Morgunblaðið - Sunnudagur - 26.05.2013, Qupperneq 57

26.5. 2013 MORGUNBLAÐIÐ SUNNUDAGUR 57
Spennusagan Hún er horfin er
metsölubók víða um heim og
hefur fengið sérlega góða
dóma. Bókin er einfaldlega
skyldulesning fyrir alla spennu-
sagnafíkla sem eru ekki gjald-
gengir í umræðunni um
spennubækur síðustu missera
ef þeir hafa ekki lesið hana.
Bókin kom út árið 2012 og
komst á metsölulista New
York Times og er á toppi kilju-
lista Sunday Times.
Amy hverfur sporlaust á
fimm ára brúðkaupsafmælinu
og eiginmaðurinn Nick liggur
undir grun. Mögnuð atburða-
rás fer af stað og margt kemur
á óvart í bók um þær miklu
hættur sem geta leynst í hjóna-
bandinu.
Umtöluð
spennusaga
Bók Auðar Jónsdóttur, Ósjálfrátt, varð
ein af metsölubókum jólavertíðarinnar og
hlaut Fjöruverðlaunin 2012 í flokki fag-
urbókmennta. Nú hefur útgáfurisinn Ran-
dom House fest sér réttinn til að gefa bók-
ina út í Þýskalandi, Austurríki og Sviss.
Rithöfundurinn, leikskáldið og þýðandinn
Kristof Magnússon hefur tekið að sér
þýðinguna á verkinu, en ætlunin er að bókin
komi út á þýsku snemma á næsta ári.
Fyrri skáldsaga Auðar, Vetrarsól, kom út í
Þyskalandi 2011 og fékk afar lofsamlega um-
fjöllun. „Hugvitssamlega skrifuð og spenn-
andi bók sem hreyfir við manni,“ sagði gagn-
rýnandi Der Spiegel. Gagnrýnandi
Hamburger Abendblatt sneri þó dæminu
við í dómi sínum um bókina. „Við höfum
flotta þýska kvenrithöfunda hér í Þýskalandi,
sem skrifa hressar og djarfar bækur um kon-
ur, en þær virðast vera skrifaðar af lattelepj-
andi vinkonuhópum. Okkur skortir djúp-
vitrar bækur með fáguðu tungutaki. Við
ættum að flytja þær inn frá Íslandi!“
Skáldsaga Auðar Jónsdóttur Ósjálfrátt kemur
út á þýsku snemma á næsta ári.
Morgunblaðið/Ómar
ÓSJÁLFRÁTT TIL
ÞÝSKALANDS
Nú er að fara í prentun hjá Veröld bókin Maður
sem heitir Ove eftir Fredrik Backman. Hún
kom út á liðnu ári í Svíþjóð og sló þar rækilega í
gegn og hefur útgáfurétturinn verið seldur út um
allar jarðir, auk þess sem kvikmynd er í undirbún-
ingi. Sagan segir frá Ove sem er 59 ára, býr einn í
raðhúsi og ekur um á Saab. Í augum nágrannanna er
hann beiskjan og smámunasemin uppmáluð; sjálf-
skipaður eftirlitsmaður sem sér til þess að menn
gangi sómasamlega um. En þegar nýir nágrannar
banka upp á hjá Ove tekur líf hans óvænta stefnu.
Maður sem heitir Ove er sögð vera hjartnæm,
sár og sprenghlægileg saga um hallarbyltingu í hverf-
issamtökum, grimma æsku, djúpa ást og myrka
sorg. Og Saab. Maður sem heitir Ove sló ræki-
lega í gegn þegar hún kom út í Svíþjóð árið 2012 og
fer nú sannkallaða sigurför um heiminn. Gagnrýn-
andi Kvällsposten gaf bókinni fimm stjörnur og
sagði: „Ég varð pirruð, ég skemmti mér konunglega
og ég hágrét. … Bók sem er fyrir alla.“ Og gagnrýn-
andi Arbetarbladet skóf ekki utan af því: „Minnir
um margt á stórsölubókina um gamla manninn sem
hvarf út um gluggann og það ættu að vera næg
meðmæli til allra þeirra sem höfðu gaman af henni.
