Morgunblaðið - Sunnudagur - 27.01.2013, Qupperneq 24

*Heimili og hönnunSkipulagsfræðingur í miðbænum lætur mynd úr Hubble sjónaukanum þekja hurðir fataskápsins »
Upphaflega fóru heilu kjallararnir í kyndiklefa ogkolageymslur í þessum gömlu húsum. Þjónustu-fólkið bjó inni á húseigendunum og hér hefur lík-
legast verið nokkurs konar ráðskonuíbúð. Hér var klósett,
eldhús, eitt herbergi en ekkert baðherbergi. Þetta er
ákjósanlegur staður og skemmtilegt hús, teiknað af Einari
Sveinssyni, sem var húsameistari Reykjavíkur. Þetta er
eitt af þessum gömlu fallegu fúnkishúsum sem fáir taka
eftir. Þau eru ákaflega vel hönnuð og tímalaus,“ segir Orri
Gunnarsson skipulagsfræðingur um húsið sem hann býr í
við Skothúsveg.
Útsýni yfir Tjörnina úr kjallaraíbúð
Hann býr á jarðhæðinni en hefur engu að síður gott út-
sýni úr flottum hornglugga í stofunni, sem er eitt einkenni
fúnkishúsa. „Þetta er einstaklega góð staðsetning og
ábyggilega besta útsýni sem þú færð úr kjallaraíbúð á
landinu,“ segir hann og eru það orð að sönnu en það er
útsýni yfir Reykjavíkurtjörn úr stofunni.
„Þetta var ekki hugsað eins og hefðbundin íbúð og það
þurfti að gera töluvert mikið fyrir hana. Gólfefnin voru
mismunandi og það þurfti að taka þau í gegn og leggja
mikið niður af heitavatnspípum og fjölga innstungum.
Steypt var nýtt gólf og ég notaði þá tækifærið og setti
hita í gólfið.“
Nútíma „terrazzo“ er á gólfunum, sem hæfir húsinu vel,
en terrazzo-gólf voru algeng í húsum þess tíma. „Þá var
notaður marmarasalli en hér er íslenskt efni í gólfinu,
fylliefni úr Faxaflóa,“ segir Orri en gamla steinasafnið
fékk líka að fara í gólfið og er mest áberandi í sturtugólf-
inu.
Íbúðin er mjög hreinleg og snyrtileg og þar virðist hver
hlutur eiga sinn stað. Þarna eru engar styttur eða skraut-
munir en steinar fá þó að prýða tvær gluggakistur. Í ann-
arri er að finna sérdeilis fallega hrafntinnu, sem Orri tíndi
á Hrafntinnuskeri en hann hefur verið mikið á fjöllum á
sumrin og starfað sem leiðsögumaður.
Orri er núna konungur í ríki sínu í gömlu vinnukonu-
INNLIT Í PIPARSVEINAÍBÚÐ Í MIÐBÆNUM
Óþol fyrir innkaupum
Orri er búsettur við Skothúsveg. Hann nýtur mannlífsins í mið-
bænum þar sem hann bæði býr og starfar og gengur til vinnu.
ORRI GUNNARSSON SKIPULAGSFRÆÐINGUR BÝR Í
HUGVITSSAMLEGA UPPGERÐRI ÍBÚÐ VIÐ SKOTHÚSVEG. HANN NÝTUR
MANNLÍFSINS Í MIÐBÆNUM OG METUR STAÐSETNINGUNA MIKILS.
Texti: Inga Rún Sigurðardóttir ingarun@mbl.is
Myndir: Kristinn Ingvarsson kring@mbl.is