Morgunblaðið - Sunnudagur - 27.01.2013, Page 45

Gregory (lögreglufulltrúi): „Viltu benda mér á
eitthvað annað?“
Holmes: „Á undarlega hegðun hundsins um nótt-
ina.“
Gregory: „Hundurinn gerði ekkert um nóttina.“
Holmes: „Það er svo undarlegt.“
Dillan
Eitthvert sérkennilegasta mál íslenskrar stjórn-
málasögu er dillan um að óhjákvæmilegt væri að
gera atlögu að íslensku stjórnarskránni vegna þess
að bankajöfrar höfðu gengið svo óvarlega um bank-
ana sína að þeir stóðust ekki, þegar öldur alheim-
sólgu í fjármálaheimi bárust til Íslands og hrundu
því um koll. Ekki hefur verið bent á neina grein
stjórnarskrárinnar sem hafi verið sérstaklega með-
virk í þeim hremmingum. Ef það hefði verið gert,
með sannfærandi rökum, þá fengist vafalítið góð
samstaða um að hafa endaskipti á slíkri óþurft-
argrein. En þar sem dillumenn virðast þrátt fyrir
allt ekki hafa komið auga á neina slíka grein þá vilja
þeir kollvarpa stjórnarskránni í heild. Þá hrekjast
menn frá bankahruni yfir í þau rök að dauður
danskur kóngur og forfeður hans beri ábyrgð á ís-
lensku stjórnarskránni. Það er mjög ofsagt.
Nú vill raunar svo til að Danir, frændur vorir og
fornir herrar, fóru ekki sjálfir á mis við darraðar-
dansinn sem hófst um mitt ár 2007 og fullkomnaðist
haustið 2008 og fóru tugir banka þar í landi á haus-
inn og er enn að bætast í hrunköstinn. Engum
manni þar í landi dettur í hug að bendla sína
ómenguðu konunglegu stjórnarskrá við það. Í hinu
ólögmæta stjórnlagaráði eru inn á milli góðviljaðir
menn og sumir sleipir í dönsku og væri því gustuk
að láta Dani vita um vá þá sem hin kóngmengaða
stjórnarskrá þeirra býr þeim. En auðvitað er ekki
víst að grannar okkar og frændur létu sér segjast.
Þeir búa ekki endilega við betra fræðasamfélag en
hið íslenska, sem sér ekki glóru í röksemdinni fyrir
bröltinu og enn minna úr afurðinni af því.
Af hverju er svona komið?
En svona hlaut þetta að fara. Jóhönnu er að hefnast
fyrir með hvaða hætti hún hóf dansinn um stjórn-
arskrána. Engin raunveruleg leiðsögn var veitt.
Undirleikurinn taktlaus í báðum merkingum orðs-
ins, forleikurinn fáránlegur, aðalverkið burðarlaust,
brotakennt og sjálfu sér sundurþykkt. Með slíkt
stórvirki þannig í laginu, undirleikinn og forleikinn
svona, gat eftirleikurinn ekki orðið fagur. En fyr-
irsjáanlegur var hann.
Jóhanna og Valgerður láta eins og það sé mála-
tilbúnaði þeirra til framdráttar að nær sérhver
maður í landinu, sem þekkir eitthvað til stjórn-
arskrárinnar og þeirra lögmála sem um slíkar gilda,
hringi nú aðvörunarbjöllum sínum svo glymur í.
Þær tvær virðast líka halda að það sé boðlegt fyrir
nokkra þjóð að kollvarpa sinni stjórnarskrá með
ófullburða og óboðlegu plaggi í bullandi andstöðu
við allt og alla. Einu tilvikin, sem hægt er að benda
á í veraldarsögunni, þar sem stjórnarskrá er gerð
undir slíkum formerkjum er þar sem byssustingir
og byssukúlur eru taldar, en ekki orð manna eða at-
kvæði þeirra.
Annar formannskandídat Samfylkingarinnar virð-
ist farinn að átta sig á að um 70 prósent þjóðarinnar
séu andvíg því að landið sé vélað inn í ESB. Hann
bregst þannig við, þegar þetta rennur loks upp fyrir
honum, að þessi hluti þjóðarinnar sé „skyni skropp-
inn!“. Sjálfsagt er að gera ráð fyrir að þingflokkur
Samfylkingarinnar tilheyri þeim 30 prósentum
þjóðarinnar, sem ekki eru afglapar, að mati Árna
Páls Árnasonar, þótt síðustu árin hafi ekki borist
nein merki úr þeim herbúðum sem myndu flokkast
undir ótvíræð gáfnamerki. Nema þá í merkingunni
sem Guttormur J. vitnaði til:
„Gáfnamerki gott að þegja,
glotta að því, sem aðrir segja,
hafa spekingssvip á sér.
Aldrei viðtals virða neina,
virðast hugsa margt, en leyna
því, sem reyndar ekkert er.“
Meðvitað meðvitundarleysi?
Menn taka eftir því að þingflokkur Samfylking-
arinnar virðist elta þær Jóhönnu og Valgerði blind-
andi og eins og vankaður út í fenið. Án andmæla.
Án aðvörunarorða. Án umhugsunar. Án þess að
hlusta á nokkurn mann. Án þess að virða þá viðtals,
sem best þekkja til, nema í þykjustunni. Þetta er
mjög sérstæð framganga.
Gregory: „Viltu benda mér á eitthvað annað?“
Holmes: „Undarlega hegðun þingflokksins.“
Gregory: „En þingflokkurinn hefur ekki gert eitt
né neitt.“
Holmes: „Það er svo undarlegt.“
Morgunblaðið/Golli
27.1. 2013 MORGUNBLAÐIÐ SUNNUDAGUR 45