Morgunblaðið - 04.06.2013, Blaðsíða 12

12 FRÉTTIRInnlent
MORGUNBLAÐIÐ ÞRIÐJUDAGUR 4. JÚNÍ 2013
Þú færð GO walk skó í
Skór.is, Kringlunni og Smáralind | Steinar Waage, Kringlunni
og Smáralind | Intersport Lindum, Kópavogi | Skóhöllinni Firði,
Hafnarfirði | Versl. Nína, Akranesi | Blómsturvellir, Hellisandi
Hafnarbúðin, Ísafirði | Skóhúsið, Akureyri | Mössuskór, Akureyri
Skóbúð Húsavíkur, Húsavík | Sentrum, Egilstöðum | Lónið, Höfn
í Hornafirði | Skóbúð Selfoss, Selfossi | Axel Ó, Vestmanneyjum
Skóbúðin, Keflavík
Hildur Hjörvar
hhjorvar@mbl.is
„Ég held ekki að við séum að fá full-
an skammt af þessari miklu aukn-
ingu erlendra ferðamanna,“ segir
Gunnar Jónsson, formaður bæjar-
ráðs Fljótsdalshéraðs.
Bæjarráðið samþykkti á dögun-
um einróma að hvetja til þess að
umferð um Egilsstaðaflugvöll verði
aukin. Í bókuninni segir að stöðug
fjölgun erlendra ferðamanna kalli á
skynsamlega dreifingu þeirra, bæði
til að vernda viðkvæmar náttúru-
perlur á suðvesturhorninu fyrir of
miklum ágangi og eins til að stuðla
að kraftmikilli ferðaþjónustu um allt
land. Þá sé hagkvæmni fólgin í því
að nýta Egilsstaðaflugvöll undir
millilandaflug, enda krefjist hækk-
andi eldsneytisverð og auknar um-
hverfiskröfur þess að menn horfi til
stystu flugleiða milli Íslands og
Evrópu. Þannig ætti Egilsstaðaflug-
völlur að verða ein af megingáttum
flugfarþega inn og út úr landinu.
„Ég hef stundum sagt það að er-
lendir ferðamenn fari austur á Höfn
og austur á Mývatn, en svo vantar
að við sjáum þessa miklu aukningu
hér á Austfjörðum,“ útskýrir Gunn-
ar. Hann segir verðlag á eldsneyti
hafa þar mikil áhrif, og þá sérstak-
lega vegna þess að Axarvegur hefur
langtímum saman verið lokaður, en
hann styttir leiðina inn á Mið-Aust-
urland um 70 kílómetra. Telur
Gunnar mikilvægt að hann verði
gerður að heilsársvegi. Þá telur
hann sóknarfæri í ferðaþjónustu við
norðurhlið Vatnajökuls.
„Það er eins og það þurfi alltaf að
byrja og enda hringinn á suðvest-
urhorninu,“ segir Gunnar og segist
telja að Egilsstaðaflugvöllur geti
staðið undir auknum straumi ferða-
manna og millilandaflugi. Aðstaða
til skimunar vegna flugverndar sé
til staðar og einnig sé til skipulag
fyrir fleiri flughlöð en hætt hafi ver-
ið við þær framkvæmdir í niður-
skurði.
Gunnar segir umræðuna um mik-
inn ágang á ferðamannastaði á suð-
vesturhorninu stinga furðulega í
stúf þar sem ferðamannaflaumnum
sé beint inn á suðvesturhornið í stað
þess að fljúga á Egilsstaði, sem sé í
ofanálag ódýrara enda styttri leið.
„Það er verulegur kostnaðarauki
af því að setja upp og halda stöðugu
millilandaflugi á svona flugvelli því
það krefst heilmikilla umsvifa t.d. í
flugvernd,“ segir Friðþór Eydal,
talsmaður Isavia sem sér um rekst-
ur og uppbyggingu Egilsstaðaflug-
vallar. Hann kveður því þörf á tals-
verðri umferð ef millilandaflug til og
frá Egilsstöðum á að standa undir
sér.
Vilja millilandaflug til Egilsstaða
 Segja Austfirði ekki fá nægilega marga erlenda ferðamenn  Skynsamlegri dreifing ferðamanna
minnki ágang á náttúruperlur  Millilandaflugi verði komið á til og frá Egilsstaðaflugvelli
Morgunblaðið/Steinunn Ásmundsdóttir
Egilsstaðaflugvöllur Nú er aðeins flogið frá Egilsstöðum til Reykjavíkur, en þar hefur áður verið millilandaflug.
