Morgunblaðið - 20.08.2013, Blaðsíða 28

28 DÆGRADVÖL
MORGUNBLAÐIÐ ÞRIÐJUDAGUR 20. ÁGÚST 2013
www.nortek.is Sími 455 2000
ÖRYGGISLAUSNIR FYRIR
ÖLL HEIMILI
Nortek er með mikið af einföldum notenda-
vænum lausnum fyrir heimili og sumarbústaði.
Nortek ehf | Eirhöfði 13 og 18 | 110 Reykjavík
Hjalteyrargötu 6 | 600 Akureyri | nortek@nortek.is
HEIMILISÖRYGGI
• Innbrotakerfi
• Myndavélakerfi
• Brunakerfi
• Slökkvikerfi
• Slökkvitæki
• Reykskynjarar
Stjörnuspá
21. mars - 19. apríl 
Hrútur Það er eitthvert vandamál í einkalíf-
inu sem vex þér í augum en einhver mun
hjálpa þér í dag.Viljir þú kynnast nýju fólki er
ágæt leið að finna sér nýtt áhugamál.
20. apríl - 20. maí 
Naut Dagurinn í dag er kjörinn til þess að
losa sig við drasl sem safnast hefur fyrir í
kjöllurum, geymslum og háaloftum. Að öðr-
um kosti fer allt úr böndunum hjá þér.
21. maí - 20. júní 
Tvíburar Hver er sinnar gæfu smiður segir
máltækið og það á við þig sem aðra. Þú ferð í
algera erindisleysu seinnipartinn, en leiðist
svo sannarlega ekki.
21. júní - 22. júlí 
Krabbi Stundum er betra að láta kyrrt liggja
og það skaltu hafa í huga þegar þú hittir fólk
sem hefur gert á þinn hlut. Reiknaðu út hvað
þú skuldar mikið og hve miklar tekjurnar eru.
23. júlí - 22. ágúst 
Ljón Hugurinn er sterkt afl og það má líka
sitja kyrr á sama stað en samt að vera að
ferðast. Gefðu þér tíma til þess að melta
þessa nýja vitneskju.
23. ágúst - 22. sept. 
Meyja Leiðin upp á tindinn getur stundum
verið löng og snúin en flest ævintýri hefjast
með lítilli hugmynd. Mundu bara að sönn leit
beinist inn á við að manns innri manni.
23. sept. - 22. okt. 
Vog Erfitt er að losna við dagdraumana um
þessar mundir. Gættu tungu þinnar því aðrir
kunna að vera mjög auðsærðir. Framlag þitt í
verkefnum og ákvörðunum er mikils metið.
23. okt. - 21. nóv.
Sporðdreki Þar kom að því að þú fékkst við-
urkenningu fyrir viðleitni þína og hæfileika.
Hamingjan felst líka í því að eiga kyrrlátar
stundir í eigin garði.
22. nóv. - 21. des.

Bogmaður Það er allt í lagi að vera stundum
á alvarlegu nótunum en of mikið má af öllu
gera. Jafnvel þótt allir aðilar reyni að tala
skýrt er hætt við misskilningi.
22. des. - 19. janúar 
Steingeit Annaðhvort ert þú í slæmu skapi
eða þú dregur til þín fólk, sem er það. Gakktu
úr skugga um að þú hafir greitt símareikning-
inn og að bíllinn sé í lagi.
20. jan. - 18. febr. 
Vatnsberi Þér verður treyst fyrir miklu
leyndarmáli og mátt alls ekki bregðast því
trausti. Þú finnur til sterkrar samkenndar
með vini þínum í dag.
19. feb. - 20. mars

