Morgunblaðið - 04.06.2013, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 4. JÚNÍ 2013
Hólmfríður Gísladóttir
holmfridur@mbl.is
Æðarvarp á Breiðafirði fer ágætlega
af stað og eru fyrstu ungarnir farnir
að skríða úr eggi. Kuldi og bleyta
hafa gert fuglinum erfitt fyrir en koll-
an er að skila sér í varpið og það er
ágætis dúnn, segir Erla Friðriks-
dóttir hjá Íslenskum æðardúni.
„Árið í fyrra var alveg einstakt, það
var svo hlýtt og þurrt,“ segir hún.
„Þar á undan lentum við í snjó á
Norðurlandi og Austurlandi, þannig
að það er allur gangur á þessu. En
mér finnst þetta nú bara allt vera á
góðu róli.“
Erla segir lítið um tófu og mink í
eyjunum, nema í þeim sem næstar
eru landi. Hins vegar sé þar óvenju
mikið af flugvargi um þessar mundir.
„Ég held hreinlega að við séum með
allan svartbaks- og sílamáfsstofninn á
landinu hérna á Breiðafirði núna, út
af síldinni í Kolgrafafirði. Það er rosa-
lega mikið af svartbakseggjum og
sílamáfseggjum hérna,“ segir hún.
Étur kollurnar frekar en eggin
Jón Einar Jónsson, forstöðumaður
Rannsóknarseturs Háskóla Íslands á
Snæfellsnesi, var við æðarmerkingar
á Rifi á Snæfellsnesi á laugardag.
Hann segir varpið á eðlilegum tíma
en að svo virðist sem tíðin hafi reynst
einhverjum fuglum erfið.
„Þetta eru sem sagt tveir hólmar
og í hólmanum þar sem við vorum var
ástandið gott en hins vegar virðist
hinn hólminn, minni hólminn, hafa
orðið fyrir áfalli og þær voru ekki eins
vel haldnar þar,“ segir hann. Ein-
„Nú þegar borgarráð hefur sam-
þykkt breytinguna er málið komið
til umhverfis- og skipulagssviðs
sem mun sjá um framkvæmdina,“
segir Helga Björk Laxdal, skrif-
stofustjóri borgarstjórnar. Borgar-
ráð samþykkti einróma tillögur um-
hverfis- og skipulagsráðs um
nöfnin á fundi sínum nýverið. Um
er að ræða botnlangagötu út frá
Fiskislóð í vesturbæ Reykjavíkur
en sú gata mun heita Djúpslóð, í
samræmi við önnur götuheiti á
svæðinu. Stígur sem gerður hefur
verið á milli Hótels Marina og at-
hafnasvæðis Slippfélagsins, heitir
Spilhúsastígur en stígurinn liggur
milli tveggja spilhúsa dráttar-
brautar slippsins. Þá hlutu tveir
vegslóðar út frá Hólmsheiðarvegi
nafn. Annar þeirra sem liggur frá
Hólmsheiðarvegi að vestanverðu
Langavatni fékk nafnið Langavatn.
Hinn slóðinn sem liggur milli
Hólmsheiðarvegs og Vegbrekkna
fékk nafnið Mjódalsvegur.
Nafni Stekkjarbakka breytt
Ein breyting var gerð á gömlu
vegheiti. Stekkjarbakki, sem liggur
milli hringtorgs við Smiðjuveg í
Kópavogi og Höfðabakka, fær
nafnið Elliðaárbakki. Í greinargerð
með breytingartillögunni er fjallað
um að götuheitið Stekkjarbakki
hafi verið látið ná yfir tvær götur
sem saman mynda 90 gráðu horn
sín á milli og tengjast með ljósa-
stýrðum gatnamótum. Þetta leiði til
óhagræðis þar sem mannvirki og
lóðir við þann hluta Stekkjarbakka
sem liggur frá norðri til suðurs eru
tölusett, en þau mannvirki sem
standa við Stekkjarbakka frá aust-
ur til vesturs séu ótölusett. Ekki sé
hægt að skrá númer hvort í sína
áttina. Núverandi fyrirkomulag er
því talið geta haft áhrif á við-
bragðstíma vegna slysa. Þar sem
umræddur hluti Stekkjarbakka
liggur í sunnanverðum Elliðaár-
dalnum er talið við hæfi að
vegurinn fái heitið Elliðaárbakki.
