Morgunblaðið - 20.08.2013, Blaðsíða 30

30 MENNING
MORGUNBLAÐIÐ ÞRIÐJUDAGUR 20. ÁGÚST 2013
Frá því að Garðlist ehf var stofnað fyrir 23 árum síðan, höfum við haft það að leiðarljósi að veita framúrskarandi
þjónustu fyrir garðinn á einum stað. Við þökkum þeim þúsundum einstaklinga, húsfélaga og fyrirtækja sem við
höfum átt í viðskiptum við undanfarin ár, á sama tíma og við bjóðum nýja viðskiptavini hjartanlega velkomna.
ALHLIÐA GARÐÞJÓNUSTATUNGUHÁLSI 7 » 110 REYKJAVÍK » SÍMI 554 1989 » GARDLIST.IS
ALLT FYRIR
GARÐINN
Á EINUM
STAÐ
» Trjáklippingar
» Trjáfellingar
» Garðsláttur
» Beðahreinsun
» Þökulagnir
» Stubbatæting
» Gróðursetning
» Garðaúðun o.fl.
Tónleikar Joshua Redmanskvartettsins á djasshátíðvoru flottir og níu ópusarvoru skornir áður en Jos-
hua og félagar einhentu sér í
aukalagið eftir McCoy Tyner og
píanistinn, Aaron Goldberg, í ess-
inu sínu, enda Tyner einn af
áhrifavöldum hans.
Annars voru ópusarnir níu á
efnisskránni flestir eftir Joshua,
þar á meðal blús sem hver og einn
gæti skrifað sig fyrir, en var
glettilega vel blásinn, því Joshua
hefur tilfinningu fyrir blúsnum.
Ég er ekki yfir mig hrifinn af tón-
smíðum hans frekar en annarra
síð-nýboppleikara, en lokalagið
„Hide and Seek“ er glettilega flott
þó tunguskotsinngangurinn hans
hafi lítið breyst í áranna rás. Aar-
on Goldberg átti einn ópus á efnis-
skránni sem bar með sér blæ af
Brad Mehldau. Aaron var þó
helsta fórnarlamb mögnunarinnar.
Hljómur píanósins var fullharður
og greinilegt, þegar horft var á
sviðið, að tónarnir bárust ekki frá
píanóinu heldur úr upphangandi
hátölurum, en kannski skynja þeir
sem vanir eru bíósándi ekki slíkt.
Söngdansarnir, þar á meðal
„Adagio“ eftir Jóhann Sebastían
Bach, voru fallega blásnir af Jos-
hua, nema sá fyrsti „Summer-
time“ Gershwins, sem var þeysi-
reið eftir hljómunum og þá,
einsog oftast í hraðari ópusum,
blés Joshua á efra tónsviði tenórs-
ins svo að stundum minnti á sópr-
an og ýlfraði oft án þess þó að
„splitta“ tóninum a la Jacquet.
Ætli tvö lög séu mér ekki
minnisstæðari en önnur frá þess-
um tónleikum; túlkun Joshua á
„Stardust“ Carmichels og popp-
laginu „Doll Is Mine“. Hann blés
„Stardust“ svo fallega, einn í upp-
hafi, að ég fékk gæsahúð. Kannski
vegna þess að ég er búinn að
hlusta svo oft á mismunandi upp-
tökur með Sveini heitnum Ólafs-
syni af þessu lagi síðustu mánuði,
eða einfaldlega af því að Joshua
blés laglínuna svo yndislega. Sóló
hans var ekki síðri og þar breytti
lagið um karakter er hann spann á
hærra tónsviðinu.
Ég þekkti varla Blonde Red-
head fyrir þessa tónleika, en þó að
útsetning Joshua, eða kannski
Brad Mehldau, á lagi þeirra „Doll
Is Mine“ væri í anda frummynd-
arinnar með Bachballöðublæ, var
túlkunin þúsund sinnum dýpri en
hjá höfundunum. Þannig geta
meðallög poppara nútímans lifnað
að nýju í höndum djassmeistara
eins og við þekkjum svo vel frá
tímum hinna klassísku söngdansa.
Ekki var verra að bassaleikarinn
Reuben Rogers lagði allt sitt í sitt
í fínan, djúpan og hægan sóló, en
hann hélt uppi dampi alla tón-
leikana ásamt trommaranum
Gregory Hutchinson, sem var
flottur í sólóum sínum.
Morgunblaðið/Eggert
Djass Joshua Redman Quartet með Aaron Goldberg, Rueben Rogers og Gregory Hutchinson í Hörpu. Tónleikarnir voru flottir, að mati gagnrýnanda.
Joshua stóð undir væntingum
Norðurljósasalur Hörpunnar
Kvartett Joshua Redmansbbbbm
Joshua Redman tenórsaxófón, Aaron
Goldberg píanó, Reuben Rogers bassa
og Gregory Hutchinson trommur.
Jazzhátíð Reykjavíkur 17.ágúst 2013
VERNHARÐUR
LINNET
TÓNLIST
Kvintett söngkonununnar Maríu
Magnúsdóttur kemur fram á djass-
kvöldi Kex hostels í kvöld en með
henni leika þeir Ari Bragi Kárason
á trompet, Kjartan Valdemarsson á
píanó, Birgir Bragason á kontra-
bassa og Kristófer Rodriguez
Svönuson á trommur.
Að sögn Maríu samanstendur
efnisskráin af djassballöðum um
ástir, ástarsorgir og nettklikkaðar
konur ásamt nokkrum lögum eftir
hana sjálfa sem falla undir ofan-
greint. María stundar nám í djass-
söng og tónsmíðum við konunglega
listaháskólann í Haag en útskrif-
aðist úr Tónlistarskóla FÍH árið
2008. Þá gaf hún út fyrstu sólóplötu
sína með eigin lagasmíðum, Not
your housewife, árið 2009.
Tónleikarnir hefjast klukkan
hálfníu í kvöld standa í rúma tvo
tíma með hléi.
Aðgangur á tónleikana er ókeyp-
is og því kjörið tækifæri fyrir djass-
unnendur.
Djasstónleikar Söngkonan María Magnúsdóttir syngur á djasstónleikum á
Kex í kvöld ásamt góðum hópi djasstónlistarmanna sem spilar undir.
Djasstónleikar söngkon-
unnar Maríu á Kex