Morgunblaðið - 06.11.2012, Blaðsíða 25

UMRÆÐAN 25
MORGUNBLAÐIÐ ÞRIÐJUDAGUR 6. NÓVEMBER 2012
Ég veit stundum
ekki hvort ég á að
brosa eða bölva, þegar
ég les grein eftir grein
eftir Pál Magnússon,
minn gamla starfs-
bróður og bandamann
gegn yfirgangi ríkisins
á auglýsingamarkaði.
Hann var í 20 ár
helsti baráttumaður
frjálsra fjölmiðla fyrir
því að ríkið drægi sig
út úr milljarða auglýsingasöfnun.
Svo seldi hann sálu sína frú Þorgerði
Katrínu Gunnarsdóttur, með slíkum
stæl að félagar hans urðu nánast
orðlausir.
Menntamálaráðherra Sjálfstæð-
isflokksins hafði svo forgöngu um
það að binda í lög ofbeldi ríkisins
gegn frjálsri fjölmiðlun með því að
setja nefskatt á nánast hvert viti
borið mannsbarn og lögaðila til að
fjármagna óráðsíuna í Efstaleiti, til
viðbótar auglýsinga- og kost-
unarsölu upp á 1600 milljónir. Get
seint sagt að ég muni sakna hennar
úr stjórnmálum, án þess á nokkurn
átt að segja það henni til hnjóðs sem
prýðisstúlku.
Nú er í gangi af hálfu núverandi
menntamálaráðherra ævintýralegur
blekkingarleikur um að nú skuli sko
tekið í hnakkadrambið á RÚV og
ágætur og harðsnúinn markaðs-
stjóri og hans fólk skikkað til að
minnka ránsfenginn.
Afleiðingin, félagi minn gamli
dregur sig tímabundið frá frétta-
lestri, sem hann gerir með meiri
ágætum en allir aðrir, að vinkonu
okkar Eddu Andrésdóttur undan-
skilinni, til að hann geti vaðið fram á
ritvöllinn og ausið yfir þjóðina
óhróðri í garð frjálsra fjölmiðla. Nú
eru þeir hins vegar holdi klæddir í
persónu Jóns Ásgeirs Jóhann-
essonar, eiginmanns aðaleiganda
365 miðla. Það má að
vísu mörg spurning-
armerki setja við það
eignarhaldssukk allt
saman. Hann segir að
allt hið meinta afskorna
auglýsingafé ríkisins
muni fara beint í vasa
þeirra hjóna. Er búinn
að gleyma aðalrökum
okkar gegn ríkisauglýs-
ingasöfnun, að brott-
hvarf ríkisins af auglýs-
inga- og
kostunarmarkaði,
myndi leysa úr læðingi ógnarkraft
gróskubylgju nýrra frjálsra fjöl-
miðla þjóðinni til heilla.
Ég vil hafa ríkisútvarp eins og
BBC, en vil fjármagna það alfarið
með notendagjaldi, sem rynni ekki
bara til að halda uppi dagskrárgerð
ríkisins, en væri jafnframt sjóður,
sem allir fjölmiðlar og kvikmynda-
og dagskrárgerðarfólk gæti sótt í.
Við á ÍNN sendum út 8766
klukkustundir af íslensku efni á ári
fyrir prósentubrot af tekjum RÚV.
Íslenskt kvikmyndagerðarfólk, hal-
ar 8 milljarða á þessu ári inn til þjóð-
arbúsins með hæfni sinni og gjörvi-
leik.
Ríkisstofnun, sem borgar auglýs-
ingastofum og birtingarhúsum
hundruð milljóna fyrir að auglýsa
hjá sér, er tímaskekkja. Þess vegna
vona ég að Palli Magg snúi sér að
fréttalestri aftur og láti af blaða-
skrifum.
Brotthvarf ríkisins af
auglýsingmarkaði –
Heillaskref til aukinn-
ar fjölmiðlagrósku
Eftir Ingva Hrafn
Jónsson
Ingvi Hrafn
Jónsson
»Ég vil hafa rík-
isútvarp eins og
BBC, en vil fjármagna
það alfarið með not-
endagjaldi...
Höfundur er fyrrverandi fréttastjóri
RÚV og forvera 365 og sjónvarps-
stjóri ÍNN.
Útgjöld hins op-
inbera eru um 780
milljarðar. Á manna-
máli eru þetta um
200.000 krónur á
hvern Íslending á
mánuði. Mikið?
Útgjöld til heil-
brigðismála eru um
35.000 krónur á hvern
Íslending á mánuði.
Til samanburðar eru
útgjöld Norðmanna
um 56.000 krónur á hvern Norð-
mann á mánuði og Dana um 47.000
krónur á mánuði. Forgangsröðun
útgjalda hins opinbera er greini-
lega önnur hér á landi en í ná-
grannalöndunum. En
erum við ánægð með
það sem við fáum fyrir
peninginn?
