Morgunblaðið - 06.11.2012, Blaðsíða 29

MINNINGAR 29
MORGUNBLAÐIÐ ÞRIÐJUDAGUR 6. NÓVEMBER 2012
✝ Matthildur Þ.Marteinsdóttir
fæddist í Reykja-
vík 13. apríl 1930.
Hún lést á Land-
spítalanum í Foss-
vogi 25. október
2012.
Hún var dóttir
hjónanna Marteins
Halldórssonar, bif-
reiðarstjóra, f. 24.
nóvember 1898, d.
28. júní 1963, og Katrínar
Hólmfríðar Jónasdóttur, f. 7.
febrúar 1904, d. 4. júní 1987.
Systkini Matthildar eru: Guð-
laug Marteinsdóttir, f. 31.
október 1931, giftist Jóhanni
Braga Eyjólfssyni, f. 20. nóv-
ember 1930, d. 18. júní 1977,
sambýlism. Gísli Ferdinands-
son, f. 13. október 1927, Hall-
dór Marteinsson, f. 29. október
1932, maki Anna Kristín Ara-
dóttir, f. 19. apríl 1932, Jónas
H. Marteinsson, f. 15. október
1947, maki Björg Breiðfjörð
Marísdóttir, f. 17. júní 1948.
Matthildur giftist í Banda-
ríkjunum 30. september 1950
Árna Ólafssyni, f. 25. ágúst
1930, d. 2. febrúar 2003. Þau
aldsdóttir, f. 28. október 1983,
maki Bjarni Eiríksson, f. 7.
ágúst 1979. Synir þeirra eru:
Haraldur Bjarkan, f. 31. des-
ember 2009, og Víkingur
Guðni, f. 29. nóvember 2011. 2)
Marteinn Gísli, f. 8. janúar
1955. Var kvæntur Jóhönnu G.
Benediktsdóttur, f. 6. ágúst
1956. Þau skildu síðar.
Matthildur ólst upp í Vestur-
bænum í Reykjavík. Hún út-
skrifaðist með stúdentspróf frá
Menntaskólanum í Reykjavík
árið 1950 og flutti sama ár til
Bandaríkjanna þar sem hún
bjó í rúman áratug. Þar gekk
hún að eiga Árna og stofnuðu
þau fjölskyldu. Þau hjónin
bjuggu víðsvegar um Banda-
ríkin vegna vinnu Árna en
lengst af dvöldu þau í Seattle
og New York. Matthildur lauk
BA-prófi í bókasafnsfræðum og
ensku frá Háskóla Íslands árið
1972 og gegndi starfi bóka-
varðar og síðar yfirbókavarðar
á læknabókasafni Landspít-
alans í Fossvogi til starfsloka.
Útför Matthildar fer fram
frá Dómkirkjunni í dag, 6. nóv-
ember 2012, og hefst athöfnin
kl. 13.
skildu síðar. Synir
Matthildar og
Árna eru: 1) Ólaf-
ur, f. 8. júní 1951,
kvæntur Þuríði
Vigfúsdóttur, f. 15.
maí 1951. Dætur
Ólafs: a) með Val-
gerði Matthías-
dóttur, f. 19. mars
1953, Tinna, f. 19.
ágúst 1976, maki
Haukur Þórð-
arson, f. 3. júní 1977. Synir
þeirra eru: Ólafur Dagur, f. 18.
september 2000, og Egill, f. 18.
desember 2009. b) með Hrafn-
hildi S. Einarsdóttur, f. 22.
september 1951, Stella, f. 27.
febrúar 1984, maki Hrafn
Gunnarsson, f. 11. ágúst 1982.
Sonur þeirra er Flóki, f. 31.
ágúst 2010. Börn Þuríðar eru:
Vigdís Arna Jóns. Þur-
íðardóttir, f. 4. júlí 1969, börn
hennar eru: Styrmir Elí, f. 10.
febrúar 1996, og Áróra Elí, f.