bmo@mbl.is
Stekkjarbakki
mun brátt heita
Elliðaárbakki
 Nýjar götur í borginni fá nöfn
 Breyting gerð á gömlu götuheiti
Djúpslóð
Spilhúsastígur
Fis
kisl
óð
Loftmyndir ehf.
Samkomulag ligg-
ur fyrir um breyt-
ingar á stofnana-
samningi SFR og
Landspítalans,
sem byggist á
jafnlaunaátaki
fyrrv. ríkisstjórn-
ar. Stéttarfélagið
gagnrýnir að félög
þar sem konur eru
í meirihluta fengu
mismikið fé til launaleiðréttinga. Er
hlutur SFR minni en þeirra háskóla-
hópa sem einnig hafa fengið launa-
leiðréttingar á spítalanum.
Árni Stefán Jónsson, formaður
SFR, segir að þegar fyrrverandi rík-
isstjórn ákvað að verja fé til að stuðla
að launajafnrétti á milli kynja sem
leiddi m.a. til launahækkana hjá
hjúkrunarfræðingum, var við það
miðað að launaleiðréttingin yrði
4,8% á hvert félag. Aðferðafræðin
hafi verið mjög undarleg þegar kom
að því að skipta fénu til annarra fé-
laga. Þannig hafi SFR, þar sem
skipting kynjanna á spítalanum er
nokkurn veginn jöfn, aðeins fengið
um 3,4% en t.d. Sjúkraliðafélagið þar
sem eru nánast eingöngu konur
fengið 4,8%.
Þessu til viðbótar hafi Landspít-
alinn svo lagt til aukaframlag til að
leiðrétta laun háskólahópa, sem eru
búnir að ganga frá stofnanasamning-
um, þ.e.a.s. hjúkrunarfræðinga og
lífeindafræðinga, sem fá allt að 6,8%.
,,Það er afar einkennileg nálgun
að hærra launuðu stéttirnar, há-
skólastéttirnar, beri meira úr býtum
í þessu jafnlaunaátaki en lægra laun-
aðar stéttir á spítalanum,“ segir
hann.
Í bókun áskilur SFR sér rétt til að
sækja þann mismun sem félagið tel-
ur sig eiga inni í tengslum við stofn-
anasamning við Landspítalann eða í
næsta kjarasamningi við fjármála-
ráðherra.
Í bókun SFR segir: „SFR stétt-
arfélag telur að aðferðafræðin sé al-
röng sem viðhöfð var við ákvörðun-
artöku um hversu hátt framlagið
ætti að vera til SFR miðað við önnur
stéttarfélög sem fengu einnig fram-
lag. Það birtist með þeim hætti að
SFR fékk ca. 3,4% framlag til leið-
réttinga meðan mörg önnur félög
fengu 4,8% framlag.
