Morgunblaðið - 21.02.2013, Blaðsíða 16

16 FRÉTTIRInnlent
MORGUNBLAÐIÐ FIMMTUDAGUR 21. FEBRÚAR 2013
ÚR BÆJARLÍFINU
Skapti Hallgrímsson
Akureyri
Hálka er orð dagsins og hláka til
vara. Klakabrynja hefur þakið gang-
stéttir og götur í bænum undan-
farnar vikur og þrátt fyrir mikinn
sand- og saltburð starfsmanna bæj-
arins er víða enn stórhættulegt að
ganga um.
  
Gras er viðkvæmt fyrir umhleyp-
ingum eins og verið hafa undanfarna
mánuði. Áður hefur verið minnst á
íþróttavöll Þórs og golfvöllinn, sem
lágu undir skemmdum. KA-menn
sluppu vel framan af vetri en nú er
töluverður klaki á svæði félagsins á
Brekkunni, og mikill á heimavelli
þeirra, Akureyrarvelli. Björgunar-
aðgerðir eru hafnar þar.
  
Stefnuljós eru notuð sjaldnar á
Akureyri en æskilegt er. Hef nefnt
það á þessum vettvangi og aðrir taka
í sama streng: „Hvort er þetta leti
eða ég ætla sko ekki að láta þessa
skratta vita hvert ég ætla?“ spyr
Gunnar Níelsson á Facebook.
  
Lögreglumaður í bænum, Har-
aldur Logi Hringsson, skrifar at-
hugasemd við ummæli Gunnars og
segir bestu skýringu sem hann hafi
heyrt: „Það skemmir ímynd bílsins.“
Sannarlega áhugavert!
  
Fyrstu orlofshúsin í Hálöndum
voru afhent á dögunum. Bygginga-
fyrirtækið SS Byggir keypti land af
Baldri Halldórssyni skipasmið á
bænum Hlíðarenda fyrir nokkrum
misserum, og hyggst reisa þar tölu-
verða orlofshúsabyggð.
  
Bæði er hægt að kaupa og leigja
orlofshús í Hálöndum. Hvert hús er
rúmlega 100 fermetrar með þremur
svefnherbergjum. Húsin eru fyrir
ofan Akureyri, við veginn upp í Hlíð-
arfjall.
  
Baldur á Hlíðarenda átti hug-
myndina að nafni svæðisins. Helgi
Eyþórsson, verkefnastjóri hjá SS
Byggi, greindi frá því í samsæti þar
sem fyrstu húsin voru afhent.
  
Sveinn Jónsson í Kálfsskinni,
ferðamálafrömuður og fv. bóndi,
ávarpaði samkomuna þegar orlofs-
húsin voru afhent og minnti að sjálf-
sögðu á kláfinn sem hann hefur bar-
ist fyrir að lagður verði frá skíða-
svæðinu í Hlíðarfjalli upp á topp.
Nefndi að Sigurður Sigurðsson,
framkvæmdastjóri SS Byggis, væri
oft nefndur SS-foringinn en nú væri
líka hægt að kalla hann Hálanda-
höfðingjann. Hvatti hann Sigurð til
að ganga í lið með sér og vinna að
því að kláfurinn yrði að veruleika.
Við það myndi gestum í Hliðarfjalli
fjölga enn frekar.
  
Talandi um Hlíðarfjall; um það
bil 20 þúsund manns komu gjarnan
þangað árlega á skíði áður en snjó-
byssurnar rómuðu voru keyptar
fyrir nokkrum árum, en eftir að
skothríðin hófst úr þeim og nægur
snjór var tryggður allan veturinn
hafa um 75 þúsund manns komið
árlega. Ótrúleg breyting, en skiljan-
leg.
  
Jón Torfi Halldórsson heim-
ilislæknir hefur verið ráðinn yf-
irlæknir Heilsugæslustöðvarinnar á
Akureyri í stað Þóris V. Þórissonar.
  
Samstarf er oft lykilorð. Í síð-
ustu viku hófst markaðsátakið Arct-
ic Services en að baki því standa um
35 fyrirtæki og stofnanir á Akureyri,
sem eiga það sammerkt að „eiga er-
indi við verkkaupa og framkvæmd-
araðila á norðurslóðum í krafti sinn-
ar sérþekkingar og reynslu“, eins og
það er orðað.
  
Kveikjan að stofnun Arctic
Services eru aukin umsvif í námu-
og olíuvinnslu á Grænlandi, auk opn-
unar nýrra siglingaleiða um pólinn.
Verkefninu er ætlað að gæta hags-
muna íslenskra fyrirtækja í mark-
aðssetningu og kynningu á fjöl-
breytilegri þjónustu sem í boði er í
höfuðstað Norðurlands.
  
Steingrímur J. Sigfússon, ráð-
herra atvinnuvega og nýsköpunar,
hleypti átakinu formlega af stokk-
unum í samkvæmi í menningarhús-
inu Hofi.
  