15. júlí 2003. Guðni Elís Har-
aldsson, f. 18. júlí 1976, d. 1.
júlí 2009, dætur hans eru: Rak-
el Birta, f. 28. október 1996,
Thelma Rut og Diljá Sif, f. 27.
október 2000. Dagný Rut Har-
Myndin af ömmu Stellu er
ljóslifandi í huganum – hún er
brosandi með stóru grænbláu
augun sín og dökka hárið, hallar
höfðinu undir flatt og segir: „I
love you, love you a thousand
times.“ Þetta var amma vön að
segja við okkur systurnar, geisl-
andi af hjartahlýju.
Amma var Reykjavíkurmær í
orðsins fyllstu merkingu, fædd
og uppalin í Vesturbænum, KR-
ingur og MR-stúdent. „Vestur-
bærinn er bestur“ átti hún til að
segja, þegar hann bar á góma.
En amma hafði líka mikla unun
af náttúrunni og af því að
ferðast um Ísland. Á þeim ferð-
um safnaði hún mörgum stein-
um sem hún síðan setti upp allt
í kringum sig. Fyrir litlar stelp-
ur var steinaborðið í stofunni
þvílík gersemi. Þar var steinum
hvaðanæva af landinu raðað
haganlega og amma vissi upp á
hár hvað hver og einn steinn hét
og hvaðan hann kom.
En amma Stella var líka
heimsborgari. Hún hafði gaman
af því að ferðast og sjá og upp-
lifa nýja og framandi staði. Hún
fór þó ekki bara í stutt ferðalög,
hún bjó um árabil í Bandaríkj-
unum. Hún flutti nýútskrifuð úr
MR til afa Árna í Seattle. Þar
giftu þau sig og síðar fæddust
pabbi og Matti frændi. Þau
fylgdu afa Árna og vinnunni
hans og fluttu því eins og marg-
ir Ameríkanar gera, oft yfir
þver og endilöng Bandaríkin.
Ein af mörgum sögum sem
amma sagði okkur systrunum
var af því þegar þau fjölskyldan
bjuggu í Brownsville, Texas. Þá
voru þau fjölskyldan með frá-
bæra heimilishjálp og borgði
amma henni eftir því. Það var
ekki vel séð af öðrum húsmæðr-
um í hverfinu en allar vildu þær
halda niðri launum heimilis-
hjálparinnar. Amma var beðin
um að greiða „hjálpinni“ laun
innan þeirra marka sem var bú-
ið að ákveða eða verða útilokuð
úr kvennasamfélagi hverfisins.
En amma, töffarinn sem hún
var, neitaði að taka þátt í þessu,
og var alveg sama þó hún yrði
þá útilokuð af einhverjum ná-
grannakonum sínum. Amma
upplifði aðskilnað svarta og
hvítra í Bandaríkjunum, hún
hunsaði niðrandi köll strætis-
vagnabílstjóra og settist aftast í
vagninn þegar hvítir máttu að-
eins sitja fremst.
Það er einnig svo lýsandi fyr-
ir ömmu að uppáhaldsborgin
hennar var New Orleans með
öllum sínum menningarfjöl-
breytileika, tónlist og litum. Síð-
ar þegar við systur komum í
mat til ömmu átti hún það til að
elda það sem þótti mjög óvenju-
legt í Reykjavík á níunda ára-
tugnum, hún átti ógrynni af alls
kyns framandi kryddum, sem
sum hver þekktust ekki hér á
landi. Maturinn sem amma
lærði að elda í Ameríku var í
uppáhaldi, réttir undir kreólsk-
um áhrifum, chili con carne og
rauða kjötsúpan.
Það er afar erfitt að kveðja
ömmu Stellu, en við erum þakk-
látar fyrir allt það fallega sem
hún gaf okkur og sem við kom-
um til með að búa að alltaf. Við
munum segja strákunum okkar
sögur frá þessari dásamlegu
konu sem var okkur svo kær,
kenna þeim það sem amma
kenndi okkur. Hluti af ömmu
Stellu lifir með okkur, í hjörtum
okkar, alla tíð.
Elsku amma Stella: „We love
you, love you a thousand times.“
Þínar
Tinna og Stella.
