP3-formið og hyggst skáka tónlistarrisanum Apple.
Blaðamaður Der Spiegel segir að hippa-
draumurinn lifi greinilega enn með Young
fyrst hann ætli einn að vaða í risann Apple.
„Það að vera hippi þýðir í fyrsta lagi: Mér
líður vel með það sem ég geri,“ segir hann.
„Í öðru lagi: Ég veit ekki hvert það leiðir. Í
þriðja lagi: Ég verð að hafa nóg að gera og
fylgja eftir öllum þessum verkefnum, hversu
brjálæðislega sem þau kunna að hljóma. En
ég er líka skipsstjórinn á orrustuskipinu. Í 50
ár stóð ég á þilfarinu. Og ég er særður.
Heyrnin er ekki eins og hún var. En ég veit
hvað ég heyri. Þess vegna veit ég að mál-
efnið er mikilvægt. Á morgun ætlum við að
flytja plötur Bobs Dylans, „Highway 61 Re-
visited“ og „The Freewheelin’ Bob Dylan“ í
Pono. Og við notum meira að segja upp-
runalegu upptökurnar.“
kbl@mbl.is