Morgunblaðið - 20.08.2013, Blaðsíða 4

SVIÐSLJÓS
Viðar Guðjónsson
vidar@mbl.is
Hanna Birna Kristjánsdóttir, innan-
ríkisráðherra, segir að í sumar hafi
verið farið yfir alla kosti í fangels-
ismálum. Niðurstaðan hafi verið sú
að hagkvæmast sé að halda áfram
með framkvæmdir að nýju fangelsi á
Hólmsheiði. ,,Eftir yfirlegu sumars-
ins komumst við að þeirri niðurstöðu
að það sé farsælla að halda verkinu
áfram en að velja aðra kosti. En að
hægt verði talsvert á því og lagt verði
til þess um helmingi minna fjármagn
á næsta ári en fyrirhugað var. Með
þessu næst fram mikil hagræðing,“
segir Hanna Birna. Bendir hún á að
þegar hafi verið varið rúmum hálfum
milljarði króna í jarðvegs- og hönn-
unarvinnu við fangelsið en jarðvegs-
framkvæmdum lauk nýverið.
Fóru yfir alla kosti
Skiptar skoðanir hafa verið um
fyrirhugað fangelsi á Hólmsheiði
sem áætlað er að kosti um tvo millj-
arða króna. Hanna Birna bendir á að
þingið eigi alltaf síðasta orðið. Fram-
kvæmdum verði haldið áfram í sam-
ræmi við samþykkt þess efnis á síð-
asta þingi. Sé vilji til þess að hætta
við bygginguna þurfi til þess sam-
þykki núverandi þings.
Um liðna helgi hófst útboð þar sem
innanríkisráðuneytið óskaði eftir til-
boðum í sjálfa bygginguna.
„Við drógum útboðið fram til þessa
tíma til þess að vera alveg viss um að
hafa farið yfir alla kosti í stöðunni,“
segir Hanna Birna. Hún segir að út-
boðsferlið taki sex mánuði áður en
gengið verður að samningum um
framkvæmdirnar. „Það munu engar
framkvæmdir hefjast fyrr en í fyrsta
lagi í upphafi nýs árs,“ segir Hanna
Birna.
Sitt sýnist hverjum um fyrirhug-
aðar framkvæmdir. Frosti Sigur-
jónsson, formaður efnahags og við-
skiptanefndar, hefur lýst yfir
efasemdum um að rétt sé að hefja
byggingu nýs fangelsis á Hólmsheiði
og meðal annars velt því upp hvort
nýta megi betur þau húsakynni sem
þegar eru til staðar og að þeim verði
breytt í fangelsi. „Það hafa verið
skrifaðar margar skýrslur um aðra
kosti. Enginn þeirra er talinn vera
jafn hagkvæmur og þessi,“ segir
Hanna Birna. „Það ræðst líka af því
að þegar hafa farið rúmar 500 millj-
ónir króna í verkefnið sem þýðir að ef
þú ætlar að finna hagkvæmari kost
þá þarft þú að geta varið þann kostn-
að sem þegar er búið leggja í,“ segir
Hanna Birna.
Allt er undir
Á sama tíma eru málefni fangels-
isins til umræðu hjá hagræðingar-
hópi skipuðum þeim Ásmundi Einari
Daðasyni og Vigdísi Hauksdóttur úr
Framsóknarflokki og Guðlaugi Þór
Þórðarsyni og Unni Brá Konráðs-
dóttur úr Sjálfstæðisflokki.
Aðspurð hvort enn sé sá valmögu-
leiki fyrir hendi að hópurinn leggi til
að framkvæmdir verði slegnar út af
borðinu vill Unnur Brá Konráðsdótt-
ir ekki tjá sig um málið en segir þó að
„allt sé undir“.
Hólmsheiði hagkvæmasti kosturinn
 Innanríkisráðherra segir að nýtt fangelsi á Hólmsheiði sé hagkvæmasti kosturinn í fangelsismálum
 Málið var skoðað ítarlega í sumar  Hægt hefur verið á framkvæmdum sem hefjast árið 2014
Morgunblaðið/Júlíus
Hólmsheiði Jarðvegsframkvæmdum á Hólmsheiði er lokið. Alþingi hefur varið um 700 milljónum til framkvæmda
að nýju fangelsi. Innanríkisráðherra segir að niðurstaðan sé sú að hagkvæmast sé að byggja á Hólmsheiði.
Fangelsi á Hólmsheiði
» Innanríkisráðherra segir að
hagkvæmasti kosturinn í fang-
elsismálum sé að byggja nýtt
fangelsi á Hólmsheiði.
» Farið var ítarlega yfir alla
kosti í sumar.
» Framkvæmdir að fangels-
isbyggingunni hefjast ekki fyrr
en á næsta ári.
» Útboðsferli tekur sex mánuði.
4 FRÉTTIRInnlent
MORGUNBLAÐIÐ ÞRIÐJUDAGUR 20. ÁGÚST 2013
Landsins mesta úrval af laxa- og silungaflugum
Frí flugubox
Krókar fylgja öllum túpum
www.frances.is
Frí heimsending
Mikið er um að síld veiðist með
makrílnum og víða er hlutfall
makríls og síldar í aflanum svipað.
Þetta segir Arnþór Hjörleifsson,
skipstjóri Lundeyjar NS, í frétt á
vefsíðu HB Granda. Skipið er nú í
höfn á Vopnafirði að landa rúm-
lega 600 tonnum af makríl og síld.
