Morgunblaðið - 04.06.2013, Blaðsíða 16

16 FRÉTTIRInnlent
MORGUNBLAÐIÐ ÞRIÐJUDAGUR 4. JÚNÍ 2013
Allt
á einum stað!
Lágmarks
biðtími www.bilaattan.is
Bílaverkstæði
Dekkjaverkstæði
Smurstöð
Varahlutir
Nýlega barst Nesskóla í Neskaup-
stað góð gjöf, en þá færði Sam-
vinnufélag útgerðarmanna í Nes-
kaupstað skólanum að gjöf 40
spjaldtölvur, ásamt hulstrum.
„Þessi höfðinglega gjöf á eftir að
nýtast nemendum vel á komandi
misserum þar sem æ fleiri forrit
koma út þessa dagana til náms með
spjaldtölvum og þessi nýja tækni á
eftir að verða fyrirferðarmeiri í
skólastarfi næstu árin,“ segir í frétt
frá skólanum.
Samvinnufélagið (SÚN) hefur
verið traustur bakhjarl skólans
undanfarin ár, og til að mynda gaf
félagið skjávarpa og hátalara í all-
ar umsjónarstofur, auk sér-
kennslustofu, á síðasta ári.
Gjöfin hefur gjörbreytt vinnuað-
stæðum kennara og aukið fjöl-
breytni í kennsluaðferðum, nem-
endum til bóta, segir í
tilkynningunni.
SÚN gaf Nesskóla
40 spjaldtölvur
Ríkisútvarpið hefur tryggt sér
sýningarréttinn af Evrópumóti
kvenna í knatt-
spyrnu sem
fram fer í Sví-
þjóð í sumar.
Með samn-
ingnum gefst al-
menningi kostur
á að fylgjast að
minnsta kosti
með leikjum ís-
lenska liðsins,
undanúrslitum og úrslitum móts-
ins. Auk þess verður öllum leikjum
íslenska liðsins lýst á Rás 2. Mótið
hefst miðvikudaginn 10. júlí n.k.
og úrslitaleikurinn fer fram
sunnudaginn 28. júlí.
Ísland er í riðli með Þýskalandi,
Noregi og Hollandi.
RÚV sýnir frá EM
Málþing um um nám og kennslu í
náttúrufræðigreinum á 21. öldinni
verður haldið í aðalbyggingu
menntavísindasviðs við Stakkahlíð
miðvikudaginn 5. júní kl. 9:00-17:00
og er ætlað kennurum á öllum
skólastigum. Boðið verður upp á
fjölbreytta dagskrá, fyrirlestra,
kynningar og smiðjur. Aðalfyrirles-
ari málþingsins verður Michael
Reiss, prófessor við University of
London. Skráning er á: http://
malthing.natturutorg.is.
Málþing um nátt-
úrufræðimenntun
STUTT
Ómar Friðriksson
omfr@mbl.is
Mikil vinna er komin í gang innan
margra stéttarfélaga við undirbún-
ing fyrir kjaraviðræðurnar í haust,
m.a. með kjaramálaráðstefnum og
könnunum. Undirbúningurinn er þó
mislangt á veg komin eftir félögum
og samböndum. Eining-Iðja er langt
komin í undirbúningsvinnunni og
hefur samninganefnd félagsins sam-
þykkt samhljóða að veita samninga-
nefnd Starfsgreinasambandsins
(SGS) umboð til að gera viðræðu-
áætlun og hefja viðræður við við-
semjendur vegna kjarasamninganna
í haust, fyrst aðildarfélaga SGS.
Kjaramálin eru til umræðu á
tveggja daga formannafundi SGS
sem hófst á Húsavík í gær. Næst-
komandi föstudag er boðaður for-
mannafundur ASÍ þar sem rætt
verður um mögulegt samráð í að-
draganda kjaraviðræðna og um
hvernig gera megi viðræðuferlið
skilvirkara og markvissara.
Þar á m.a. að ræða hvort rétt sé að
stíga fyrstu skrefin í þá átt að koma
á fót sameiginlegum vettvangi samn-
ingsaðila, þar sem safnað verði upp-
lýsingum um hagtölur, sem viðsemj-
endur geti orðið sammála um að
byggja á í haust.
Þétt dagskrá fram á haustið
Áherslur launamanna í kjaramál-
um og fyrir mótun kröfugerðar ættu
að skýrast á næstu vikum. Björn
Snæbjörnsson, formaður Einingar-
Iðju, segir að 6. til 10. maí hafi verið
gerð skoðanakönnun á vinnustöðum
á meðal félagsmanna Einingar-Iðju
til að fá upplýsingar um vilja félag-
anna um hvaða áherslur verði lagðar
þegar smíði kröfugerðar hefst.
Björn segir að þátttakan í könn-
uninni hafi verið sérlega góð, alls
fengust 1.330 svör. Sumarið verður
svo nýtt til að vinna úr könnuninni og
niðurstöðurnar kynntar í samninga-
nefndinni í lok ágúst. Á þeim fundi
verður einnig byrjað að vinna við
endanlega kröfugerð félagsins.
