Morgunblaðið - 20.08.2013, Blaðsíða 11

sem heitir Odro. Enginn vegur liggur
þangað og við þurftum að ganga upp
fjallið í tvo tíma til að komast að hús-
inu þar sem við höfðum aðsetur. Við
bjuggum í steinbæ við frumstæðar
aðstæður sem eru nánast eins og hjá
fólkinu sem þarna bjó fyrir tvö
hundruð árum. Við þurftum að
höggva við í eldinn til að hita upp hús-
ið og krakkarnir vinguðust við hús-
dýrin í nágrenninu, þau fengu að
mjólka geiturnar og lærðu að búa til
ost. Þarna eru fallegar gönguleiðir
sem við nýttum okkur óspart. Þetta
var mikið ævintýri og við ætlum aftur
næsta sumar og þá munum við hjálpa
til við heyskap bændanna í nágrenn-
inu. Ég mæli sannarlega með svona
ferð fyrir fjölskyldufólk.“ Arianne
leggur áherslu á að það þurfi alls ekki
að kosta mikið að ferðast með börn.
„Það er hægt að ferðast með rútum á
Íslandi og um að gera að nota al-
menningssamgöngur í útlöndum. Ég
mæli með að taka hlaupahjól með í
borgarferðir, ég fór með krakkana til
London og Parísar þar sem við ferð-
uðumst með neðanjarðarlestum með
hlaupahjól undir hendinni. Það er
engin ástæða til að leigja sér dýran
bíl þó ferðast sé með börn. Okkur
finnst meira gaman að gista á
skemmtilegum farfuglaheimilum en
dýrum hótelum. Í miðborg Stokk-
hólms gistum við í slíkri skútu og
einnig höfum við gist í kastala sem
breytt hefur verið í farfuglaheimili.“
Hundasleðaferð á Svalbarða
Arianne er einnig afar virk í úti-
vistinni án barnanna, hún er í nokkr-
um fjallgönguklúbbum og hefur
gengið upp á ótalmörg íslensk fjöll.
Hún gengur líka á jökla, hefur m.a.
farið í tólf daga skíðagönguferð yfir
Vatnajökul. Hún hefur líka gengið á
Grænlandsjökul og farið í hunda-
sleðaferð á Svalbarða, svo fátt eitt sé
nefnt. „Ég sigli líka á kajak og stunda
ísklifur. Núna er ég í þjálfun hjá
Flugbjörgunarsveit Reykjavíkur, en
það tekur tvö ár að verða fullgildur
meðlimur. Ég útskrifast í vor. Þetta
er fjölbreytt og áhugavert, ég læri
m.a. að rata í myrkri með kompás.“
Ævintýr Andreas sá um að gæta þessa geithafurs í steinþorpinu Odro.
Undir Eyjafjöllum Krakkarnir sigla hér á gúmmíbát á Íslandinu góða.
Garpar Arianne ásamt börnunum sínum með ísaxir og allar græjur í blíðskaparveðri á Sólheimajökli.
DAGLEGT LÍF 11
MORGUNBLAÐIÐ ÞRIÐJUDAGUR 20. ÁGÚST 2013
Nýlega kom út bókin Heilsujurta-
biblían eftir Jade Britton í þýðingu
Nönnu Gunnarsdóttur. Um er að ræða
handbók sem fer yfir ýmsar jurtir
sem geta haft góð áhrif á heilsuna ef
þær eru brúkaðar á réttan máta.
Margar þeirra má finna í íslenskri
náttúru og má þar nefna plöntur á
borð við vallhumal, fífil og brenni-
netlu.
Plönturnar hafa fjölbreytta eig-
inleika og margar þeirra má nota við
algengum kvillum á borð við kvef,
húðvandamál, magakveisu og svefn-
leysi. Í bókinni má síðan finna útskýr-
ingar á því hvernig nýta skuli jurt-
irnar, hvernig skuli útbúa græðandi
tinktúrur, seyði, olíur og smyrsl og
hvað beri að forðast við nýtingu
plantnanna.
Ný bók um lækningamátt jurta
Bók Höfundurinn er Jade Britton.
Gróðurinn er
græðandi
Nyt Bæði fífillinn og vallhumallinn hafa græðandi áhrif ef rétt er farið að.
Hlaupið Fire and Ice Ultra mun fara
fram á sunnudaginn næstkomandi.
Það er ferðaskrifstofan All Iceland
ltd. sem skipuleggur hlaupið í sam-
starfi við Race Adventure en um er
að ræða tvö hundruð og fimmtíu
kílómetra hlaup sem stendur yfir í
sjö daga. Dagleiðin mun verða á
milli tuttugu og sextíu kílómetrar
og munu keppendur bera allar vist-
ir að undanskildu tjaldi og vatni.
Keppnin fer fram í Vatnajökuls-
þjóðgarði en hlaupið verður frá
rótum Vatnajökuls, meðfram
Jökulsá á Fjöllum og endað í
Ásbyrgi. Að lokum verður haldið til
Akureyrar þar sem haldin verður
kveðjuveisla. Nánari upplýsingar
má finna á vefsíðunni
raceadventure.co.uk.
Fire and Ice Ultra hefst á sunnudaginn
Morgunblaðið/Rax
Óbyggðahlaup Náttúran í kringum Vatnajökul er víða óárennileg.
Hlaupið í Vatnajökulsþjóðgarði
Neytendur athugið! Múrbúðin selur al lar vörur s ínar á lágmarksverði fyr ir al la , al l taf . Gerið verð- og gæðasamanburð!
Serpo 261 trefjamúr
Fyrir múrkerfi
Weber Milligróf
múrblanda
Weber staurasteypa
(stolpebeton)
Maxit Steiningarlím
Hvítt og grátt
Weberdur 120 (Ip 14)
inni & útimúr
Weber REP 980
þéttimúr grár
Weber Gróf
Múrblanda
Deka Latexgrunnur
Deka Acryl
Hágæða múrefni frá Múrbúðinni
Sími 412 2500 - sala@murbudin.is - www.murbudin.is
Reykjavík Kletthálsi 7. Opið má-fö kl. 8-18, laug. 10-16
Reykjanesbær Fuglavík 18. Opið má-fö kl. 8-18
Akureyri Óseyri 1. Opið má-fö kl. 8-18, laug. 10-14
Vestmannaeyjar Flötum 29. Opið má-fö kl. 8-18