Einnig mótmælir SFR því harð-
lega að ekki hafi náðst að ganga frá
því við Landspítalann að stofnunin
legði SFR-félögum til aukaframlag
líkt og gengið hefur verið frá hjá fé-
lögum háskólamenntaðra. Slíkt við-
bótarframlag stofnunarinnar gerir
það að verkum að hækkun launa fé-
lagsmanna þessara háskólafélaga er
allt að 6,8%.“ omfr@mbl.is
Ójafnt skipt í jafnlaunaátakinu
 SFR gagnrýnir aðferðir við launaleiðréttingu á Landspítala  Hlutur SFR minni en þeirra háskóla-
hópa sem einnig hafa fengið leiðréttingar  SFR fékk um 3,4% framlag en háskólafélög allt að 6,8%
Árni Stefán Jóns-
son
Jón Einar Jónsson, líffræðingur og forstöðumaður Rannsóknarseturs Há-
skóla Íslands á Snæfellsnesi, var við æðarmerkingar á Rifi á Snæfellsnesi
þegar hann og félagi hans urðu varir við gest í æðarvarpinu. Umræddur
gestur var svartur á lit, með bleikan gogg og brúnt í hliðum og segist Jón
nokkuð viss um að þar hafi verið á ferðinni kolönd, Melanitta deglandi á
latínu, sem er amerísk tegund og verpir ekki á Íslandi. Jón segir kolönd-
ina flækjast hingað reglulega og að hún kunni vel við sig í æðarvarpi.
Nánasti íslenski ættingi hennar er hrafnsöndin, sem verpir aðeins á Mý-
vatni eða í Þingeyjarsýslu, og þá er korpöndin náskyld evrópsk tegund.
Kann vel við sig í æðarvarpi
ERLENDUR GESTUR Á RIFI Á SNÆFELLSNESI
Endur Hingað til lands flækjast framandi tegundir
Ljósmynd/Jón Einar Jónsson
hverjir tugir hreiðra hafi tapast af
völdum bleytu.
Björn Ingi Knútsson, sem er með
æðarvarp í Andey við Fáskrúðsfjörð,
hefur sömu sögu að segja en þar glöt-
uðust um 30-40 hreiður þegar rigndi
nær samfellt í þrjá daga í síðustu
viku. „Þá var ansi blautt og kollur
höfðu yfirgefið hreiður af því að það
hafði bara flotið yfir,“ segir hann.
Björn segir varpið annars líta
ágætlega út og á jafnvel von á að enn
bætist í ef veður fer batnandi. Hann
segir landvarginn ekki komast út í
eyna en flugvargurinn geti reynst
skæður.
„Veiðibjallan er leiðinleg og
krummi á það til að koma og kjói. En
versti fuglinn sem við fáum þarna inn
er skúmurinn, hann er svo ofboðslega
árásargjarn. Hann drepur kolluna og
étur hana; hann er ekkert að sækjast
eftir eggjum,“ segir hann. Bless-
unarlega hafi þó lítið sést af honum.
Morgunblaðið/Þorkell
Æður Erla segir eftirspurnina eftir æðardún hafa farið vaxandi undanfarin ár og verið umfram framboð. Því hafi
gott verð fengist fyrir dúninn. Það muni þó koma að því að verðið verði það hátt að eftirspurnin detti niður.
Kuldi og bleyta há
æðarfuglinum
 Æðarvarp fer ágætlega af stað  Mikið af máfi á Breiðafirði
Miðvikudagskvöldið 5. júní kl. 20:30 fagnar
Sönghópur Fríkirkjunnar sumri og frumflytur
nýjar útsetningar Gunnars Gunnarssonar á
sönglögum Tómasar R. Einarssonar.
TÓNLEIKAR MIÐVIKUDAGSKVÖLDIÐ
5. JÚNÍ KL. 20:30
Sönghópur
Fríkirkjunnar
– Tómas R. Einarsson – Gunnar Gunnarsson
Útsetningarnar eru fyrir blandaðan kór og eru lögin m.a. við ljóð eftir
Gyrði Elíasson, Guðberg Bergsson, Ingibjörgu Haraldsdóttur, Halldór
Laxness, Lindu Vilhjálmsdóttur, Sveinbjörn I. Baldvinsson, Snorra
Hjartarson, Sigurð Guðmundsson og Stein Steinarr.
Gunnar og Tómas munu sjá um undirleik og einnig munu
einsöngvarar úr röðum kórsins stíga fram og syngja lög eftir Tómas.
Aðgangur ókeypis!