Morgunblaðið - Sunnudagur - 03.02.2013, Side 2

2 MORGUNBLAÐIÐ SUNNUDAGUR 3.2. 2013
Nöfn hafa verið mikið rædd í vik-
unni í kjölfar dóms þar sem Blær
Bjarkardóttir fékk loksins leyfi
löggjafans til að bera nafn sitt.
Einkenni fólks í lífi okkar tengj-
um við nöfnum þess, hvort sem
fólkið er af holdi og blóði eða
skáldsagnapersónur. Nafn getur
öðlast ákveðinn sess í huga okkar
óháð því hver raunveruleg merk-
ing nafnsins er.
Nafn pólfarans Vilborgar Örnu
verður hér eftir tengt hetjudáð og
ótrúlegu úthaldi. Í blaðinu veitir
hún lesendum innsýn í þá tækni
sem nauðsynleg var til að geta
verið í tengslum við umheiminn í
leiðangrinum á suðurpólinn.
Ættarnafnið Geirdal er mörg-
um tamt en það er líka til í
Mexíkó. Í blaðinu er viðtal við
Carlos Atla Córdova Geirdal sem
vill helst setjast að hér á landi.
Nafn Eiðs Svanbergs Guðna-
sonar, fyrrverandi ráðherra og nú
Molaskrifara, er víða orðið að
nokkurs konar orðatiltæki, sem
þó ber með sér kímni. Það að
„taka Eið“ þýðir hjá mörgum að
kvarta yfir málfari. Eiður hefur
verið óþreytandi að benda fjöl-
miðlamönnum á mistök í stafsetn-
ingu og málfari og er oft stimpl-
aður nöldrari. Málfarsmolar Eiðs
eru þekktir í netheimum en færri
þekkja hvaða mann Eiður hefur
að geyma. Eiður er einlægur í við-
tali við Sunnudagsblað Morgun-
blaðsins í dag. Hann talar um
æsku sína og segir frá því áfalli að
missa föður sinn sem barn, deilir
því þegar hann tók skemmtiferð
fram yfir inntökupróf í skóla og
segir frá því að börn hans og
barnabörn láti hann heyra það
þegar þeim finnst hann fara ham-
förum á netinu. Hann kveðst hafa
lært það af lífinu að dæma fólk
ekki of fljótt. Líklega ættum við
öll að hafa það hugfast að forðast
að dæma fólk við það eitt að heyra
nafn þess nefnt.
RABBIÐ
Margt felst í nafni
Eyrún Magnúsdóttir
Veturinn verður með hverju árinu vinsælli tími fyrir erlenda ferðamenn að stinga við stafni á Íslandi. Það er ekki síst útivistin sem heillar og þá njóta
jöklarnir alla jafna hylli. Ferðaskrifstofan Iceland Travel býður upp á fjölbreyttar ferðir víðsvegar um landið, meðal annars á Langjökul, þar sem vélsleðar
eru settir undir ferðalanga til lengri eða skemmri tíma. Eggert Jóhannesson ljósmyndari slóst í för með einum slíkum hópi á dögunum og tók þá með-
fylgjandi mynd. Ekki var annað á hinum frönsku gestum að skilja en að þeir væru í sjöunda himni í frelsinu á jöklinum.
AUGNABLIKIÐ
Morgunblaðið/Eggert
SLEÐAHALD Á JÖKLI
FÁTT JAFNAST Á VIÐ AÐ FLENGJAST UM Á VÉLSLEÐA Á ÍSLENSKUM JÖKLI, ÞAR SEM VÍÐÁTTAN OG VETURINN
RÁÐA RÍKJUM. ÞESSIR FRÖNSKU FERÐAMENN ÞÓTTUST HAFA HIMIN HÖNDUM TEKIÐ ÞEGAR ÞEIR SPRETTU
ÚR SPORI Á LANGJÖKLI FYRIR SKEMMSTU FYRIR ATBEINA FERÐASKRIFSTOFUNNAR ICELAND TRAVEL.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Útgefandi Óskar Magnússon
Ritstjórar Davíð Oddsson, Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hvað? Fjöl-
skylduleiðsögn.
Hvar? Hafnarborg.
Hvenær? Sunnu-
dag kl. 14.
Nánar: Fjöl-
skylduleiðsögn um
sýningu Bjarkar
Viggósdóttur, Aðdráttarafl, hringlaga
hreyfing. Á mánudag verður síðan boð-
ið upp á jógahugleiðslu í tengslum við
sýninguna. Nánar á Hafnarborg.is.
Fjölskyldur og jóga
Hvað? Útskriftarsýn-
ing Ljósmyndaskólans.
Hvar? Grandagarði 2.
Hvenær? Opnun
laugardag kl. 15.
Nánar: 12 manns
sýna verk sín á sýning-
unni, sem er afrakstur fimm anna náms í
skapandi ljósmyndun.
Ljósmyndasýning
Í fókus
VIÐBURÐIR HELGARINNAR
Hvað? Listabókahelgi Crymogeu.
Hvar? Barónsstíg 27.
Hvenær? Laugard. og sunnud. kl. 11-17.
Nánar: Þarna má nálgast mikið úrval ís-
lenskra myndlistarbóka og bókverka á
einum stað. Einnig má finna ýmsar ger-
semar sem eru aðeins til í einu eintaki.
Úrval myndlistarbóka
Hvað? Japanshátíð.
Hvar? Háskólatorgi.
Hvenær? Laugardag
milli 13 og 17.
Nánar? Á meðal þess
sem í boði verður á
hátíðinni má nefna;
japanska matargerðarlist, japanska
skrautritun, og kynningu á japanskri
tungu og menningu. Gestum býðst einnig
að upplifa hefðbundna japanska teathöfn
og bragða á tilheyrandi veigum.
Japönsk menning
Hvað? Lokatónleikar Myrkra músíkdaga.
Hvar? Norðurljósasal Hörpu.
Hvenær? Sunnudag kl. 20.
Nánar: Einskonar fantasíur. Kamm-
ersveit Reykjavíkur leikur undir stjórn
Ezequiels Menalled.
Lokatónleikar
Hvað? Kvikmyndin
The Kid.
Hvar? Bíó Paradís.
Hvenær? Sunnu-
dag kl. 15.
Nánar: Sígild mynd
Charlies Chaplin.
Krakkinn í þrjúbíói
* Forsíðumyndina tók Ragnar Axelsson