Þegar ég fékk þær sorgar-
fréttir að þú værir látin, elsku
Stella frænka mín, fór hugur
minn á flug. Þegar ég var barn
eru mínar fyrstu minningar um
þig, elsku frænka, þegar þú
bjóst í Ameríku. Allir fallegu
kjólarnir sem þú sendir mér.
Þetta voru sko alvöru prinsess-
ukjólar. Ég man ennþá eftir
hvernig þeir litu út og hvernig
efnið í þeim var og var ég nú
ekki nema kannski þriggja ára.
Ég man alltaf eftir mynd sem
mamma átti af þér með dreng-
ina þína tvo, Óla og Matta, þeg-
ar þeir voru litlir. Ég gat setið
tímunum saman og horft á
þessa mynd, mér fannst þú vera
eins og Hollywoo-stjarna, þú
varst svo falleg. Sem barni
fannst mér alltaf svo gaman að
koma á Hraunbrautina til Árna
og Stellu frænku, það sem þú
nenntir að greiða mér um hárið
og setja í mig spennur og slauf-
ur, ég sem var svo hársár lét
mér þetta vel líka af því að þú
hafðir svo gaman af þessu. Ég
naut nefnilega góðs af því að þú
áttir tvo syni en enga dóttur og
var ég auðvitað alveg sátt við
allt þetta dekur. Aldrei gleymi
ég dögunum sem við áttum á
Hótel Bifröst þegar ég var tíu
ára og Matti veiddi Maríulaxinn
sinn. Það sem þið stjönuðuð við
mig, ég held að honum Matta
frænda mínum hafi nú fundist
alveg nóg um. Þegar ég svo
komst á unglingsárin þá fór ég
að vinna á sumrin með þér á
læknisfræðibókasafninu á Borg-
arspítalanum. Það voru
skemmtilegustu vinnustundirnar
mínar, þar var mikið brallað og
mikið hlegið. Og höfum við oft
minnst þessara ára. Ég er svo
þakklát fyrir það hvað okkar
samband hélst í gegnum öll
þessi ár.
Ég man hvað okkur hjónum
þótti vænt um þegar þú og Árni
heitinn komuð og heimsóttuð
okkur til Bretlands oftar en
einu sinni. Þið voruð okkur svo
góð. Svo var það bústaðarferðin
góða þar sem ég, mamma og þú
fórum saman upp í bústað og
vorum þar í viku og spiluðum og
spiluðum eins og okkur væri
borgað fyrir það, enda sögðum
við alltaf að við værum í
vinnunni þegar við spiluðum á
milli þess sem við fórum upp á
Akranes að skoða í búðar-
glugga.
Og ég, svona mikið yngri en
þið systurnar, hef aldrei
skemmt mér eins vel. Að lokum
vil ég þakka þér fyrir, elsku
frænka mín, hvað þú hefur verið
börnunum mínum góð og eiga
þau margar góðar minningar
um þig, þú varst þeim svo kær.
Ég gæti haldið endalaust áfram,
það er svo margs að minnast
enda hef ég haft þig hjá mér,
elsku frænka, í rúm 54 ár. Nú
kveð ég þig að sinni, hafðu þökk
fyrir allt og allt og Guð veri með
þér, elsku Stella mín.
Stella og Mick.
Tengdamóðir mín fyrrver-
andi, Stella Marteinsdóttir, var
afar falleg kona og vakti hvar-
vetna athygli fyrir glæsileika;
óvenjudökkt hár, geislandi fal-
leg blágræn augu og einstaka
útgeislun. En hún var ekki ein-
göngu útlitsfögur, hún var líka
svo falleg sál.
Það birtist best í því hvað
hún var hjartahlý og skapgóð
manneskja með einstakt jafn-
aðargeð. Og alltaf var hún jafn
hlý og yndisleg við hvern þann
sem á vegi hennar varð. Þeir
sem áttu því láni að fagna að
kynnast henni vel nutu ævinlega
þessara miklu kosta hennar og
dásamlegrar nærveru. Ég
kynntist Stellu fyrst árið 1973.