Árni Gunnarsson, fram-
kvæmdastjóri Flugfélags Ís-
lands, segir um 5% farþega
sem fóru um Egilsstaðaflugvöll
í fyrra hafa bókað flugið erlend-
is, en 40-50% hafi ætlað í frí
eða að heimsækja fjölskyldu.
Svanhvít Friðriksdóttir, tals-
maður WOW Air, segir ekki vera
á döfinni að hefja áætlunarflug
frá öðrum landsvæðum en
Keflavík en fyrirtækið sé opið
fyrir öllum slíkum möguleikum
enda mikilvægt að byggja upp
ferðaþjónustu á öllu landinu.
5% bókuðu
frá útlöndum
FLESTIR FLUGFARÞEGAR
TIL EGILSSTAÐA ÍSLENSKIR
Ráðstefnan TEDx var haldin í
fyrirlestrarsal Arion banka í gær.
Markmið ráðstefnunnar er að ljá góð-
um hugmyndum vægi og boðið var
upp á fyrirlestra þar sem nýjar hug-
myndir og uppgötvanir voru kynntar.
TED eru samtök sem ekki eru rek-
in í hagnaðarskyni og standa þau fyr-
ir ráðstefnum með það að markmiði
að breiða út góðar hugmyndir. X-ið í
TEDx stendur fyrir TED viðburð
sem er skipulagður af heimamönn-
um, en þetta er í þriðja sinn sem slík
ráðstefna er haldin hér á landi. Á
meðal mælenda var Össur Krist-
insson, stofnandi Össurar hf. Erindi
hans fjallaði um óhefðbundna og
fljótlega aðferð við smíði gervilima.
„Einstaklingur sem þarf á gervifæti
að halda getur verið farinn að ganga
eftir tuttugu mínútur til klukku-
stund,“ sagði Össur. Starfsmenn á
vegum OK Prosthetics, fyrirtækis í
eigu Össurar, ferðast til þróun-
arlanda og kenna ófaglærðum heima-
mönnum aðferðina.
Sigga Heimis vöruhönnuður hélt
erindi um hönnun og samfélagslega
ábyrgð. Hún sagði m.a. frá hönnun
sinni á glerlíffærum og lýsti því
hvernig gler og líffæri hefðu svipuð
einkenni. „Gler og líffæri eru lík að
því leyti að þau geta verið mjög við-
kvæm en einnig mjög sterk. Koma
þarf fram við báða hluti af virðingu.“
Hún lýsti því hvernig verkefnið hefði
opnað augu hennar fyrir slæmu
ástandi hvað varðar líffærakaup á
svörtum markaði og löngum biðlist-
um eftir líffærum. Þá hélt Jess Myra
erindi um rafræna arfleifð og kynnti
forrit sem hún hannaði og mun nýt-
ast fólki til að stjórna þeim upplýs-
ingum sem verða til um það eftir að
það deyr. Forritið geti þannig tengt
saman kynslóðir, gert fólki kleift að
fræðast um þá sem eru látnir og kom-
ið í veg fyrir að einhver muni gleym-
ast.
Fyrirlestra á vegum TED má nálg-
ast á vefsíðunni www.ted.com.
sunnasaem@mbl.is
Ráðstefna sem veitir
mönnum innblástur
 Markmið hennar er að ljá góðum hugmyndum vægi
Morgunblaðið/Kristinn
TEDx Ráðstefnan var haldin í Arion banka í gær. Markmið hennar var að ljá góðum hugmyndum vægi. Á ráðstefn-
unni voru haldnir fyrirlestrar, þar sem nýjar uppgötvanir voru kynntar áhorfendum, sem voru fjölmargir.
Jess Myra, kanadískur viðmóts-
hönnuður, hélt erindi um raf-
ræna arfleifð, en það eru þær
upplýsingar sem eftir menn
liggja, eftir þeirra dag.
Myra hannaði forrit sem
menn geta uppfært með völdum
upplýsingum og aðrir haft að-
gang að. Menn geti þannig
tengst á sameiginlegum grund-
velli fram yfir dauða og gröf.
Forritið ætti að gera mönnum
kleift að nýta sér þekkingu og
læra af reynslu þeirra sem á
undan voru.
„Enginn mun
gleymast“
FORRIT FYRIR FRAMLIÐNA