Morgunblaðið - 04.06.2013, Blaðsíða 6

6 FRÉTTIRInnlent
MORGUNBLAÐIÐ ÞRIÐJUDAGUR 4. JÚNÍ 2013
ráð fyrir því að það viðri til þess
núna en veðrið gæti nú lagast
seinnipartinn. Fólk er að fara í
hvalaskoðun, það er að fara í Bláa
lónið og hluti þess fer á Gullfoss
og Geysi,“ sagði Ólafía í samtali
við blaðamann í gær og lagði
áherslu á að það færu ekki allir
austur fyrir fjall á Gullfoss og
Geysi. Ólafía kvaðst telja að um
2.800 manns hefðu komið með
skipinu.
Að sögn Ólafíu er afskaplega
ánægjulegt þegar skip eru hérna
yfir nótt enda sé þá hægt að bjóða
upp á margbreytilegar ferðir. „Í
þessum bandarísku skipum er það
kannski um helmingurinn, rúm-
lega 50%, sem fer í ferðir,“ segir
Ólafía aðspurð hversu stór hluti
farþeganna fari í skipulagðar ferð-
ir í landi. Hún bendir jafnframt á
að hlutfallið sé mun hærra í evr-
ópskum skemmtiferðaskipum.
„Það er mjög algengt hjá þýsku
skipunum að svona um 90% fari í
ferðir,“ segir Ólafía.
Eitthvað í þjóðarsálinni
Spurð um ástæðu þess að far-
þegar bandarísku skipanna sæki
minna í skipulagðar ferðir segist
Ólafía telja að þetta tengist lík-
lega einhverju í þjóðarsál þeirra.
„Það er ekkert aðaltilgangur ferð-
arinnar að skoða sig um í landi
heldur kannski meira að njóta
þess sem skipið hefur upp á að
bjóða,“ segir Ólafía og bendir á að
hlutfallið sé þó mismunandi eftir
skipum. Einnig sé talsvert um að
fólk ferðist um á eigin vegum eftir
að í land er komið og bóki sig jafn-
vel í ferðir á bryggjunni.
Aukning í kortaveltu
„Sprottið hefur upp mikill fjöldi
nýrra bílaleiga og ekki einungis
með nýja bíla heldur einnig með
notaða bíla,“ segir Emil. B. Karls-
son, forstöðumaður Rann-
sóknaseturs verslunarinnar
(RSV), en setrið gaf í gær út tölur
um erlenda kortaveltu á Íslandi,
það sem af er þessu ári. Þar kem-
ur meðal annars fram að velta
bílaleigna hér á landi vegna er-
lendra ferðamanna hafi aukist um
77% á fyrstu fjórum mánuðum
þessa árs til samanburðar við
sama tímabil í fyrra.
Þá bendir Emil á að kortavelta
vegna heimsókna ferðamanna á
söfn og gallerí hafi aukist um 63%
á þessu sama tímabili og korta-
velta vegna tónleika og leikhúss
um 38%. „Þetta sýnir það, eins og
allt annað, að ferðamannastraum-
urinn er að breytast svo mikið,
hann er ekki bara yfir sumartím-
ann heldur yfir allt árið,“ segir
Emil og bendir á að allt bendi til
þess að heildarveltan sé að aukast.
Morgunblaðið/Styrmir Kári
Stærsta skemmtiferðaskipið Adventure of the Seas (t.h.) er stærsta farþegaskip sem komið hefur til Íslands. Við hlið þess er Crystal Symphony.
Risaskip kom til hafnar
 Skemmtiferðaskipið Adventure of the Seas kom til Reykjavíkur í gær
 Úrval ferða er í boði fyrir farþegana  Kortavelta hjá bílaleigum eykst
Skýrsla rann-
sóknarnefndar
Íbúðalánasjóðs
(ÍLS) verður
kynnt síðar í
þessum mánuði.
Um tvö og hálft
ár er liðið frá því
að nefndin var
stofnuð.
„Þetta verður
núna í mán-
uðinum. Það er ekki komin nákvæm-
ari dagsetning ennþá. Ég geri ráð
fyrir því að það séu svona tvær til
þrjár vikur eftir,“ segir Sigurður
Hallur Stefánsson, formaður nefnd-
arinnar. Rannsóknarvinnu nefnd-
arinnar er lokið og stendur nú yfir
frágangur á skýrslunni.
Að sögn Hrannars Más Hafberg,
formanns rannsóknarnefndar um
orsakir og fall sparisjóðanna, hefur
áætlun nefndarinnar ekki breyst frá
því að hún upplýsti forsætisnefnd
um hana í febrúar. Þá hafi verið
áætlað að um fjögurra mánaða rann-
sóknarvinna væri enn eftir.
„Við erum enn að vinna af fullu
kappi í samræmi við áætlun,“ segir
Hrannar.
Nefndin er ekki enn búin að tala
við alla þá aðila sem hún ætlar sér að
tala við í tengslum við rannsóknina.
Hún hefur þó þegar rætt við hátt á
annað hundrað manns við rannsókn-
ina, þar á meðal fyrrverandi starfs-
menn og stjórnendur sparisjóðanna,
starfsmenn stjórnsýslunnar og full-
trúa stjórnvalda.
Rannsókn-
arskýrslur
á leiðinni
 Skýrsla um ÍLS
kynnt í júní
Höfuðstöðvar
Íbúðalánasjóðs.
Fjórir karlar á
aldrinum 18-23
ára voru í gær úr-
skurðaðir í
gæsluvarðhald til
10. júní. Farið var
fram á gæslu-
varðhaldið í þágu
rannsóknarhags-
muna vegna
rannsóknar á ráni og frelsissvipt-
ingu karlmanns á sjötugsaldri í
Grafarvogi á laugardagsmorgun.
