Morgunblaðið - 04.06.2013, Blaðsíða 36

36 DÆGRADVÖL
MORGUNBLAÐIÐ ÞRIÐJUDAGUR 4. JÚNÍ 2013
56 10 000
TAXI
BSR
Góð þjónusta í 90 ár
Stjörnuspá
21. mars - 19. apríl 
Hrútur Hugarró og jafnvægi hið innra getur
af sér friðsamlegt umhverfi. En þú verður að
lofa á réttum forsendum, þú skuldar engum
neitt.
20. apríl - 20. maí 
Naut Gleymdu því ekki í lífsgæðakappklaup-
inu að lífið snýst líka um annað og meira.
Kynntu þér málin vandlega áður en þú mynd-
ar þér skoðun. Fegraðu vistarverur þínar.
21. maí - 20. júní 
Tvíburar Reyndu að sjá björtu hliðarnar og
þá mun lifna yfir þér. Varastu öll gylliboð sem
eiga að færa þér hamingju og auðæfi í einu
vetfangi.
21. júní - 22. júlí 
Krabbi Gættu þess bara að ofmetnast ekki
þegar vel gengur því dramb er falli næst. Um-
bætur eru það sem þú ert að leita eftir.
23. júlí - 22. ágúst 
Ljón Þú ert eitthvað utan við þig og getur
hæglega týnt sjálfum þér ef þú ert ekki á
verði. Reyndu samt að halda ró þinni þótt
mikið gangi á og láttu þér ekki bregða þótt
þú uppgötvir einhver mistök.
23. ágúst - 22. sept. 
Meyja Þó að þú sért kannski ekki leiðtogi í
tilteknum hópi hafa skoðanir þínar og viðhorf
samt áhrif á aðra. Taktu stjórnina í þínar
hendur í stað þess að láta tilviljanirnar ráða.
23. sept. - 22. okt. 
Vog Það er til lítils að hafa mörg orð um hlut-
ina ef þeim fylgja engar athafnir. Farðu þér
samt hægt því þú þarft að vinna aðra á þitt
band.
23. okt. - 21. nóv.
Sporðdreki Byrjaðu daginn með því að leyfa
huganum að vinna og fá frábærar hugmyndir.
Talarðu kannski fyrir daufum eyrum? Það
skyldi þó aldrei vera.
22. nóv. - 21. des.

Bogmaður Forðastu að gagnrýna samstarfs-
fólk þitt í dag og sættu þig ekki við ósann-
gjarna gagnrýni frá þeim heldur. Gefðu þér
tíma til að greiða úr flækjunni og þá leysast
allir hlutir auðveldlega.
22. des. - 19. janúar 
Steingeit Reyndu að láta afbrýðisemina ekki
ná tökum á þér í samskiptum við ástvini.
Fólki þykir sannarlega vænt um þig.
20. jan. - 18. febr. 
Vatnsberi Þú vilt standa upp úr og falla í
hópinn á sama tíma. Láttu ekki aðra stjórna
gjörðum þínum hvað þetta snertir. Sýndu
skilning á annarra axarsköftum.
19. feb. - 20. mars

