Morgunblaðið - Sunnudagur - 27.01.2013, Qupperneq 28

*Matur og drykkir Áhugakokkurinn Jóhannes er óhræddur við að prófa sig áfram í matargerðinni »30
P
étur Hansson og Ásta Ingólfsdóttir una hag
sínum vel í Kaupmannahöfn og njóta þess að
búa til góðan mat. Pétur er endurskoðandi hjá
Deloitte og starfar nú hjá fyrirtækinu í Kaup-
mannahöfn en hann er þar í gegnum alþjóðlegt skipti-
prógramm. Ásta er í meistaranámi í málvísindum. Frí-
tímann nota þau hins vegar til að elda og baka en
heima á Íslandi höfðu þau gaman af fjallgöngum.
„Þar sem það er ekki hægt að klífa fjall í Danmörku
varð matreiðslan ofan á. Svo fórum við að birta af-
raksturinn á bloggsíðu, astaogpetur.wordpress.com.
Bæði var það fyrir okkur sjálf, til að halda utan um
uppskriftirnar, en einnig til að leyfa vinum og fjöl-
skyldu að fylgjast með okkur,“ segir Ásta. „Þá erum
við líka dugleg að lesa önnur matarblogg.“
Þau Ásta og Pétur útbjuggu rauðrófubollur fyrir
Sunnudagsblað Morgunblaðsins en uppskriftina hafa
þau þróað út frá uppskrift eftir danskan matreiðslu-
meistara; Claus Meyer. Hann notaði gulrætur í sína
uppskrift en uppskrift þeirra inniheldur rauðrófur,
minni sykur og ýmsu fleiru var breytt.
„Hér er alls kyns matur og hráefni sem við höfum
aðgang að og hefur gefið okkur tækifæri til að prófa
nýjar uppskriftir. En maður saknar líka fisksins og ís-
lenska vatnsins,“ segir Pétur. Ásta bætir við að hrá-
efni sem fáist ekki á Íslandi; ætiþistla og ferskan asp-
as, hafi þau líka notað í fyrsta skipti í Danmörku.
En eldamennskan er ekki ný af nálinni. „Við höfum
eldað saman frá fyrsta degi sem við byrjuðum að búa
saman fyrir núna rúmum fimm árum. Sjálfur hef ég
eldað lengur, eða alveg frá því ég var unglingur og
móðir mín úthlutaði mér einum degi í vikunni sem ég
átti að sjá um matinn fyrir fjölskylduna. Þá varð ekki
aftur snúið.“ En eruð þið jafnvíg í eldhúsinu? „Já og
nei. Ég myndi segja að við værum jafngóðir kokkar en
með mismunandi sérhæfingu. En einmitt á þann máta
pössum við einstaklega vel saman í eldhúsinu. Til
dæmis baka ég nánast aldrei á meðan Ásta er meist-
arabakari og á móti sé ég oftast um matreiðslu á kjöti.
Síðan hjálpumst við að sjálfsögðu að.“
Ljósmynd/Pétur Hansson
PRÓFA NÝTT HRÁEFNI Í DANMÖRKU
Jafnvíg í eldhúsinu
Í KAUPMANNAHÖFN BÚA PÉTUR HANSSON OG ÁSTA INGÓLFSDÓTTIR ÞAR SEM ÞAU
ERU Í NÁMI OG STARFI. ÞAR FYRIR UTAN ER ELDAMENNSKA AÐALÁHUGAMÁLIÐ.
Júlía Margrét Alexandersdóttir julia@mbl.is
Pétur Hansson og Ásta Ingólfsdóttir blogga um matreiðslu sína.
8-10 stk.
25 g ferskt pressuger
2 ½ dl volgt vatn
500 g hveiti
1 msk. sykur
1 tsk. salt
30 g mjúkt smjör
1 stórt egg
75 g sesamfræ
1 stór rauðrófa, rifin
Setjið ger, sykur og volgt vatn í
skál og hrærið vel saman. Bætið salti
og hveiti út í og hnoðið. Látið smjör
út í deigið og hnoðið þar til deigið
er mjúkt og teygjanlegt. Leggið rakt
stykki yfir skálina og leyfið deiginu að
lyfta sér í klukkustund. Búið til holu í
miðju deigsins og brjótið eggið í hol-
una. Hellið sesamfræjum og rauðrófu
í holuna og teygið deigið yfir fyll-
inguna svo úr verði stór deigkúla.
Notið hníf eða spaða til þess að
skera deigið í marga litla bita og sjáið
til þess að blanda egginu, sesam-
fræjum og rauðrófunni jafnt í deigið.
Bitarnir þurfa ekki vera jafnstórir en
deigið á að haldast saman eins og
hakkabuff.
Skiptið deiginu í 8-10 hluta og
komið þeim fyrir á bökunarplötu
með bökunarpappír. Leyfið deiginu
að lyfta sér í 30 mínútur og bakið
síðan í 10-15 min við 220°C án
blásturs.
Rauðrófubollurnar eru einstaklega
góðar með smjöri og osti.
Það er hægt að nota annað rót-
argrænmeti í staðinn fyrir rauðróf-
urnar, til dæmis gulrætur eða rófur.
Einnig er lítið mál að nota aðra teg-
und af fræjum í uppskriftina, til dæm-
is sólblómafræ eða graskersfræ.
Rauðrófubollur
með sesamfræjum