Náinn ættingi
greindist í ágúst með
stíflaðar kransæðar og
þarf að komast í þræð-
ingu strax. Það eru
þrjár hjartaþræðinga-
vélar á Landspít-
alanum – og nú var
ein þeirra að bila. Bið-
in eftir þræðingu verð-
ur lengri – fleiri Ís-
lendingar eru í hættu.
Á sama tíma eru settir milljarðar í
bruðlið í kringum ESB.
Hver er forgangsröðunin? Hver
eru rökin? Að Íslendingar verði
hvort sem er elsta fólk í heimi? Ég
held að áhyggjur fjölskyldna og
skuldir heimilanna hafi hér áhrif á
heilbrigðiskerfið. Með sama áfram-
haldi verðum við ekki lengi elsta
þjóð í heimi.
Fjárfesting í steypu í kringum
fjölmennustu vinnustaði Íslands er
hvorki líkleg til að bæta sam-
göngur í höfuðborginni né heil-
brigðisþjónustuna almennt nema
henni verði tryggt fjármagn til
þess að standa undir starfseminni.
Nýtt hús skapar ekki meiri tekjur
fyrir heilbrigðiskerfið. Væri ekki
nær að setja þessa 45-145 millj-
arða sem eiga að fara í há-
tæknisteypu í viðhald og endurnýj-
un tækja í núverandi húsnæði
spítalanna. Líklega þyrfti ekki
nema vextina af byggingarkostn-
aðinum næstu árin til að breyta
núverandi spítölum í hátæknispít-
ala.
Um daginn var ég spurður
hvaða stefnu ég hefði í heilbrigð-
ismálum. Ég hef þá stefnu að Ís-
lendingar verði áfram elsta þjóð í
heimi. Að við tryggjum öfluga heil-
brigðisþjónustu við Íslendinga yfir
allt æviskeiðið. Á sama hátt og Há-
skóli Íslands lætur mæla sig í al-
þjóðlegum samanburði eigum við
að mæla Landspítala Íslands með
sömu markmið að leiðarljósi – að
vera í hópi með þeim bestu í heimi.
Áhyggjur heimilanna í dag verða
hinsvegar ekki leystar með því að
dæla peningum inn í heilbrigð-
iskerfið. Það þarf að eyða óvissu
og búa aftur til hagkerfi sem skap-
ar störf. Við þurfum vinveitt
rekstrarumhverfi og ríkisstjórn
sem eyðir óvissu – ekki ríkisstjórn
sem býr til óvissu.
Áfram elsta þjóð í heimi
Eftir Kjartan Örn
Sigurðsson
Kjartan Örn
Sigurðsson
» Áhyggjur fjöl-
skyldna og skuldir
heimilanna hafa áhrif á
heilbrigðiskerfið. Með
sama áframhaldi verð-
um við ekki lengi elsta
þjóð í heimi.
Höfundur er bæjarfulltrúi og fram-
bjóðandi í prófkjöri Sjálfstæðisflokks-
ins í SV-kjördæmi.
Skapaðu góðar minningar
með parketi frá Boen
Ármúla 32 · 108 Reykjavík · Sími 568 1888 · parketoggolf.is · Þú finnur okkur líka á Facebook
Parket & gólf - Sérfræðingar í gólfefnum!
Norskt viðarparket með 5g smellukerfi
sem gerir lögnina einfalda og fljótlega.
Ég horfi enn á
möguleikana sem við
eigum hér framundan.
Þessi fámenna og góð-
hjartaða þjóð sem
kann manna best að
hjálpast að þegar á
reynir. Ég horfi á okk-
ur sem ríka þjóð, sem á
alla möguleika á því að
komast heil úr því
ófremdarástandi sem
hér ríkir. Þetta verður
hins vegar sársaukafullt á köflum og
vandasamt að draga úr ríkisrekstri í
5-6% atvinnuleysi. Það verður flókið
en samt ekki ómögulegt að bræða
snjóhengjuna svokölluðu. Ræddar
hafa verið leiðir til þess að skatt-
leggja þetta fjármagn ef það ætlar úr
landi og um að borga ekki föllnu bök-
unum út í erlendum gjaldeyri. Hér
hefur verið talað fyrir lausnum á
mörgum sviðum, og oftar en ekki frá
grasrótarsamtökum og hugrökkum
einstaklingum sem berjast hetjulega
fyrir breytingum, en þó fyrir daufum
eyrum núverandi ríkisstjórnar.