Fjórmenningarnir hafa áður komið
við sögu lögreglu, en mismikið.
Í varðhald
vegna frels-
issviptingar
María Margrét Jóhannsdóttir
mariamargret@mbl.is
Mikill ferðamannastraumur hefur legið um Siglufjörð
undanfarin ár og ljóst er að bærinn hefur í kjölfarið
bæði vaxið og dafnað. Margir njóta góðs af en talið er
að hátt í 80 þúsund gestir muni heimsækja veitinga-
staðinn Rauðku í ár. Finnur Yngvi Kristinsson sem
rekur staðinn þakkar bættum samgöngum þessa miklu
fjölgun gesta. „Það fer af staðnum gott orðspor sem
hefur vissulega mikið að segja í veitingarekstri. Þá er
jafnframt ljóst að Héðinsfjarðargöngin skipta öllu máli.
Það er þeim að þakka að mögulegt var að ráðast í
viðamikla uppbyggingu hér á Siglufirði.“
Siglufjörður í tísku
Það er ekki aðeins annasamt á sumrin heldur er
veitingastaðurinn vel sóttur jafnt að vetri til sem og
sumri. „Nálægðin við Akureyri gerir það að verkum að
mikill straumur fólks er hér allan ársins hring auk
þess sem Siglufjörður er svolítið „inn“ í dag,“ segir
Finnur Yngvi.
Ekkert lát virðist vera á vinsældum Siglufjarðar en
fyrir skemmstu var vísað á bæinn sem áhugaverðan
áfangastað fyrir ferðamenn á vefsíðu þýska tímaritsins
Der Spiegel.
Héðinsfjarðargöngin
skipta öllu máli
 Mikill straumur ferðamanna til Siglufjarðar síðustu ár
Siglufjörður Gestum Rauðku fer ört fjölgandi.
Erlendum ferðamönnum sem
koma hingað til lands hefur
fjölgað um 34% fyrstu fjóra
mánuði þessa árs til sam-
anburðar við sama tímabil á
síðasta ári. Þetta segir Erna
Hauksdóttir, framkvæmdastjóri
Samtaka ferðaþjónustunnar.
„Það er búin að vera gríð-
arleg aukning frá áramótum,“
segir Erna. Hún segir ýmsar
ástæður valda þessari aukn-
ingu. „Við erum náttúrlega í
gríðarlegri
markaðsherferð
sem heitir „Ís-
land allt árið“,“
segir Erna og
bætir við að
jafnframt hafi
sætaframboð
flugfélaganna
aukist og ým-
islegt hafi vak-
ið athygli á landinu, t.d. eld-
gos.
Ferðafólki fjölgar um 34%
AUKNING FYRSTU FJÓRA MÁNUÐI ÁRSINS
Erna
Hauksdóttir
BAKSVIÐ
Skúli Hansen
skulih@mbl.is
Risaskipið Adventure of the Seas
kom til landsins rétt fyrir klukkan
tíu í gærmorgun. Um er að ræða
stærsta skemmtiferðaskip sem
komið hefur til landsins en það er
rúm 137 þúsund brúttótonn að
stærð. Skipið kom til Reykjavíkur
frá Southampton á Englandi.
Klukkan þrjú í dag mun skipið
fara úr höfn og er stefnan sett til
Akureyrar. Þangað er von á því
klukkan hálftíu í fyrramálið. Auk
Adventure of the Seas komu einn-
ig farþegaskipin Crystal Symph-
ony og Sea Explorer til Reykja-
víkur í gær en þau eru þó talsvert
minni, það fyrrnefnda rúm 51 þús-
und brúttótonn og hið síðarnefnda
4.200 brúttótonn.
Margs konar ferðir í boði
Ferðaskrifstofan Atlantik sér
um ferðamennina sem koma hing-
að til lands með Adventure of the
Seas. „Það er allt mögulegt sem
þeir eru að gera yfir daginn,“ seg-
ir Ólafía Sveinsdóttir, deildar-
stjóri siglinga hjá Atlantik, að-
spurð hvað ferðamennirnir geri
þegar í land er komið. „Það er
talsvert mikið um ferðir um
Reykjavík. Fólk er að fara styttri
jeppaferðir út fyrir borgina. Út-
sýnisflug er planað, ég geri ekki
Lýsing telur að dómur um bílasamn-
ing Landsbankans sem féll í Hæsta-
rétti í síðustu viku veiti leiðbeiningu
um tiltekin atriði og hefur ákveðið að
hefja undirbúning að endurreikningi
sambærilegra samninga. Gert er ráð
fyrir því að fyrstu samningarnir
verði endurreiknaðir í júlí.
Fyrirtækið tekur fram að frekari
leiðbeiningar dómstóla þurfi til að
skýra tiltekin álitaefni varðandi
fullnaðarkvittanir, til dæmis um van-
skil og festu á framkvæmd, áður en
hægt verður að meta endanleg áhrif
dómsins á samninga félagsins. Í frétt
á vef Lýsingar er vakin athygli á því
að fyrirtækið er aðili að fimm dóms-
málum þar sem reynir á gildi fulln-
aðarkvittana við ýmsar aðstæður í
endurreiknuðum samningum. Nið-
urstöðu þeirra sé ætlað að skýra
frekari ágreiningsefni.
Tekið er fram að Lýsing uppfylli
ekki lagaskilyrði um fjárhagslegan
styrk fjármálafyrirtækja en hafi
þegar gert ráðstafanir til að mæta
mögulegum útgreiðslum eða samn-
ingsniðurfærslum vegna dóma.
Lýsing hefur end-
urreikning í júlí
 Telur þörf á fleiri dómsniðurstöðum
Morgunblaðið/Ómar
Bílalán Dómur hefur fordæmisgildi.