Morgunblaðið - 25.07.2013, Blaðsíða 7

FRÉTTIR 7Innlent
MORGUNBLAÐIÐ FIMMTUDAGUR 25. JÚLÍ 2013
58 kaupsamningum og afsölum um
atvinnuhúsnæði á höfuðborgar-
svæðinu var þinglýst í júní. 43 slík-
um skjölum var þinglýst utan höf-
uðborgarsvæðisins að því er segir á
vef Þjóðskrár Íslands. Heildarfast-
eignamat seldra eigna á höfuðborg-
arsvæðinu var 3.400 milljónir en
879 milljónir utan þess. Af samn-
ingunum vörðuðu 24 verslunar- og
skrifstofuhúsnæði á höfuðborgar-
svæðinu.
Í júní voru 29 kaupsamningar um
atvinnuhúsnæði á höfuðborg-
arsvæðinu skráðir í kaupskrá og 20
á landsbyggðinni. Verðmæti samn-
inganna á höfuðborgarsvæðinu var
2.031 milljón króna og fasteigna-
mat eigna í samningunum var 1.181
milljón króna. Heildarverðmæti
samskonar samninga utan höfuð-
borgarsvæðisins var 236 milljónir
og fasteignamat sömu eigna var
208 milljónir króna.
Keypt fyrir
2,3 millj-
arða króna
 49 samningar um
kaup á atvinnuhúsnæði
Morgunblaðið/Golli
Kaup 49 kaupsamningar um at-
vinnuhúsnæði voru skráðir í júní.
Á Seltjarnarnesi er nú hafið kerf-
isbundið átak sem felst í verndun
kríuvarpsins og fækkun máva yfir
hávarptímann, en mávurinn hefur
verið skæður gestur í varplandinu í
sumar. Í frétt frá Seltjarnarnesbæ
segir að fjölmargt fólk hafi komið
að máli við Ásgerði Halldórsdóttur,
bæjarstjóra á Seltjarnarnesi, og
óskað eftir því að allra leiða verði
leitað til að sporna við mávinum,
sem hefur verið með ágengari móti
þetta sumarið. Kríuvarp þykir hafa
tekist vel þetta árið og allt útlit fyr-
ir að krían hafi nægilegt æti og því
sé dapurlegt að horfa upp á eyði-
leggingu þess af hálfu vargsins.
Á meðfylgjandi mynd, sem Hauk-
ur Óskarsson, framkvæmdastjóri
Golfklúbbs Seltjarnarness, tók á
golfvellinum á Seltjarnarnesi má
sjá máv rífa í sig hálfstálpaðan
kríuunga, en að hans sögn blöskrar
golfurum vallarins hversu ágengur
mávurinn er þetta árið og hversu
stálpuð dýr hann ræðst á. Fulltrúar
bæjarins hafa leitað ráða hjá Jó-
hanni Óla Hilmarssyni fuglafræð-
ingi sem segir að aðeins sé ein leið
fær til að ráða niðurlögum mávsins
og hún felist í því að fólk hætti að
brauðfæða fuglana á Bakkatjörn.
Ekki dugi að skjóta hann, eins og
sumir hafa bent á. Á þessum árs-
tíma hafa varpfuglarnir nægilegt
æti og ekki þurfi að bæta við það.
Brauðið laði mávinn að og ef það sé
ekki á boðstólum fari þeir eitthvað
annað í leit að æti. Því munu bæj-
aryfirvöld á Seltjarnarnesi beita
sér fyrir því að fólk hætti að gefa
fuglunum á tjörninni brauð.
Mávar rífa í sig kríuunga
Ljósmynd/Haukur Óskarsson
Vargur Mávurinn reif í sig hálfstálpaðan kríuungann á golfvellinum.
 Fólk hvatt til að hætta að brauðfæða fugla á Bakkatjörn
Áslaug Arna Sig-
urbjörnsdóttir,
formaður Heim-
dallar, félags
ungra sjálfstæð-
ismanna í
Reykjavík, mun
ekki sækjast eftir
endurkjöri. Ás-
laug hefur gegnt
embættinu síð-
astliðin tvö ár en
nú er ljóst að nýr formaður verður
kjörinn á aðalfundi Heimdallar 31.
júlí næstkomandi.
„Ég er búin að sinna þessu emb-
ætti í tvö ár og hef notið þess mjög.
Núna tel ég góðan tímapunkt að
hætta, þetta er búið að ganga frá-
bærlega og ég held að starfið hafi
eflst mjög,“ segir Áslaug og bætir
við að tíminn sem formaður hafi ver-
ið mjög lærdómsríkur. „Ég er í laga-
námi og langar að einbeita mér að-
eins meira að því,“ útskýrir Áslaug
en aðspurð segist hún hvergi nærri
hætt afskiptum af stjórnmálum.
Áslaug Arna
sækist ekki eft-
ir endurkjöri
Áslaug Arna
Sigurbjörnsdóttir
Álagningar- og innheimtuseðlar
einstaklinga eru aðgengilegir á þjónustuvef ríkisskattstjóra;
www.rsk.is og www.skattur.is.
Útborgun bóta og endurgreiðsla
hefst 1. ágúst
Barna- og vaxtabætur
ásamt öðrum inneignum verða greiddar 1. ágúst.
Innheimta eftirstöðva hefst á sama tíma.
Unnt er að vitja inneigna hjá Tollstjóranum í Reykjavík
og sýslumönnum um land allt.
Álagningarskrár liggja frammi á starfsstöðvum
ríkisskattstjóra, dagana 25. júlí til 8. ágúst 2013
að báðum dögum meðtöldum.
Kærufresti lýkur 26. ágúst 2013.
Álagningu
skatta er lokið
skattur.is