Morgunblaðið - 20.08.2013, Blaðsíða 17

Mikinn reykjarstrók leggur úr eldfjallinu Sakurajima á
Kyushu-eyju í suðurhluta Japans en gos hófst í því á
sunnudag. Öskuskýið náði um fimm kílómetra upp í
loftið og hefur töluvert af ösku lagt yfir borgina
Kagoshima. Þetta var í fimmhundraðasta skiptið sem
eldfjallið gýs á þessu ári en gosið stóð aðeins í fimmtíu
mínútur. Auk öskunnar rann lítil hraunspýja um kíló-
metra frá gígnum.
AFP
Öskuskýið vofir yfir Kagoshima
Fimmhundraðasta eldgosið í Sakurajima-fjalli á þessu ári
FRÉTTIR 17Erlent
MORGUNBLAÐIÐ ÞRIÐJUDAGUR 20. ÁGÚST 2013
Kjartan Kjartansson
kjartan@mbl.is
Breskir þingmenn hafa krafið lög-
reglu skýringa og mannréttindasam-
tök hafa fordæmt að maki blaða-
manns breska blaðsins The
Guardian sem hefur skrifað ítarlega
um njósnahneyksli NSA hafi verið
stöðvaður á Heathrow-flugvelli á
sunnudag og honum haldið þar í níu
klukkustundir.
David Miranda er sambýlismaður
blaðamannsins Glenns Greenwalds
en sá síðarnefndi vann með upp-
ljóstraranum Edward Snowden að
því að afhjúpa víðtækar njósnir
NSA. Miranda var stoppaður af yf-
irvöldum á flugvellinum í fyrradag
þar sem hann millilenti á leið sinni
frá Berlín til Rio de Janeiro. Honum
var haldið þar með vísan í bresk
hryðjuverkalög. Lögreglan segir að
hann hafi ekki verið handtekinn og
honum hafi verið sleppt úr haldi.
Skilaboð til blaðamanna
Ríkisstjórn Brasilíu gagnrýndi
meðferðina á Miranda en hann er
brasilískur ríkisborgari. Lýstu þau
alvarlegum áhyggjum sínum af að-
gerðum breskra yfirvalda á flugvell-
inum. Brasilísk stjórnvöld ætla einn-
ig að krefja bandarísk yfirvöld
skýringa á atvikinu.
Greenwald skrifaði pistil vegna
málsins í The Guardian í gær þar
sem hann sagði að fartölva, farsími
og minnislyklar Miranda hefðu verið
gerðir upptæk á flugvellinum. Ör-
yggisstarfsmaður á flugvellinum hafi
sagt sér í síma að Miranda ætti ekki
rétt á lögmanni á staðnum og að
Greenwald gæti ekki fengið að tala
við hann. Atvikið er augljós tilraun
til að ógna blaðamönnum að mati
Greenwalds.
„Þetta er augljóslega ætlað sem
skilaboð til okkar sem höfum sagt
fréttir af NSA og breskum kollegum
þeirra, GCHQ,“ skrifaði Greenwald.
Hryðjuverkalög
gegn makanum
 Yfirvöld sögð ógna blaðamönnum
AFP
Ógnað Greenwald starfaði með
uppljóstraranum Edward Snowden.
Mál Pistori-
usar fyrir
dóm í mars
Suður-afríski
hlauparinn Osc-
ar Pistorius mun
svara til saka
fyrir morðið á
kærustu sinni,
Reevu Steen-
kamp, í mars á
næsta ári. Pi-
storius kom fyrir
dómara í gær
sem staðfesti
ákæru vegna morðs af yfirlögðu
ráði á Steenkamp. Hann gæti átt
yfir höfði sér lífstíðardóm verði
hann fundinn sekur um morð.
Pistorius skaut Steenkamp í
höfuðið, olnbogann og mjöðmina á
heimili hans aðfaranótt 14. febr-
úar. Hlauparinn hefur viðurkennt
að hafa banað kærustu sinni en
hann heldur því fram að hann hafi
talið að um innbrotsþjóf væri að
ræða.
Pistorius í rétt-
arsalnum í gær.
 Ákærður fyrir
morð á Steenkamp
Kjartan Kjartansson
kjartan@mbl.is
Hosni Mubarak, fyrrverandi forseta
Egyptalands sem hrökklaðist frá völdum ár-
ið 2011, verður hugsanlega sleppt úr haldi á
næstunni. Saksóknarar létu spillingarákær-
ur gegn honum falla niður og segir lögmað-
ur hans að gengið verði frá öðru slíku máli
gegn honum á næstu sólarhringum. Að því
loknu verði honum sleppt. Óttast er að verði
fyrrverandi forsetanum sleppti muni það
auka enn á ólguna í landinu.