Fiskar Þú skalt ekki búast við of miklu frá
öðrum í dag, sérstaklega ekki frá stórum
stofnunum eða ríkinu. Haltu þínu striki og
láttu neikvæðar raddir ekki hafa áhrif á þig.
Niðurskurðarhnífurinn“ er fyrir-sögnin á þessari stöku Hjálmars
Freysteinssonar á vefnum:
Ef til verka vanda á
er vissara að menn passi
að eggvopn skyldi aldrei ljá
óvita né skassi.
Karlinn á Laugaveginum hafði séð
þessa stöku á Leirnum og lét sér fátt
um finnast, þótt þeir svitnuðu hjá
Ríkisútvarpinu:
Það er víða þörf á að þrífa
og þarf ekki hvalskurðarhnífa
á þann eyðsluskúf
sem er á Rúv
og nú á að stytta og stífa!
Niðurskurður á útgjöldum ríkis-
sjóðs er ekki nýr af nálinni. Hús-
mæðraskólinn á Laugalandi fór fram
á hækkun á framlögum til viðhalds á
fjárlögum fyrir árið 1968 og brást
fjárlaganefnd vel við erindinu. Þá
orti Gunnar Thoroddsen, sem þá var
fjármálaráðherra:
Þó næsta sé hún naum á fé
er nefndin öll á hjólum
ef víst er að fénu varið sé
til viðhalds í húsmæðraskólum
Á Boðnarmiði á fésbók velur Árni
Gunnarsson þessa yfirskrift fyrir sína
stöku: „Svo er það fjandans skólpið“
Hagvöxt aldrei hindrað fá
hægðir draumabláar.
Skítseiðin úr Ölfusá
enda í djúpum sjávar.
Í Sandvíkur-Skruddu Páls Lýðs-
sonar í Litlu-Sandvík er sagt frá
því, að Magnús Torfason, alþingis-
maður og sýslumaður, hafi oft tap-
að þræðinum í því, sem hann var að
segja. Eitt sinn var hann á sýslu-
fundi og gleymdi hvar hann var
kominn í máli sínu. Kallaði hann þá
til Eiríks Einarssonar frá Hæli:
„Eiríkur, hvað var ég aftur að
segja?“ Þá orti Páll skáld á Hjálms-
stöðum:
Barst mér andans bláþráður
bara að þessu sinni.
Finndu endann, Eiríkur,
aftur í snældu minni.
Þegar Egill Thorarensen byrjaði
starfsemi KA á Eyrarbakka fékk
hann uppskipunarbát frá Reykja-
vík, sem kallaður var Grútur.
Bjarni Eggertsson á Tjörn kvað:
Egill laus við sorg og sút,
seigur enn sem forðum,
keypti að sunnan gamlan Grút
sem genginn var úr skorðum.
Upp í slippinn fór hann fyrst
og fann þar efnisvörðinn,
þar sem Torfi af töfralist
tróð í stærstu skörðin
Halldór Blöndal
halldorblondal@simnet.is
Vísnahorn
Af hvalskurðarhnífum og
Sandvíkurhreppi hinum forna
Í klípu
„ÉG TEK EKKI „NEI“ SEM SVAR NEMA Á
EFTIR ÞVÍ KOMI ORÐIÐ „VANDAMÁL“.“
eftir Mike Baldwin eftir Jim Unger
„ÉG VERÐ AÐ VERA HREINSKILINN VIÐ ÞIG,
ANDREA. ÉG NOTA SÉRSTAKA SKÓ TIL AÐ LÁTA
MIG LÍTA ÚT FYRIR AÐ VERA STÆRRI.“
Hermann
Ferdinand
Hrólfur hræðilegi
Grettir
... að grípa um hvort
annað.
AFHVERJU ER HUNDURINN
ALLTAF AÐ SNÍKJA MAT AF
BORÐINU Á HVERJU KVÖLDI?
ÉG HELD ÞAÐ SÉ AF ÞVÍ AÐ
MAGINN Á HONUM ÚR JÁRNI.
TÓKSTU EFTIR ÞVÍ AÐ EINHVER
ÞREIF ELDHÚSIÐ ÞITT?
JÆJA? ÁLFAR ERU
TIL!
FLJÓTUR
JÓN! ÚT UM
NEYÐAR-
DYRNAR!
Víkverji er ákafur talsmaður þessað fólk rétti hvert öðru hjálpar-
hönd þegar á þarf að halda. Skiptir
þá litlu hvort um er að ræða kunn-
uga eða ókunnuga, öll getum við lent
í því að þurfa á aðstoð að halda og
enginn nálægur sem við þekkjum
eða könnumst við. Þá er gott að nær-
statt sé greiðvikið fólk.
x x x
Víkverji leitast þannig við að verahjálpsamur og hefur alloft boðið
fram aðstoð sína, ef útlit er fyrir að
hennar sé þörf. Nokkuð reyndi á
þennan eiginleika Víkverja á blíðum
sólardegi í sundlaug nokkurri nú síð-
sumars. Víkverji hafði eytt lung-
anum úr deginum svamlandi um í yl-
volgu vatninu á milli þess sem hann
sólaði sig á bekk. Að lokum var kom-
inn tími til að fara upp úr, í sturtu og
síðan tóku við hefðbundin verk í slík-
um aðstæðum eins og að þerra sig,
klæða og snyrta.
x x x
Er þeim verkum var lokið og Vík-verji hugðist yfirgefa búnings-
klefann vatt sér að honum roskinn
sundlaugargestur og bað hann um
að bera á sig krem á þeim stöðum
líkamans sem hann náði ekki til
sjálfur. Téður sundlaugargestur dró
upp úr pússi sínu bauk af kremi sem
á var letrað Body Butter, eða
líkamssmjör og otaði að Víkverja.
Vart þarf að geta þess að umræddur
sundlaugargestur var kviknakinn.
x x x
Nokkurt fát kom á Víkverja, þvíþrátt fyrir greiðvikni sína og
liðlegheit hefur hann aldrei áður
verið beðinn um að smyrja nakinn
búk ókunnugrar manneskju kremi.
Víkverji mat stöðuna í skyndi og
komst að þeirri niðurstöðu að heilla-
vænlegast væri að verða við beiðn-
inni, líklega hefði viðkomandi mikla
þörf fyrir smurninguna. Þetta var
líka ágætis leið fyrir Víkverja að
losna við eilítið af þeim tepruskap
sem hann hefur þróað með sér.
x x x
Víkverji fór að minnsta kosti tals-vert út fyrir þægindahring sinn
þennan dag. víkverji@mbl.is
Víkverji
En Drottinn er hinn sanni Guð, hann
er lifandi Guð og eilífur konungur.
Jörðin skelfur fyrir heift hans og þjóð-
irnar standast ekki reiði hans.
(Jeremía 10:10)