Þá bjó hún ásamt eiginmanni
sínum, Árna Ólafssyni, og
tveimur sonum þeirra, Ólafi og
Marteini, í glæsilegu húsi í
Kópavoginum. Þetta var á
menntaskólaárum mínum. Ég
var ástfangin af Óla, síðar
barnsföður mínum, en saman
eignuðumst við dótturina Tinnu.
Ég varð fljótt heilluð af þeim
hjónum. Stella og Árni voru
miklir heimsborgarar. Heimili
þeirra var einstaklega fallegt og
hlýlegt, þau áttu mikið af bók-
um, bæði erlendum og íslensk-
um, og falleg myndlist var á öll-
um veggjum enda Stella
bókasafnsfræðingur og mikill
listunnandi. Þau hjónin höfðu
stundað nám í Bandaríkjunum
og búið þar lengi og ég man
hvað mér fannst spennandi hve
heimili þeirra bar mikinn keim
af þeirri fjölþjóðlegu menningu
sem þau höfðu kynnst á náms-
árum vestanhafs. Matarveislur
Stellu voru til dæmis ævintýra-
legar. Hún var snillingur í að
nota nýjar og spennandi krydd-
tegundir sem voru óþekktar
hérlendis og töfraði fram ótrú-
lega bragðgóða rétti sem eru
mér ógleymanlegir.
Minningar um þessa fallegu
og yndislegu konu, sem hafði
góð áhrif á alla sem henni
kynntust með hlýju og blíðri
lund, eru margar og ljúfar og
hennar verður sárt saknað.
Barnabörnin hennar missa mik-
ið að eiga hana ekki lengur að,
og þeim öllum og bræðrunum
og þeirra fjölskyldum sendi ég
innilegar samúðarkveðjur. Takk,
elsku Stella, fyrir allt sem þú
hefur gefið mér og okkur
mæðgum báðum, og við búum
að alla ævi. Guð geymi þig,
elsku fallega Stella mín.
Valgerður Matthíasdóttir.
Hún var alltaf í svo miklu
uppáhaldi hjá mér, hún Stella
frænka eða Stella stóra eins og
við kölluðum hana oft. Það var
nú ekki af því að hún væri sér-
staklega stór eða mikil heldur af
því að hún var sú eldri af tveim-
ur yndislegum Stellum í fjöl-
skyldunni. Svo bættist sú þriðja
við löngu seinna, barnabarnið
hennar hún Stella Ólafsdóttir.
Stella frænka hét reyndar
Matthildur Þórey en ég vissi
það nú ekki fyrr en ég var orðin
fullorðin því hún var aldrei köll-
uð annað en Stella. Stella
frænka var alltaf hress og kát
og það var alltaf gaman að hitta
hana. Mér fannst hún alltaf svo
áhugaverð og spennandi. Hún
hafði búið í Ameríku og vissi svo
margt. Ég man að einu sinni,
þegar ég var lítil stelpa, fékk ég
að fara með henni og ömmu
Kötu í Ölfusborgir og Tinna
sonardóttir hennar var með.
Þetta var eftirminnileg ferð.
Stella frænka kenndi mér nokk-
ur orð í ensku og mér fannst
mjög mikið til þess koma.
Við áttum þarna góðar stund-
ir saman. Það var líka alltaf
gaman að heimsækja hana á
Hraunbrautina. Húsið hennar
var svo sérstakt og flott. Það
var eins og ævintýri fyrir litla
stelpu að koma þangað. Stella
frænka var líka hlý og góð og
áhugasöm um allt sem maður
var að fást við. Hún var alltaf
svo ung í anda og maður gat
spjallað um ótrúlegustu hluti við
hana. Elsku Stella frænka, ég
kveð þig með söknuð í hjarta.
Anna Katrín.
Matthildur Þ. (Stella)
Marteinsdóttir
HINSTA KVEÐJA
Nú til hvíldar leggst ég lúinn,
lát mig, Drottinn, sofa rótt;
hvílan faðminn breiðir búin,
blessuð kom þú draumanótt.
Vef mig þínum ástararmi,
englar guðs mér vaki hjá;
friðardagsins blíði bjarmi,
bráðum ljómar himni á.