FYRIR AÐDÁENDUR GAMLINGJANS
Maður sem heitir Ove er sögð minna á
hinn ástsæla Gamlingja sem íslenska þjóð-
in las sér til ánægju.
Börnin í Dimmuvík eftir Jón
Atla Jónasson er saga sem hlýt-
ur að snerta alla þá sem hana
lesa. Gömul kona fer í jarð-
arför bróður síns úti á landi.
Um leið rifjast upp gamlir at-
burðir. Þetta er afar áhrifamikil
saga um harða lífsbaráttu, sára
fátækt og hungur. Sagan er
stutt en hnitmiðuð og mögn-
uð. Það er lítið um íslensk
skáldverk á markaði nú um
stundir (nema þá glæpasögur)
og hér er gæðaverk á ferð.
Áhrifamikil
saga frá Jóni
Atla
Nóvella, ljós-
myndir, matur
og spenna
NÝJAR BÆKUR
MISSIÐ EKKI AF NÝRRI BÓK JÓNS ATLA JÓN-
ASSONAR, BÖRNIN Í DIMMUVÍK. RÓMUÐ
SPENNUBÓK ER SÍÐAN KOMIN Á MARKAÐ, HÚN
ER HORFIN EFTIR GILLIAN FLYNN, METSÖLUBÓK
VÍÐA UM HEIM. FALLEGAR LJÓSMYNDABÆKUR
GLEÐJA ALLTAF OG SVO ER KOMIN ÚT BÓK UM
FRANSKA MATARGERÐ.
Bókin Sælkeraflakk um Provence er
bók eftir mæðgurnar Sigríði Gunn-
arsdóttur og Silju Sallé. Þær hafa
áður sent frá sér bækurnar Sæl-
keraferð um Frakkland og Sælkera-
göngur um París sem nutu mikilla
vinsælda. Að þessu sinni ferðast
þær um sveitir Provence og gefa
okkur uppskriftir að forréttum, að-
alréttum og eftirréttum að hætti
Provencebúa.
Girnilegt
sælkeraflakk
Björn G. Björnsson, leikmyndahönnuður, er
höfundur fjögurra bóka um íslenskan menn-
ingararf. Bækurnar sem koma út á íslensku og
ensku eru: Hús skáldanna, Torfkirkjur á Íslandi,
Átta steinhús 18. aldar og Stóru torfbæirnir.
Þetta eru ákaflega fallegar og eigulegar ljós-
myndabækur með upplýsandi texta. Bækur sem ástæða er
til að mæla með og sérlega góðar gjafir til vina erlendis.
Eigulegar
ljósmyndabækur
*Maður tapar öllu ef maður taparskopskyninu. Ayn Rand BÓKSALA 15.-18. MAÍ
Allar bækur
Listinn er byggður á upplýsingum frá Rannsóknasetri verslunarinnar
1 Lág kolvetna lífsstíllinnGunnar Már Sigfússon
2 Hinir réttlátuSólveig Pálsdóttir
3 Skýrsla 64Jussi Alder-Olsson
4 Iceland Small WorldSigurgeir Sigurjónsson
5 Sækið ljósunaJennifer Worth
6 VitniðNora Roberts
7 BrynhjartaJo Nesbo
8 DrekinnSverrir Berg
9 Hún er horfinGillian Flynn
10 Risasyrpa : fjársjóðsleitWalt Disney
Uppsafnað frá 1. janúar
1 Lág kolvetna lífsstíllinnGunnar Már Sigfússon
2 BrynhjartaJo Nesbo
3 Iceland Small WorldSigurgeir Sigurjónsson
4 Skýrsla 64Jussi Alder-Olsson
5 Fimmtíu skuggar frelsisEL James
6 IðrunHanne-Vibeke Holst
7 Lilli klifurmús og hin dýrin íHálsaskógi
Thorbjörn Egner
8 IllskaEiríkur Örn Norðdahl
9 6 kíló á 6 vikumOla Lauritzson & Ulrika Davidsson
10 SvikalognViveca Sten
MÁLSHÁTTUR VIKUNNAR
Eins dauði er annars brauð.