Morgunblaðið - Sunnudagur - 27.01.2013, Page 22

22 MORGUNBLAÐIÐ SUNNUDAGUR 27.1. 2013
Heilsa og hreyfing
K
ristján Már Gunnarsson er eini Íslendingurinn sem
er titlaður atvinnubloggari í símaskránni. Hann er
með síðuna AuthorityNutrition.com, sem hann opn-
aði 1. desember en hann skrifar þar um næringu og
heilsu. Áður hafði hann getið sér gott orð fyrir vefinn kris-
kris.com, sem hann heldur ennþá úti en verður nú á per-
sónulegri nótum.
Áhugi hans á heilsu og næringu kom til vegna hans eigin
leitar að betra lífi. „Ég kom út úr meðferð fyrir sex árum.
Eftir það fékk ég mikinn áhuga á heilsu, fór í ræktina og að
lesa mér mikið til á þessu sviði,“ segir Kristján en meðferðin
var við áfengis- og eiturlyfjafíkn.
„Á tímabili ætlaði ég mér að keppa í vaxtarrækt en það
varð ekkert úr því en þá færðist áhugasviðið meira yfir í
næringu,“ segir Kristján, sem frá þessum tíma hefur legið
yfir vísindagreinum og viðað að sér ýmiss konar fróðleik.
„Svo ákvað ég að stofna vefsíðu fyrir tveimur árum.“
Þetta er líka atvinna fyrir hann, titillinn í símaskránni er
ekkert grín. „Svo er ég líka að þessu til að fá tekjur, ég er
með auglýsingar á síðunni,“ segir Kristján, sem getur lifað á
þessu núna.
Hann leggur mikla vinnu í greinarnar sem hann skrifar en
þær eru á ensku svo þær ná til mun stærri hóps en ef hann
hefði skrifað á íslensku. „Ég vil hafa háan standard á nýju
síðunni, vera duglegur að vitna í vísindagreinar og styðjast
við heimildir,“ segir Kristján, sem er alls ekki bara að segja
sína skoðun eins og er svo algengt á netinu. „Langflestir eru
þannig, koma með fullyrðingar en nota ekkert til að bakka
þær upp.“ Til viðbótar birtir hann viðtöl við sérfræðinga og
fyrirlestra. „Ég passa upp á að þetta sé fólk sem veit hvað
það er að tala um.“
Ennfremur virðist hafa myndast ákveðið samfélag í kring-
um Kristján á netinu. „Ég fæ mjög mikið af kommentum,
tölvupósti og Facebook-skilaboðum og reyni að svara öllu.“
Fór í nám í læknisfræði
Kristján er læknanemi við Háskóla Íslands. Hann er búinn
með tvö ár og var byrjaður á þriðja ári en ákvað að taka sér
ársfrí. „Það var kominn námsleiði í mig, ég var eitt ár í Há-
skólanum áður en ég fór í lækninn. Mér fannst vera kominn
tími á smáhvíld.“
Hann segir læknanámið hafa hjálpað sér í því að lesa og
túlka vísindagreinar. „Það er lítið af næringarfræði í lækn-
isfræði en maður lærir mikið um efnaskipti líkamans.“
Hann rifjar upp tímann fyrir meðferðina. „Ég fór fimm
sinnum á einu ári á Vog. Ég var í þessu í frekar mörg ár.
Ég er 26 ára og er kominn heldur stutt í náminu miðað við
það út af þessu.“ Núna er gamli lífsstíllinn orðinn fjarlægur,
segir Kristján. „Fyrstu árin var þetta nálægt og maður var
að rifja upp gamla lífið en núna er maður kominn með nýjar
minningar og nýtt líf.“
Egg, smjör og lýsi er nokkuð sem
vantar aldrei í ísskápinn hjá Kristjáni.
Verið
að ljúga
að fólki
KRISTJÁN MÁR GUNNARSSON SAGÐI SKILIÐ VIÐ
ÁFENGIS- OG EITURLYFJAFÍKN FYRIR SEX ÁRUM.
NÚNA HELDUR HANN ÚTI HEILSUVEFSÍÐU ÞAR
SEM HANN REKUR KOSTI LÁGKOLVETNAMATAR-
ÆÐIS MEÐ ÁHERSLU Á NÁTTÚRULEGAN MAT.
Inga Rún Sigurðardóttir ingarun@mbl.is
KRISTJÁN SKRIFAR UM HEILSU
Dæmigerður dagur hjá manneskju sem
borðar samkvæmt lágkolvetnamat-
aræði gæti litið svona út:
Morgunmatur: Eggjakaka með
blönduðu grænmeti, steikt uppúr
smjöri eða kókosolíu.
Hádegismatur: Jógúrt gerð úr
mjólk úr kúm sem nærast á grasi með
berjum, kókosflögum og valhnetum.
Kvöldmatur: Kjöt og grænmeti.
Kristján segir að fólk eigi endilega að
hafa fjölbreytt grænmeti í fæði sínu. Ef
takmarkið sé að vera undir 50 grömm-
um af kolvetnum á dag sé nóg pláss
fyrir grænmeti og einn ávöxt.
Ef fólk er hraust og ekki með það
takmark að létta sig má líka bæta inn
kartöflum og sætum kartöflum, hrís-
grjónum og höfrum. Morgunblaðið/Kristinn
Dæmigerður
dagur
Kristján borðar mikið af eggjum og mælir með neyslu
þeirra á síðu sinni AuthorityNutrion.com: „Egg eru með-
al hollustu fæðutegunda á jörðinni og rauðan er langnær-
ingarríkasti hlutinn. Athugaðu að næringin í einu eggi er
nóg fyrir eina eggfrumu til að breytast í heilan unga.
Þrátt fyrir hræðsluáróður seinustu áratuga valda egg
EKKI hjartasjúkdómum. Það er vitleysa sem hefur aldrei
verið sönnuð.
Að borða egg breytir „slæma“ kólesterólinu úr „small,
dense LDL“ í „large LDL“ – sem er skaðlaust. Einnig eyk-
ur neysla á eggjum HDL (góða) kólesterólið. Egg eru líka
rík af einstökum andoxunarefnum sem kallast lútein og
zeaxanthín sem eru mjög mikilvæg fyrir augun.
Fyrir utan þetta eru egg mjög rík af alls konar öðrum
næringarefnum og það eru mjög fáar matartegundir sem
jafnast á við egg hvað það varðar.
Einnig eru egg mjög mettandi og valda saðningartilfinn-
ingu. Í rannsókn á 30 of þungum konum kom í ljós að þær
sem borðuðu egg í morgunmat borðuðu sjálfkrafa færri
hitaeiningar næstu 36 tímana.“
Morgunblaðið/Kristinn
Borðaðu egg