„Það er alls staðar hægt að fá síld,
en markmiðið á makrílveiðunum
er að fá sem minnst af henni sem
aukaafla,“ segir hann. Þar segir
hann hnífinn standa í kúnni þar
sem síldin sé alls staðar þar sem
kastað er á makríl.
Hann segir það þó koma fyrir
að menn fái svo til hrein makríl-
holl, en það sé hins vegar fátítt á
miðunum fyrir Austur- og SA-
landi. Erfitt er fyrir skip sem
landa þarf á Vopnafirði að sækja
makrílinn vestur fyrir land, þar
sem góður makríll fæst, þar eð
rúmlega 30 tíma sigling er þar á
milli og ekki má taka langan tíma
að ná skammtinum fyrir vinnsl-
una. sunnasaem@mbl.is
Mikil síld á makríl-
slóð fyrir austan land
 Hrein makríl-
holl fátíð á miðum
fyrir austan
Lundey NS Víða um land er hlutfall
síldar og makríls svipað í aflanum
Kjartan Kjartansson
kjartan@mbl.is
Sérstök fagleg og óháð áfrýj-
unarnefnd sem fjallaði um umsókn-
ir hælisleitenda og listi yfir örugg
lönd eins og stuðst er við í Noregi
eru á meðal þess
sem er í skoðun
hjá innanrík-
isráðuneytinu til
þess að flýta fyr-
ir meðferð á hæl-
isumsóknum hér
landi.
Málsmeðferð-
artími á umsókn-
um hælisleitenda
hér á landi hefur
verið gagn-
rýndur en hann hefur verið allt að
níu til sextán mánuðir. Að sama
skapi hefur kostnaðurinn við
vinnslu umsóknanna aukist.
„Ég kynnti það fyrir ríkisstjórn í
sumar að ég teldi að við þyrftum að
fara vel yfir þann kostnað sem við
berum af þjónustunni og hvort við
gætum forgangsraðað betur svo
við nýttum fjármagnið í þágu
þeirra sem eru raunverulega taldir
þurfa á pólitísku hæli að halda,“
segir Hanna Birna Kristjánsdóttir,
innanríkisráðherra.
48 klukkustunda kerfi
Því hefur ráðuneytið undanfarið
kynnt sér hvernig farið er með
málefni hælisleitenda annars stað-
ar. Niðurstaðan var sú að Norð-
menn stæðu sig vel í að sinna
skyldum sínum við hælisleitendur.
Hanna Birna fór meðal annars til
fundar við norska dómsmálaráð-
herrann fyrr í þessum mánuði. Þar
séu umsóknirnar afgreiddar mun
fyrr en hér.
„Þeir eru með kerfi sem kallast
48 klukkustunda kerfi sem gengur
út á að umsóknir eru teknar til
skoðunar eða hafnað út frá lista yf-
ir örugg lönd. Þeir fá þá svar strax
og það er talið miklu mannúðlegra
gagnvart þessum einstaklingum og
minni flækja í stjórnkerfinu við að
afgreiða þær,“ segir ráðherrann.
Geta enn sótt um dvalarleyfi
Listinn yfir öruggu löndin er
unninn í samstarfi við Sameinuðu
þjóðirnar og aðrar alþjóðastofn-
anir. Þar séu til dæmis Evr-
ópulöndin og Bandaríkin talin
örugg og að ekki þurfi að veita ein-
staklingum sem þaðan koma póli-
tískt hæli. Þeir sem komi frá þeim
löndum fái synjun strax.
„Það breytir engu um að það fólk
getur fengið miklu hraðari með-
höndlun hér ef það sækir um at-
vinnu- eða dvalarleyfi en það þarf
ekki að njóta þeirrar sérstöðu sem
það að vera pólitískur hælisleitandi
felur í sér,“ segir hún.
Kynni hugmyndir í september
Auk þess skoðar ráðuneytið út-
færslur á málsmeðferðinni til að
draga úr aðkomu ráðuneytisins
sjálfs að hælisumsóknum. Sam-
kvæmt núverandi fyrirkomulagi
tekur það fyrir áfrýjanir hælisleit-
enda sem Útlendingastofnun synj-
ar um hæli. Í Noregi taki fagleg og
óháð áfrýjunarnefnd slík mál fyrir.
Hanna Birna segir enga ákvörð-
un hafa verið tekna um hvaða út-
færslur frá Noregi verði teknar inn
í kerfið hér en verið sé að skoða
það innan ráðuneytisins. Hún
stefni á að kynna hugmyndir um
nýjar leiðir í málefnum hælisleit-
enda í ríkisstjórn um miðjan sept-
ember.
Horfa til lausna Norð-
manna í hælismálum
 Ráðuneytið skoðar nýjar leiðir í málefnum hælisleitenda
Kostnaður
» Aldrei hafa fleiri sótt um
pólitískt hæli hér á landi en í
fyrra en þá sóttu 115 um hæli.
» Kostnaðurinn vegna þessa
tvöfaldaðist á milli ára.
» Mesti kostnaðurinn er vegna
þess hve langan tíma hefur
tekið að afgreiða umsóknirnar.
Hanna Birna
Kristjánsdóttir
Morgunblaðið/Golli
Vinnsla Innanríkisráðuneytið fjallar nú um þær hælisumsóknir sem er áfrýjað.