Morgunblaðið - Sunnudagur - 27.01.2013, Page 42

Jafnréttisráð Danmerkur úrskurð-aði nýlega að hársnyrtistofurlandsins mættu ekki rukka mis-
munandi verð fyrir dömuklippingu
og herraklippingu en ráðinu barst
kvörtun þess efnis að konur þyrftu
að greiða hærra verð fyrir klippingu
en karlmenn.
Danskir hárgreiðslumeistarar hafa
mótmælt úrskurði ráðsins og segja
engum mismunað en án árangurs þar
sem jafnréttisráðið telur að mismun-
andi verð brjóti í bága við jafnréttis-
stefnu Danmerkur.
Connie Mikkelsen, talsmanni
danskra hárgreiðslumeistara, finnst
niðurstaðan einkennileg og segir
verðmuninn fólginn í mismunandi
tíma og vinnu sem almennt fari í að
klippa karlmenn og konur. Verðmun-
urinn hafi því ekkert með mismunun
að gera. „Það tekur einfaldlega lengri
tíma að klippa konur en karlmenn.
Auk þess krefst það meiri tækni og
við notum að jafnaði meira af hár-
snyrtivörum þegar við klippum konur
en karlmenn,“ segir Mikkelsen sem
telur niðurstöðu jafnréttisráðs Dana
ekki í neinu samhengi við raunveru-
leikann. Danskir hárgreiðslumeistarar
sem hafa tjáð sig um málið hafa m.a.
bent á að ef eitthvað þá sé herra-
klippingin hlutfallslega dýrari enda fari
minni tími í að klippa karlmenn og
færri hársnyrtivörur notaðar. Algengt
verð fyrir herraklippingu í Danmörku
er um 430 danskar krónur eða rúm-
ar 10.000 íslenskar krónur og dömu-
klipping kostar 530 danskar krónur
eða rúmar 12.300 íslenskar krónur
miðað við núverandi gengi.
Enn enginn kvartað á Íslandi
Elsa Haraldsdóttir, hárgreiðslumeist-
ari og eigandi Salon veh, segist ekki
hafa fengið kvörtun vegna mismun-
andi verðs á herraklippingu og
dömuklippingu í þau 42 ár sem hún
hefur rekið hársnyrtistofuna sína.
„Það er ekki spurning að klipping
herra kostar minna en dömuklipping.
Hjá konum er allur frágangur eftir
klippinguna tímafrekari eins og til
dæmis þurrkun sem getur tekið allt
upp í 40 mínútur,“ segir Elsa en að
hennar sögn hefur þessi umræða
ekki komið upp á Íslandi. Daði
Hendricusson, hárgreiðslumeistari
hjá Kompaniid, tekur í sama streng
og segir mismunandi tíma fara í vinn-
una eftir því hvort um herraklippingu
eða dömuklippingu er að ræða. Al-
mennt er gert ráð fyrir að herra-
klipping taki um hálftíma en dömu-
klipping tekur ekki minna en
klukkutíma.
DEILT UM VERÐ Á HÁRGREIÐSLU
Jafnrétti
eða jöfnuður?
VERÐMUNUR Á MISMUNANDI ÞJÓNUSTU HÁRGREIÐSLU-
MANNA ER TALINN BROT Á JAFNRÉTTI Í DANMÖRKU. EKKI MÁ
RUKKA KONUR MEIRA EN KARLMENN.
Vilhjálmur A. Kjartansson vilhjalmur@mbl.is
Morgunblaðið/Ernir
Verð á herra- og dömuklippingu
* Herraklipping miðar við 30 mínútur og dömuklipping 60 mínútúr
Hársnyrtistofur Herraklipping Dömuklipping
SalonVEH 4.500 kr. 7.000 - 8.500 kr.
Kompaníið 6.400 kr. 7.900 kr.
Beauty Bar 4.500 - 5.500 kr. 6.000 - 10.000 kr.
Krista 5.200 kr. 6.900 kr.
Solid hár 4.900 kr. 6.200 - 7.100 kr.
*Fjármál heimilannaÞað getur margborgað sig að gera verðsamanburð áður en haldið er af stað í matarinnkaup
Kaupmáttur íslenskra
heimila hefur ekki enn náð
þeim stað sem hann var á
mánuðina fyrir hrun. Þá er
enn of stór hluti þjóð-
arinnar án atvinnu og því
enn nauðsynlegra en áður
að spara á þeim sviðum
sem hægt er. Haukur Hilm-
arsson heldur úti síðunni
www.skuldlaus.is þar sem
hann kemur inn á mann-
legri þætti fjármála og gef-
ur fólki góð ráð. Hann fer
m.a. inn á einfaldar leiðir til
að spara við innkaup en
þau geta verið drjúgur hluti
í heimilisbókhaldinu.
Heilráð Hauks
1. Áður en farið er út í búð að setjast niður og ákveða hvað skal kaupa t.d. með
því að fara yfir það sem þegar er til í ísskápnum og velja aðeins vörur sem
vantar.
2. Allir ættu að gera innkaupalista áður en farið er út í búð og halda sig við listann
í búðinni.
3. Velja sér lágverðsverslun í stað þess að skjótast alltaf út í næstu búð. Töluverð-
ur verðmunur getur verið milli lágverðsverslana og þeirra sem eru t.d. opnar
allan sólarhringinn.
4. Ekki fara svöng að versla, þreytt eða stressuð. Það ýtir undir óskynsamleg
kaup. Veljum okkur frekar góðan tíma til að fara og gefum okkur þá tíma í að
kaupa það sem raunverulega þarf og vantar.
5. Gerum verðsamanburð milli verslana. Það getur verið gagnlegt að bera saman
verð af og til á milli verslana. Þannig má t.d. kaupa dósamat, klósettpappír og
álíkar vörur í meira magni þar sem þær eru ódýrastar.
6. Það er ekkert að því að fylgjast með tilboðum og gera góð kaup í fleiri en einni
verslun.
7. Skoðaðu strimilinn. Til langs tíma má spara umtalsverðar fjárhæðir með því að
skoða strimilinn. Því miður er oft munur, jafnvel mikill, á hilluverði og á strimli.
8. Ekki kaupa tískuvörur, skartgripi, úr, raftæki, húsgögn o.s.frv. á fullu verði. Lág-
verðsverslanir og „outlet“-verslanir selja sömu vörur á langtum betra verði.
9. Hægt er að gera góð kaup í jólagjöfum og leikföngum fyrir börn á útsölum eft-
ir jól. Föt er hægt að kaupa á góðu verði þegar skipt er milli sumar- og vetr-
arvöru.
10. Notaðar vörur eru ekki endilega ónýtar. Til dæmis er Kolaportið eitt best
geymda leyndarmál þeirra sem vilja spara.
Sparaðu
við
innkaupin
Matarinnkaup eru stór hluti af útgjöldum flestra heimila á Íslandi.
Morgunblaðið/Eyþór
TÍU GÓÐ RÁÐ