Morgunblaðið - Sunnudagur - 26.05.2013, Blaðsíða 48
48 MORGUNBLAÐIÐ SUNNUDAGUR 26.5. 2013
S
ólheimar eru hinn fullkomni stað-
ur fyrir þetta vegna þess hve
ástríkur og fallegur hann er,
bæði hvað varðar umhverfið og
skipulag samfélagsins þar,“ segir
Stefán Árni Þorgeirsson, sem ásamt eig-
inkonu sinni, Tristan Gribbin, stendur fyrir
hugleiðslu- og jóganámskeiðinu „Endurnýj-
un og vöxtur“, sem fram fer á fyrrnefndum
Sólheimum helgina 7.-9. júní nk.
Stefán Árni og Tristan fluttu heim til Ís-
lands síðastliðið haust eftir 11 ára dvöl í
Bandaríkjunum og Þýskalandi. Stefán starf-
ar sem kvikmyndagerðarmaður og hefur
látið að sér kveða innan auglýsinga- og
tónlistarmyndbandageirans í dyggu sam-
starfi við Sigurð Kjartansson. Saman starfa
þeir undir nafninu Arni & Kinski og eiga
það einnig sameiginlegt að hafa verið stofn-
meðlimir í GusGus. Á meðal tónlistarmynd-
banda sem þeir hafa leikstýrt eru mynd-
bönd við Sigur Rósar-lögin Viðrar vel til
loftárása og Glósóli auk þess sem þeir hafa
unnið með hljómsveitunum Snow Patrol og
Travis. Auk þess kennir Stefán hugleiðslu
vikulega á Dansverkstæðinu.
Tristan er fædd í norðurhluta Kaliforníu-
ríkis í Bandaríkjunum og er lærð leikkona
en fæst nú fyrst og fremst við hugleiðslu-
kennslu hjá Baðhúsinu og heldur úti Face-
book-síðunni Modern-Day Meditation Ice-
land. Hún kom hingað til lands árið 1995
og gerði m.a. garðinn frægan í einleiknum
Ferðir Guðríðar sem sýndur var hérlendis
og erlendis árin 1998-2001.
Andlegar upplifanir í æsku
Stefán Árni og Tristan hafa að eigin sögn
verið saman á andlegri vegferð frá síðast-
liðnum aldamótum. Þó svo að þau séu sam-
stiga í sjálfsræktinni í dag má segja að
fyrstu kynni þeirra af andlegum upplif-
unum hafi verið harla ólík.
„Mamma mín og pabbi skildu þegar ég
var tveggja ára og ég man vel eftir því að
hafa verið gjörsamlega niðurbrotin og grát-
ið í sífellu. Á þeim tíma varð ég fyrir
minni fyrstu andlegu upplifun þegar Guð,
eða einhver æðri máttur, kom til mín og
stóð hjá mér þar sem ég lá í rimlarúmi.
Við það hurfu allar mínar áhyggjur um leið
og ég fann ekki fyrir neinu nema hlýju og
kærleik,“ útskýrir Tristan. „Seinna fékk ég
síðan enn meiri kynni af æðri mætti. Sem
barn átti ég samtal við Jesú og það var
raunverulegra en þetta spjall okkar hér og
nú. Þegar ég var þrettán ára upplifði ég
það að sjá svipmyndir frá þúsund lífum
sem ég hafði lifað fyrir þessa ævi, þar sem
ég hafði lifað sem einfrumungur, alls kyns
dýr og aðrar manneskjur.
Andlegt líf hefur samt aldrei verið tengt
við nein ákveðin trúarbrögð fyrir mér,“
bætir hún við.
„Ég myndi ekki segja að foreldrar mínir
hafi verið mjög andlega þenkjandi,“ segir
Stefán Árni. „Uppeldi mitt var ástríkt og
það var haldið í ákveðnar hefðir en við fór-
um í mesta lagi einu sinni á ári í kirkju.
Móðuramma mín átti hins vegar helling af
einhverjum bókum um miðla og ég man
eftir að hafa hugsað hvað það væri skrýtið.
Ég pældi sem sagt lítið í svona hlutum í
æsku,“ bætir hann við, en það átti eftir að
breytast þegar hann kynntist sorg og sárs-
auka raunverulega í fyrsta sinn á ævinni.
„Árið 1997 missti ég pabba minn í flugslysi
og það breytti sýn minni á tilveruna. Þá
fór ég að hugsa: Hvernig vil ég lifa lífinu?
Hvað vil ég gera? Ég man eftir því hvern-
ig ég fann, í gegnum söknuðinn og sárs-
aukann, svo rosalega mikla ást. Í þessum
hörmungum upplifði ég sem sagt eitthvað
alveg nýtt og með því vaknaði löngun til
að skilja þetta allt betur. Ég tengdi það
samt ekki við æðri mátt eða hugleiðslu, ég
vissi bara að ég vildi kynnast sannleik-
anum.