„Við tókum ákvörðun strax á vor-
dögum um að við ætlum að vera und-
ir hatti Starfsgreinasambandsins.
Mikil vinna hefur farið fram m.a. í
sambandi við skoðanakönnunina og
svo ætlar samninganefndin í lok
ágúst að fara að raða þessu saman.
Við erum með þétta dagskrá alveg til
11. september þegar við skilum af
okkur til Starfsgreinasambandsins,“
segir Björn en þá á fullmótuð kröfu-
gerð að liggja fyrir.
Fleiri stéttarfélög hafa ráðist í við-
horfskannanir meðal félagsmanna
um áherslur í komandi kjarasamn-
ingum. Björn, sem einnig er formað-
ur SGS, kveðst telja líklegt að flest
aðildarfélög SGS muni veita sam-
bandinu umboð, enda sé þörf á öfl-
ugri og samhentri sveit á vettvangi
sambandsins í viðræðunum sem
framundan eru.
Spurður um áherslur félagsmanna
í kjaramálum segir Björn félagið
eiga eftir að vinna úr niðurstöðunum
en ljóst sé af umræðunni innan
hreyfingarinnar að fólk vilji fyrst og
fremst fá stöðugleika á nýjan leik.
,,Menn ræða það mikið og að fá
vaxandi kaupmátt.“
„Liggi fyrir í byrjun sumars“
Í samkomulagi ASÍ og SA í janúar
sl. um endurskoðun kjarasamninga
var m.a. samið um að ná samstöðu
um atvinnustefnu og „að stefnt skuli
að því að sameiginleg sýn allra aðila
vinnumarkaðarins á svigrúmi at-
vinnulífsins og samfélagsins til auk-
ins kostnaðar og bættra lífskjara
næstu árin liggi fyrir í byrjun sum-
ars og verði mótandi í nýrri lotu
kjarasamninga næsta haust,“ eins og
það var orðað í samkomulaginu.
Fram kom í samtölum við forystu-
menn í launþegahreyfingunni í gær
að enn hafa engar viðræður farið
fram við ríkisstjórnina. Ekkert sam-
band hafi enn komist á við hana.
Vilja fá stöðugleika
og aukinn kaupmátt
 Eining-Iðja veitir SGS umboð  ASÍ-formenn til fundar
 Ekki komið á samband verkalýðshreyfingar við ríkisstjórn
Morgunblaðið/Golli
Atvinna Í samkomulagi ASÍ og SA í vetur sagði að í framhaldi af kosningum
og myndun ríkisstjórnar yrði aðgerðaáætlun í atvinnumálum fullunnin.
Albert Kemp
Fáskrúðsfirði
Sjómannadagurinn var
haldinn hátíðlegur á
Fáskrúðsfirði um
helgina. Var það ungt
fólk sem sá um fram-
kvæmd hátíðarhald-
anna ásamt félögum í
slysavarnadeildinni
Hafdísi en hér hefur
ekki verið haldið upp á
daginn í allmörg ár ut-
an þess að siglt hefur
verið með skipum um
fjörðinn.
Hátíðarhöldin stóðu yfir í tvo
daga. Á laugardag var m.a. keppt
í reiptogi áhafna en á sunnudag
var hátíðarmessa í Fáskrúðsfjarð-
arkirkju þar sem sóknarprest-
urinn, séra Jóna Kristín Þorvalds-
dóttir, flutti hátíðarræðu. Sjómenn
tóku virkan þátt í guðsþjónustunni
og lásu úr ritningunni. Tveir sjó-
menn voru heiðraðir við athöfnina
og fengu heiðursmerki sjómanna,
þeir Eyjólfur Garðar Svavarsson
og Jóhannes Sigurðsson. Báðir
hafa um langt árabil starfað við
sjómennsku.
Loðnuvinnslan bauð síðan öllum
bæjarbúum til veislu í félagsheim-
ilinu Skrúð en fjörutíu ár eru liðin
síðan skip félagsins, Ljósafell SU
70, lagðist fyrst að bryggju á Fá-
skrúðsfirði. Það var byggt fyrir
Hraðfrystihús Fáskrúðsfjarðar í
Japan 1973. Skipið hefur landað
144 þúsund tonnum síðan það hóf
veiðar. Skipið hélt til veiða strax
eftir sjómannadag og var 100
tonnum landað úr því í gær. Fyr-
irtækið hefur látið gera kvikmynd
um komu skipsins og rekstur þess
og var gerður góður rómur að því
en myndin var sýnd í veislunni.
Verkið var unnið af Guðmundi
Bergkvist Jónssyni.
Morgunblaðið/Albert Kemp
Siglt inn fjörðinn Ljósafell SU siglir inn Fáskrúðsfjörð á sunnudag.
Hefur fiskað 144 þús-
und tonn á 40 árum
Minningarathöfn Blómsveigur var lagður til
minningar um drukknaða sjómenn.
 Bæjarbúum boðið í afmælisveislu