Fiskar Þú þarft að hafa það á hreinu að eng-
inn misskilji skilaboð þín því þá gætu afleið-
ingarnar orðið skelfilegar. Vertu sem mest
með þeim sem kunna að meta þig.
Misjöfn eru morgunverkin er yfir-
skrift vísu Davíðs Hjálmars
Haraldssonar:
Margir vært á eyra sínu sofa,
sumir Drottinn Guð í kirkju lofa,
en það er líka hægt að standa í ströngu
með stífri þriggja tíma morgungöngu.
Hólmfríður Bjartmarsdóttir, Fía
á Sandi, situr við aðra iðju á sunnu-
dagsmorgni:
Meðan fuglar sætt í morgun sungu
sólin skein lambaskinnin ungu
og Davíð gekk til fjalls með sælu sinni
sat ég yfir krossgátunni minni.
Ólafur Stefánsson sat einmitt yfir
Morgunblaðinu í vikunni, en hafði
aðra sögu að segja: „Vinir mínir á
Mogga voru að leika sér og gáfu út
„risablað“, þannig að maður er frá í
handleggjunum eftir lesturinn.
Efnið svona yfirleitt,
er það sama,
þó vaxi Mogginn vítt og breitt
svo verði að ama.
Sem betur fer var tekið fram að
þetta yrði bara í [einn] dag. Þá
verður hægt að lesa blaðið eins og
áður án þess að taka ibúfen.“
Jón Arnljótsson yrkir að gefnu
tilefni:
Mörgum fannst sú franska hálf-
fávís þar að lóna,
þó alltaf vissi um sig sjálf,
en ekki um fjárans skóna.
Aðalsteinn L. Valdimarsson sér
aðra hlið á málinu:
Frjettir lýsa fagurt hví
fljótt upp rísa sveitir.
Marga fýsir fara í
fransk(r)ar skvísu leitir.
Einar Sveinn Friðriksson frá
Hafranesi, Reyðarfirði, orti á sínum
tíma:
Á hærur mínar haustsól skín
horfið er bjarta vorið,
mér við fætur gröfin gín,
geigar ei hinsta sporið.
Höskuldur Jónsson yrkir að vori:
Sveitin hlýnar, grænkar gras
geislar sýn á fjörðum.
Á tindum skín á tófugras
og trampólín í görðum.
Lýsingin er kostuleg hjá Ár-
manni Þorgrímssyni á samfélags-
vefnum fésbók:
Gengur aftur gamli tíminn
glöggt það hef á Fésbók séð
hún er eins og sveita síminn
sem að allir fylgdust með.
Pétur Blöndal
pebl@mbl.is
Vísnahorn
Af morgunverkum, fésbók
og gamla sveitasímanum
Í klípu
GUÐJÓN VAR SJÓÐHEITUR Í VINNUNNI.
JAFNVEL AÐEINS UM OF.
eftir Mike Baldwin eftir Jim Unger
„HVERNIG KEMST SVONA PILLUGLAS
FYRIR Í RITVÉL?“
Hermann
Ferdinand
Hrólfur hræðilegi
Grettir
... þegar hann sýnir þér
mjúku hliðina sína.
APÓTEK
HVAÐ
ER NÚ
ÞETTA?
AFGANGAR.
Á ÖLLUM ÞEIM ÁRUM
SEM VIÐ HÖFUM VERIÐ
GIFT HEF ÉG ALDREI
ÁÐUR ÁTT AFGANGA
AF MAT TIL AÐ BORÐA
DAGINN EFTIR!
ÉG KANNAST EKKI VIÐ
ÞETTA, HVAÐ HEITIR
ÞETTA?
KRAFTAVERK!
ÉG ER MIKIÐ FYRIR
AÐ GERA ÁÆTLANIR.
ÁÆTLANIR Á
ÁÆTLANIR OFAN.
ÁTT ÞÚ EKKI AÐ
VERA AÐ GERA
EITTHVAÐ?
SÉRÐU EKKI
AÐ ÉG ER
UPPTEKINN?
Veikindi ríka og fræga fólksinshafa verið í brennidepli að und-
anförnu. Þar hefur vitaskuld kveðið
mest að Angelinu Jolie sem kom í
fyrsta sinn fram opinberlega um
liðna helgi eftir brjóstnámið umtal-
aða. Bar hún sig vel á rauða dregl-
inum ásamt spúsa sínum, Brad Pitt,
og átti vont með að leyna tilfinn-
ingum sínum þegar æstur múg-
urinn jós lofi yfir hana fyrir fram-
sýni og dirfsku. Réttilega.
Annar kvikmyndaleikari, Michael
Douglas, varð fyrir fáeinum árum
veikur af krabbameini í hálsi. Fár-
veikur. Hann hefur nú náð heilsu á
ný og hafa margir fundið styrk í
hans sögu. Douglas olli nokkru
fjaðrafoki á dögunum þegar hann
lýsti því yfir að veikindi sín hefðu
alls ekki stafað af ólifnaði svo sem
reykingum og drykkju, heldur óhóf-
legum munnmökum. Gott ef munn-
mökin læknuðu ekki krabbameinið
líka. Douglas var sumsé ekkert að
skauta hjá neinu í frásögn sinni.
Þótti löndum hans vestur í Am-
eríku, sem upp til hópa eru guð-
hrætt fólk, þetta helst til miklar
upplýsingar.
x x x
Annar aldinn höfðingi er aðhjarna við eftir lifrarígræðslu,
pönkkóngurinn Lou Reed. Fyrir fá-
einum mánuðum upplýsti eiginkona
hans að Reed væri við dauðans dyr
vegna lifrarbilunar en eftir vel-
heppnaða ígræðslu er hugur í okkar
manni. Þakkar hann bata sinn nú-
tímalæknavísindum og þeirri fornu
austurlensku hernaðarlist tai chi
sem hann hefur lagt stund á í meira
en þrjá áratugi. „Ég er stærri og
sterkari en nokkru sinni,“ sagði
hann á heimasíðu sinni. Að sögn
eiginkonu hans á Reed þó ennþá
langt í land og mun mögulega aldrei
ná fyrri styrk. En gamli meistarinn
er á lífi og hefur meira að segja hót-
að að hlaða í framhald af Lulu-
plötunni alræmdu sem hann gerði í
samvinnu við málmgoðin í Metal-
lica.
Af öðrum stjörnum sem rætt hafa
fjálglega um veikindi sín, öðrum
hugsanlega til hagsbóta, má nefna
Magic Johnson, HIV; Michael J.
Fox, parkinsonsveiki; Kylie Min-
ogue, brjóstakrabbi, og Kim Kar-
dashian, psóríasis. víkverji@mbl.is
Víkverji
En nú varir trú, von og kærleikur,
þetta þrennt, en þeirra er kærleik-
urinn mestur. (Fyrra Korintubréf 13:13)