Dagur tónlistarskólanna er á
laugardaginn og heldur Tónlist-
arskólinn á Akureyri upp á það með
margvíslegum hætti í Hofi frá kl. 10
til 17. Nefna má nemendatónleika,
hljóðfærakynningu og ratleik. Sjá
nánar á www.tonak.is, heimasíðu
skólans.
  
Forráðamenn Norðurorku og
Leikfélags Akureyrar skrifuðu á
dögunum undir bakhjarlasamning
sem felur í sér stuðning Norðurorku
við félagið. Lögð verður áhersla á að
þeir fjármunir sem lagðir eru í verk-
efnið séu sérstaklega nýttir til við-
burða sem standa bæjarbúum end-
urgjaldslaust til boða og/eða snúa að
þjónustu við börn og ungmenni.
  
Ljótu hálfvitarnir, sú vinsæla
hljómsveit, verður með tónleika á
Græna hattinum bæði á föstudags-
og laugardagskvöld.
Morgunblaðið/Skapti Hallgrímsson
Hálönd Sigurður Sigurðsson og Sveinn í Kálfsskinni í einu nýju húsanna.
Hálandahöfðingi
og mikil hálka
Egill Ólafsson
egol@mbl.is
Landsnet hefur leitað eftir heimild
atvinnuvegaráðherra til að taka til-
tekin landsréttindi á Reykjanes-
skaga eignarnámi til að geta hafið
framkvæmdir við Suðurnesjalínu 2.
Ekki er ágreiningur milli aðila um
fjárhæð bóta heldur vilja nokkrir
landeigendur ekki semja því að þeir
vilja ekki fá línurnar um land sitt.
Háspennulínan mun liggja milli
Hafnarfjarðar og Grindavíkurbæjar,
að mestu leyti við hlið Suðurnesjal-
ínu 1. Samningar hafa tekist við fjóra
af hverjum fimm landeigendum um
62% lands á leið væntanlegrar línu
en ítrekaðar samningsumleitanir við
aðra landeigendur reyndust árang-
urslausar.
Unnið hefur verið að undirbúningi
verkefnisins í sjö ár í samstarfi við
viðkomandi sveitarfélög. Umhverfis-
áhrif Suðurnesjalínu 2 voru metin og
framkvæmdin er á aðalskipulagi
allra sveitarfélaganna.
Núverandi Suðurnesjalína 1 er
eina tenging Reykjanesskaga við
meginflutningskerfi Landsnets og
segir Þórður Guðmundsson, for-
stjóri Landsnets, að bilanir á henni
hafi oft valdið straumleysi og vand-
kvæðum. Flutningsgeta línunnar er
fullnýtt. Hann segir að það sé brýnt
hagsmunamál íbúa og atvinnulífs á
Reykjanesi að flutningskerfi raforku
verði styrkt sem fyrst.
Þórður segir að áform Landsnets
um lagningu Suðurnesjalínu 2 teng-
ist ekki uppbyggingu orkufreks iðn-
aðar á Suðurnesjum. Hann segir að
það sé hins vegar rétt að ef það verði
atvinnuuppbygging á Suðurnesjum
eftir að háspennulínan hafi verið
reist þá sé hægt að auka spennu á
línunni og nota hana til að flytja raf-
magn til nýrra fyrirtækja á Suður-
nesjum.
„Suðurnesjalína 2 er nauðsynleg
framkvæmd í almannaþágu og þolir
ekki frekari bið, enda hvílir sú laga-
skylda á Landsneti að tryggja ör-
yggi og rekstur flutningskerfis raf-
orku. Tvær háspennulínur í stað
einnar munu auka verulega rekstr-
aröryggi raforkukerfis á svæðinu,“
segir í fréttatilkynningu.
Landsvirkjun er tilbúin til að hefja
undirbúning framkvæmda í sumar,
en Þórður segir óvíst hvenær ráðu-
neytið afgreiði beiðni Landsnet um
eignarnám.
Tillaga Landsnets um eignarnám við Suðurnesjalínu
Grunnkort/Loftmyndir ehf.
Reykjanesbær
Njarðvík
Vogar
Hrauntungur
Kúagerði
Straumsvík
Helguvík
Hamranes
Trölladyngja
Suðu
rnes
jalín
a 1 (1
32 k
V)
Suðu
rnes
jalín
a 2 (
220
kV)
Fitjar
Rauðimelur
Núverandi línur 132 kV
Ný lína
Landamerki
Eignarnám
Eignarnám að hluta
Sumir eigendur vilja
ekki loftlínur á landi sínu
 Landsnet hefur óskað eftir eignarnámi á landi undir línu
Þriðja beiðni Landsnets
» Landsnet hefur tvisvar áður
óskað eftir að land sé tekið
eignarnámi vegna lagningar
háspennulínu.
» Það gerðist við lagningu
Fljótsdalslínu. Þá náðust ekki
samningar við 5 landeigendur.
Ráðuneytið óskaði eftir því að
Landsnet gerði á ný tilraun til
að ná samningum við tvo eig-
endur.
Skannaðu kóðann
til að sjá mynd-
skeið um loft-
línurnar