Ég er meðeigandi í smáu þjón-
ustufyrirtæki ásamt annarri barna-
fjölskyldu. Ég veit af eigin raun
hvernig það er að skrapa fyrir laun-
um og standa skil á opinberum gjöld-
um að viðlögðu fangelsi, vera ábyrg-
ur fyrir starfsfólki í veikindum eða
slysum. Ég veit af eigin raun hversu
erfitt það er að keppa við fyrirtæki
sem hafa fengið afskriftir skulda. Ég
hef samt ekki gefist upp
fyrir skattapíning-
arstefnu og valdfrekju
ríkisstjórnarinnar,
sviknum loforðum
hennar eða hótunum
um að engin lausn sé í
sjónmáli án þess að
framselja fullveldi okk-
ar til Brussel.
Ég hef enn trú á at-
vinnuþreki okkar fólks,
bjartsýni þess og seiglu
ásamt þeim auðlindum
sem við sitjum hér á án
þess að nýta. Ég trúi á
betri framtíð og ég vil leggja mig
fram fram til þess að leysa þau verk-
efni sem framundan eru. Ég á ekkert
töfraduft eða kanínur í hatti heldur
ætla ég að halda áfram að reyna að
leggja góðum málum lið og leggja
mig fram með Sjálfstæðisflokknum,
til þess að börnin okkar geti erft
þetta land og þróað samfélag okkar
til betri vegar. Stöðva verður land-
flóttann vegna innlends atvinnuleysis
sem ríkisstjórnin túlkar sem afrek í
atvinnumálum. Ég býð mig fram til
þjónustu því það er verk að vinna.
Til þjónustu
reiðubúin
Eftir Karen
Elísabetu
Halldórsdóttur
Karen Elísabet
Halldórsdóttir
» Það verður flókið en
samt ekki ómögu-
legt að bræða snjó-
hengjuna svokölluðu.
Höfundur er varabæjarfullrúi, MS í
mannauðsstjórnun, BA í sálfræði og
sækist eftir 4. sæti í Kraganum.
Bridsdeild
Breiðfirðingafélagsins
Sunnudaginn 4/11 var spilaður tví-
menningur á 8 borðum. Hæsta skor í
N/S:
Hörður Einarss. - Björn Sigurbjörnss. 193
Sigurjóna Björgvinsd. - Gunnar Guðmss. 191
Bergljót Aðalstd. - Björgvin Kjartanss. 178
Austur/Vestur
Ólöf Ingvarsd. - Kjartan Ingvarss. 208
Þórður Ingólfss. - Björn Arnarson 189
Garðar Jónss. - Sigurjón Ú. Guðmss. 181
Sunnudaginn 11/11 hefst fjögura
kvölda tvímenningskeppni., þar sem
þrjú bestu kvöldin gilda til verð-
launa.
Spilað er í Breiðfirðingabúð,
Faxafeni 14, á sunnudögum kl. 19.
FEB Reykjavík
Fimmtudaginn 1. nóv. var spilaður
tvímenningur hjá bridsdeild Félags
eldri borgara í Reykjavík. Spilað var
á 14 borðum. Meðalskor var 312 stig.
Efstu pör í N-S:
Jón Þór Karlss. – Björgvin Kjartanss. 358
Magnús Oddsson – Oliver Kristóferss. 357
Jón Lárusson – Ragnar Björnsson 347
A-V:
Björn E. Péturss. – Valdimar Ásmundss. 405
Helgi Samúelss. – Sigurjón Helgas. 393
Ægir Ferdinandss. – Helgi Hallgrss. 388
Fimmtán borð í Gullsmára
Spilað var á 15 borðum í Gull-
smára fimmtudaginn 1. nóvember.
Úrslit í N-S:
Sigtryggur Ellertss. – Tómas Sigurðss. 292
Sigurður Gunnlss. – Gunnar Sigurbjss. 286
Pétur Antonsson – Óskar Ólason 283
Samúel Guðmss. – Jón Hannesson 275
A-V:
Haukur Guðmss. – Helgi Sigurðss. 336
Dagný Gunnarsd. – Steindór Árnason 316
Gróa Jónatansd. – Kristm. Halldórsson 304
Aðalh. Torfad. – Ragnar Ásmundss. 302
Frá eldri borgurum
í Hafnarfirði
Föstudaginn 2. nóvember var spil-
að á 17 borðum.
Úrslit urðu þessi í N/S
Örn Isebarn – Magnús Jónsson 388
Albert Þorsteinsson – Björn Árnason 377
Ragnar Björnss. – Pétur Antonsson 369
Ólafur Ingvarss. – Helgi Einarsson 353
A/V
Sveinn Snorras. – Þorvaldur Þorgrímss. 399
Friðrik Jónsson – Jóhannes Guðmannss. 383
Ólöf Jónsd. – Ólöf Hansen 364
Ólafur Ólafss. – Anton Jónsson 331
BRIDS
Umsjón Arnór G.
Ragnarsson| norir@mbl.is