(Guðmundur F. Helgason)
Minning þín lifir í hjört-
um okkar.
Katrín, Christine og
Michael Whalley
HJARTAVERND
Minningarkort
535 1825
www.hjarta.is 5351800
✝
Ástkær eiginmaður minn, faðir okkar, tengda-
sonur, bróðir, mágur og frændi,
ARINBJÖRN AXEL GEORGSSON,
Heiðarbraut 41,
Akranesi,
lést þriðjudaginn 30. október.
Útför hans fer fram frá Akraneskirkju
föstudaginn 9. nóvember kl. 14.00.
Elísabet Harles,
Ingibjörg Lilja Arinbjörnsdóttir,Hlynur Steinn Arinbjörnss.,
Ingibjörg Hafsteinsdóttir, Hákon H. Pálsson,
Vilborg Guðríður Georgsdóttir, Ingibjörn Sigurjónsson,
Halldór Sigfús Georgsson, Sigríður Bragadóttir,
Haukur Georgsson, Regína Geirsdóttir,
Hjálmar Georgsson, Sigrún Hjördís Haraldsdóttir,
Fjóla Georgsdóttir, Ómar Þröstur Björgólfsson,
Guðni Jóhannes Georgsson, Jóhanna María Sigurgeirsd.,
Svandís Georgsdóttir, Sigurvin Jón Kristjánsson
og systkinabörn.
✝
Ástkær frænka mín,
RAGNHEIÐUR ÁSBJÖRG
GUÐJÓNSDÓTTIR,
Sólheimum 23,
Reykjavík,
lést á Hjúkrunarheimilinu Eir sunnudaginn
4. nóvember.
Jarðarförin auglýst síðar.
Fyrir hönd aðstandenda,
Guðjón Ásbjörn Ríkharðsson.
✝
Ástkær eiginmaður minn, faðir, tengdafaðir
og afi,
JÓHANN EINVARÐSSON,
Heiðargarði 29,
Keflavík,
lést laugardaginn 3. nóvember.
Guðný Gunnarsdóttir,
Gunnar Jóhannsson, Fríða Kristjánsdóttir,
Einvarður Jóhannsson, Alice Harpa Björgvinsdóttir,
Vigdís Jóhannsdóttir, Birgir Örn Tryggvason
og barnabörn.
✝
Elskulegur eiginmaður minn, faðir okkar,
tengdafaðir, afi og langafi,
KRISTJÁN K. PÁLSSON
prentari,
Dísarborgum 4,
Reykjavík,
lést á líknardeild Landspítalans, Kópavogi,
sunnudaginn 4. nóvember.
Útför auglýst síðar.
Kristín Jóna Guðlaugsdóttir,
Gunnar Örn Kristjánsson, Birna H. Rafnsdóttir,
Hafþór Kristjánsson, Sólveig Björk Jakobsdóttir,
Steinar Kristjánsson, Sigríður Rósa Víðisdóttir,
barnabörn og barnabarnabörn.
✝
Ástkær eiginkona mín, móðir, stjúpmóðir,
tengdamóðir, amma og langamma,
GUÐRÚN S. PÁLSDÓTTIR
lyfjatæknir,
Norðurbakka 11a,
áður Hverfisgötu 46,
Hafnarfirði,
lést föstudaginn 2. nóvember á líknardeild Landspítalans
í Kópavogi.
Útförin fer fram frá Hafnarfjarðarkirkju föstudaginn
9. nóvember kl. 15.00.
Halldór Sigurðsson,
Ásgeir Halldórsson, Anita Anna Jónsdóttir,
Ragnar Guðlaugsson, Lára Birgisdóttir,
Hallfríður Sigurðardóttir, Robert Petersson,
Páll Sigurðsson,
Emil A. Sigurðsson, Valda Brokane,
Jófríður Halldórsdóttir, Sigurður Jónsson,
Sigurður Halldórsson, Ester Arnarsdóttir,
Hilmar Halldórsson, Kolbrún Ólafsdóttir,
barnabörn og barnabarnabörn.