Morgunblaðið - Sunnudagur - 03.02.2013, Side 42

A
fþreying þarf ekki að kosta mikið
og allir geta gert sér glaðan dag,
ef vilji er fyrir hendi, án mikils
tilkostnaðar. Forsendur númer 1,
2og 3 eru viljinn til verksins. Gríptu augna-
blikið, sagði einhver, einhvers staðar, ein-
hvern tíma. Sá vissi hvað hann var að fara.
Sund
Margur hefur bent á það að eigi sé lengur
ódýrt í sund að fara. Vissulega geta þær
550 krónur sem fullorðnir borga fyrir sund-
ferðina létt pyngjuna. Sé tekið mið af 5
manna fjölskyldu þá getur kostað tæpar
1500 krónur að fara í sund. Jafnvel minna
ef eitt eða fleiri börn eru undir 6 ára aldri.
Hagsýnir geta svo gert það að reglulegri
iðju að fara í sund og keypt sér 10-20 miða
kort og þá er kostnaðurinn rúmar 1000
krónur fyrir fjölskylduna.
Gjaldskráin er svona í Reykjavík:
Börn 0 - 6 ára kr. 0
Stakt gjald börn 6 -18 ára, kr. 130
Stakt gjald fullorðnir kr. 550
70 ára og eldri kr. 0
10 miða kort barna kr. 900
10 miða kort fullorðnir kr. 4.100
20 miða kort fullorðnir kr. 7.500.
Fjör í fjöruferð
Aðgangur að ströndum landsins er frír en
ferðalagið þangað ekki. Bensínið er vissu-
lega svívirðilega dýrt. En það breytir því
ekki að finna má strendur sem eru af-
skaplega fallegar víða um land. Til að
mynda má finna sérlega fallegar strendur á
Álftanesi, við Stokkseyri og víða á Vest-
fjörðum.
Skautar
Já, hvers vegna ekki að skella sér á skauta.
Það er ódýrara en þú heldur. Fullorðnir
geta borgað 1250 krónur í aðgangseyri og
fyrir leigu skauta og verið allan daginn að
reyna æfingar að hætti Katarinu Witt. Börn
undir 16 ára borga 1000 kr. og leik-
skólabörn 200 kr. Aðgangseyrir og skauta-
leiga fyrir fjóra þar sem minnst einn full-
orðinn er 3.200 krónur. Búðu þig undir að
dtta á rassinn á harðan ísinn og hlæja inni-
lega. Sá sem hefur takmarkaða skautagetu
hefur ekki áhyggjur af heimsins böli. Í það
minnsta rétt á meðan hann skautar.
Ódýrt í bíó
Sambíóin bjóða viðskiptavinum sínum að
kaupa 10 bíómiða í einu á 5000 krónur. Það
jafngildir því að greiða um 500 krónur fyrir
hvert skipti. Sá böggull fylgir skammrifi að
einungis er hægt að nota tvo miða í mánuði.
Því nýtist þetta kannski ekki stórum fjöl-
skyldum eins vel og öðrum. Engu að síður
er gaman að fara í bíó og þegar það er á
sambærilegu verði og jafnvel ódýrara en að
fara út á leigu, þá er alltaf skemmtilegri
valkostur að fara út úr húsi, sjá fólk og
sjást fremur en að sitja heima fyrir framan
sjónvarpið.
SKEMMTUN FYRIR LÍTIÐ
Gerum eitthvað
ódýrt, gerum
það saman
ÞAÐ ÞARF EKKI AÐ KOSTA SVO MIKIÐ AÐ GERA
EITTHVAÐ SEM NÆRIR ANDANN OG GEFUR LÍFINU LIT.
Viðar Guðjónsson vidar@mbl.is
Sund er holl og góð
hreyfing. Kynslóðirnar
geta verið sammála
um að allir geti fundið
eitthvað sér til dund-
urs í sundlaug.
Hægt er að kaupa 10
bíómiða í einu og borga
500 krónur fyrir mið-
ann. Það á þó ekki við
um VIP sýningar. Bíó
getur því verið til-
tölulega ódýr valkostur
fyrir hagsýna.
Skautar eru skemmti-
leg iðja. Allir aldurs-
hópar geta haft gaman
af því að láta sig líða
áfram á ísnum, nú eða
að detta á rassinn og
vera kjánalegur.
Fjaran á Snæfellsnesi er
ein fjölmargra sem gam-
an getur verið að skoða
í fjörugri fjöruferð.
*Fjármál heimilannaÞað borgar sig að gera heiðarlegt yfirlit yfir daglega eyðslu, sérstaklega ef ætlunin er að spara
Fjármál heimilanna eru margslungin og fjölþætt sem þýðir að til eru margar leiðir til að spara, skera niður eða hag-ræða. En til þess að auka líkur á að þessar leiðir beri árangur og að við náum jafnvægi í fjármálunum er eitt afgrunnatriðunum að vita hvar við stöndum og högum okkur í fjármálunum. Til þess að ná slíkri yfirsýn er nauðsyn-
legt að skrá niður allar tekjur og öll gjöld. Með því fáum við besta mögulega yfirlit sem hugsast getur um neyslu okkar.
Fyrirtæki halda fjárhagsyfirlit til þess að öðlast yfirsýn yfir reksturinn en þegar einstaklingar eiga í hlut er oftar en
ekki litið á slíkt sem kjánalega tímaeyðslu. En mörg okkar eiga ekki auðvelt með að muna í
hvað peningarnir fara. Þess vegna mælum við með að fólk bæði skrái niður neysluna og safni
kvittunum fyrir kortafærslum sínum. Allar tekjur og gjöld, laun, greiddir reikningar og dag-
leg neysla er skráð jafn óðum í dagbók. Með slíku yfirliti yfir daglegt líf getum við fljótlega
fengið skýra mynd af því hvernig við notum peninga okkar. Nú getum við yfirfarið neysluna
og séð hvort allir peningar nýtist okkur eins vel og við viljum. Nú getum við betur séð hverju
má breyta til að hafa meiri peninga á milli handanna.
Einstaklingar sem eru gjarnir á að skjótast oft eftir fáum hlutum í klukkubúðir geta til
dæmis valið að notast við innkaupalista í ódýrari verslunum og fækka þannig ferðum í
klukkubúðir. Einnig er hægt að útbúa matseðil fyrir vikuna og því hægt að kaupa inn fyrir
viku í senn. Þar með er kominn sparnaður í tíma, eldsneyti og lægra vöruverði. Með þessum
hætti er svo hægt ráðstafa því sem sparast í annað, til dæmis greiða skuldir, leggja inn á
sparireikning eða nýta í annan daglegan rekstur á heimilinu. Með aukinni vitund getum við með skjótum hætti öðlast
aukna öryggistilfinningu gagnvart fjármálunum.
Allir geta aukið vitund sína á þennan hátt og finna má breytingar mjög fljótt. Að auki bætist við að ef fylgst er svo
grannt með neyslunni verður auðveldara að taka aðrar og betri ákvarðanir varðandi hvað er keypt inn. Þannig minnkar
neysla á óþarfa og okkur skortir síður nauðsynjavörur. Í lok dags líður okkur mun betur yfir að hafa góða og raunveru-
lega sýn yfir fjármálin okkar.
Aurar og
krónur
YFIRSÝNIN MIKILVÆG
HAUKUR
HILMARSSON
Morgunblaðið/Árni Sæberg