Mubarak var handtekinn eftir uppreisnina
gegn honum og var dæmdur í lífstíðarfang-
elsi í fyrra fyrir að hafa ekki komið í veg
fyrir fjöldamorð á mótmælendum. Hann bíð-
ur enn þess að réttað verði að nýju í því
máli en bæði verjendur hans og saksóknarar
áfrýjuðu fyrri dómi.
Tilbúnir að hlaupa undir bagga
Ástandið í Egyptalandi hefur verið afar
eldfimt undanfarnar vikur og hafa að
minnsta kosti 850 manns, þar af 70 her- og
lögreglumenn, fallið frá því að yfirvöld létu
til skarar skríðar gegn stuðningsmönnum
Mohammed Morsis á miðvikudag. Ljóst er
að verði Mubarak látinn laus mun það síst
verða til þess að lægja öldurnar í landinu.
Tala látinna hækkaði enn í gær þegar
vopnaðir menn veittu tveimur rútum með
lögreglumönnum á frívakt fyrirsát á Sinai-
skaga. Árásarmennirnir skutu handsprengj-
um á rúturnar með þeim afleiðingum að
tuttugu og fimm lögreglumenn létust. Fyrr
um daginn höfðu 37 meðlimir Bræðalags
múslíma látist í haldi lögreglunnar að því er
AFP-fréttastofan segir.
Evrópskir utanríkisráðherrar ætla að
funda á morgun til að ræða hvernig Evr-
ópulönd geti knúið á um friðsamlega lausn
mála í Egypalandi. Ein leið gæti verið að
draga til baka milljarða evra styrki og lán
til egypska ríkisins.
Sádi-Arabar lýstu því yfir í gær að arab-
ísk og íslömsk ríki væru tilbúin að hjálpa
Egyptum fjárhagslega, drægju vestrænar
þjóðir úr stuðningi sínum vegna aðgerða
þeirra gegn mótmælendum undanfarna
viku.
Mubarak hugsanlega brátt sleppt
 Tugir íslamista og lögreglumanna til viðbótar drepnir í Egyptalandi í gær  Utanríkisráðherrar Evr-
ópulanda ræða hugsanleg viðbrögð við ofbeldinu síðar í vikunni  Nágrannalönd styðja ríkisstjórnina
AFP
Spenna Egypskur hermaður gætir stjórn-
lagadómstóls landsins í Kaíró í gær.
Íranski byltingarvörðurinn hyggst
byrja að kenna framhalds-
skólanemum hvernig eigi að stoppa
ómannaðar, fjarstýrðar herflug-
vélar, svonefnda dreka, í haust. Ír-
anska umbótasinnaða dagblaðið
Etemad greindi frá þessu í gær.
Í blaðinu var haft eftir Ali Fazli
herforingja að kennslan yrði hluti
af námskeiði í „varnarviðbúnaði“ í
framhaldsskólunum. Hann útskýrði
ekki í þaula í hverju slík kennsla
fælist en ætla má að nemendum
verði kennt hvernig eigi að fylgjast
með og taka niður dreka með því
að hakka sig inn í tölvukerfi
þeirra.
Harðlínumenn í Íran hafa lengi
reynt að skipa hernum stærri sess í
menntakerfi landsins. Nemendur á
bæði efri og neðri stigum fram-
haldsskóla taka nú þegar námskeið
sem fjalla um „borgaralegar
varnir“.
Íranar náðu bandarískum dreka
af gerðinni RQ-170 Sentinel árið
2011 sem hafði flogið inn fyrir ír-
anska lofthelgi. Yfirvöld þar segj-
ast hafa náð nokkrum öðrum slík-
um loftförum síðan þá.
Kenna írönskum
börnum að veiða
ómannaða dreka
Svarið við spurningu dagsins
Fylgifiskar - Suðurlandsbraut 10, 108 Rvk - Sími 533 1300 - fylgifiskar.is
tilbúnar í pottinn heima
Fiskisúpur í Fylgifiskum
Verð 1.790 kr/ltr
Súpan kemur í fötu en fiskinum er pakkað sér.
Eldunaraðferð þegar heim er komið: Súpan er hituð upp að suðu, fiskinum er jafnað út milli súpudiska
eða settur í pottinn um leið og súpan er borin fram.
Hvað þarftu mikið?
Súpa sem aðalréttur – 0,5 ltr/mann Súpa sem forréttur – 0,25 ltr/mann