Skömmu seinna kynntist ég Tristan og
við tengdum vel því við höfðum gengið í
gegnum missi á svipuðum tíma, hún hafði
þá misst stjúppabba sinn. Í kjölfarið var
okkur kynnt hugleiðslunámskeið og ég man
eftir að hafa hugsað: Vá, þetta eru bara
einhverjir þvílíkir furðufuglar, en á sama
tíma var spennandi hvað allir þar voru
frjálsir og hispurslausir. Ég var líklega dá-
lítið týpískur íslenskur karlmaður sem þótti
eðlilegast að sitja á tilfinningum sínum en
Tristan var miklu opnari og tilbúnari að
prófa allan andskotann svo hún sló til og
fór að hugleiða,“ segir Stefán og þá kom
að öðru áfalli sem ýtti honum endanlega út
í hugleiðslu.
„Þegar hún kom heim af hugleiðslu-
námskeiðinu var hún breytt manneskja og
það braut upp allar ranghugmyndirnar sem
ég hafði um það hvað það var að vera
karlmaður og hvert hlutverk mitt gagnvart
konunni minni var. Ég hélt að ég ætti bara
að vera „sá sterki“ og vernda konu mína,
en þessi heimsmynd hrundi til grunna þeg-
ar hún kom heim sem þessi orkubolti. Þá
fattaði ég að ég yrði líka að „kýla á þetta“
því það var greinilega ekki allt í góðu hjá
mér,“ bætir hann við og hlær.
Rétt áttu fyrir flugmiðunum
Það var um svipað leyti og Stefán og
Tristan fóru að stunda hugleiðslu sem þau
fluttu búferlum til Bandaríkjanna, nánar til-
tekið Los Angeles.
„Í kringum árið 2000 áttaði ég mig á því
að GusGus var ekki alveg það sem mig
langaði að gera þar sem kvikmyndagerðin
átti hug minn allan. Við Siggi (samstarfs-
félagi Stefáns) vorum komnir með sambönd
í auglýsingabransanum úti í LA og það
hafði alltaf staðið til hjá okkur að prófa að
fara út. Ég man að við Tristan áttum í
rauninni ekki neitt nema börnin okkar tvö
og sumarið 2001 gerðum við Siggi mynd-
bandið Viðrar vel til loftárása og pening-
urinn sem við fengum fyrir það varð til
þess að við rétt náðum að safna fyrir flug-
miðum svo við fluttum út um haustið,“ rifj-
ar Stefán upp.
Eftir flutningana vann Tristan fyrir sér
með auglýsingaleik. „Það var nú kannski
ekki það skemmtilegasta sem ég hef gert
en það var bara það sem maður þurfti að
gera,“ segir hún. „Eins og Stefán segir
fluttum við fyrst út vegna vinnunnar hans,
en á sama tíma var þetta auðvitað gott
skref á okkar andlegu leið, að kynnast fjöl-
breyttari flóru af fólki sem stundaði hug-
leiðslu,“ bætir hún við og Stefán kinkar
kolli.
Á Bandaríkjaárunum tóku Stefán og
Tristan hugleiðsluna fastari tökum og fóru
að læra og síðar kenna svokallaða nútíma-
hugleiðslu og „breathwork-hugleiðslu“, sem
verða á dagskrá á Sólheimum um næstu
helgi ásamt „Hatha-jóga“. Um jógakennsl-
una sér hinn bandaríski Peter Sterios, sem
kom m.a. að heilsuátaki Hvíta hússins gegn
offitu barna í Bandaríkjunum sem for-
setafrúin Michelle Obama stóð fyrir árið
2011.
Andleg vinna tekur aldrei enda
Líkt og fyrr segir ákváðu hjónin að snúa
heim síðastliðið haust. „Það er svo gott fyr-
ir börnin okkar að hafa betri fjölskyldu-
tengingu og hafa allt frelsið sem felst í því
að vera ungur á Íslandi,“ segir Tristan, en
saman eiga þau tvær dætur auk þess sem
Stefán Árni og Tristan hafa stun
hugleiðslu í 13 ár en leggja áher
á að andleg vinna taki aldrei en
Vilja byggja líf sitt í
kringum hugleiðslu
HJÓNIN STEFÁN ÁRNI ÞORGEIRSSON OG TRISTAN GRIBBIN FLUTTU HEIM TIL ÍSLANDS Í HAUST EFTIR 11 ÁRA
DVÖL ERLENDIS. ÞAU ERU Á ANDLEGRI VEGFERÐ OG STANDA FYRIR HUGLEIÐSLUNÁMSKEIÐI Á SÓLHEIMUM UM
NÆSTKOMANDI HELGI SEM BER YFIRSKRIFTINA ENDURNÝJUN OG VÖXTUR.
Einar Lövdahl elg@mbl.is
Viðtal
Er búið að senda boðskortin?
Í Rekstrarlandi færðu mikið og
glæsilegt úrval af vönduðum
veislubúnaði, þar á meðal dúka,
servíettur, kerti, kertastjaka,
einnota og fjölnota glös, diska,
hnífapör og áhöld.
www.rekstrarland.is
Tilboð
1.190kr.
1.937
Löber 40x2400 cm
Kerti – 12 cm, verð frá 369 kr.
Kertavasi – egglaga, verð frá 890 kr.
Servíettur – 40x40, 3ja laga, verð frá 199 kr.
Servíettur, dúkar, kerti og kertastjakar
PI
PA
R\
TB
W
A
•
SÍ
A
•
13
17
09