Morgunblaðið - 29.08.2013, Side 36

36 MINNINGAR
MORGUNBLAÐIÐ FIMMTUDAGUR 29. ÁGÚST 2013
Þegar ég kveð gamlan vin
leitar á hugann minningin frá
unga aldri frá fótboltaleikjum á
íþróttavellinum á Akureyri, þar
sem gat að líta vaskan ungling-
inn á kantinum. Ég þekkti þá
þennan fótboltakappa ekkert,
þótt kynni hafi verið snemma
með Svanbirni og Snæbirni
frænda mínum. Það er ekki fyrr
en löngu síðar, þegar Svanbjörn
er orðinn rafveitustjóri, að
kynni okkar hófust fyrir alvöru.
Það var þegar nokkrar rafveitur
sem kölluðu sig RUR-veitur
tóku sig saman um þróun hug-
búnaðar fyrir reikningagerð og
fjárhag veitnanna. Svanbjörn
var einn af forsvarsmönnum
RUR-hópsins (Rafveitur utan
Reykjavíkur) og samvinna þró-
aðist í tengslum við að ég vann
við þetta verkefni. Samvinna
sem síðar átti eftir að aukast
mjög og vaxa. Svanbjörn stóð
fyrir fyrsta tölvustjórnkerfi Raf-
veitu Akureyrar og aðstoðaði
hann eftir föngum við hönnun
þess og uppsetningu. Þar með
urðum við ferðafélagar á fagleg-
um nótum en einnig persónu-
legum svo sem í Portúgal og
Texas í tengslum við þetta kerfi.
En minnisstæðast úr þessu sam-
starfi öllu er líklega ferð okkar á
orkuráðstefnuna í Curitíba í
Brasilíu og síðan var hringnum
lokað með ógleymanlegri heim-
sókn á stærsta fótboltaleikvang-
inn Maracana í Ríó de Janeiro.
Svanbjörn, eða Lúlli eins hann
Svanbjörn
Sigurðsson
✝ Svanbjörn Sig-urðsson, kall-
aður Lúlli, fæddist í
Ásgarði í Gler-
árþorpi 1. janúar
1937. Hann lést á
heimili sínu 18.
ágúst 2013.
Útför Svan-
björns fór fram frá
Akureyrarkirkju
27. ágúst 2013.
var kallaður, var
tryggur og heil-
steyptur í öllu sem
hann tók sér fyrir
hendur. Hann lét
sig t.d. ekki muna
um að koma fljúg-
andi frá Akureyri
sérstaklega til að
samfagna mér í út-
gáfuteiti djassgeis-
ladisks og halda
ræðu. Ógleymanleg
er líka flugferð út Eyjafjörðinn
og síðan heimsókn á Flugsafnið
á Akureyri þar sem við Áslaug
nutum einstaklega góðrar leið-
sagnar. Fyrir þetta allt vil ég
þakka. Jafnframt vil ég biðja
fyrir innilegar samúðarkveðjur
til fjölskyldunnar, þar sem dvöl
á erlendri grundu kemur því
miður í veg fyrir að ég geti fylgt
vini mínum til grafar. Megi
minningin um góðan dreng lifa.
Egill Benedikt Hreinsson.
Mér finnst eins og ég hafi
alltaf þekkt hann. Ef til vill
þekkti ég hann frekar lítið.
Hann var ekki að trana sér
fram, hafa hátt eða láta á sér
bera. Hann var í félagsskap
flottra ungra manna af norð-
urbrekkunni; úr Brekkugötunni,
Klapparstígnum og þar í kring.
Þegar við strákarnir litlu úr
Helgamagrastrætinu byrjuðum
að renna okkur á skíðum frá
Brekkugötunni og niður á
íþróttavöll voru Lúlli, Moni og
Héddi þar á skíðum. Þeir voru
rosalega góðir á skíðum. Þeir
létu mig og félaga minn sitja á
skíðunum hjá sér. Annar var
framan á og hinn aftan á. Svo
renndu þeir sér niður brekkuna
og niður á völl, með okkur sem
farþega. Þetta var sport. Svan-
björn Sigurðsson, eða Lúlli, eins
og hann var kallaður, var þarna
í félagi við góða menn sem hann
hélt sambandi og vináttu við
fram til þess síðasta. Ég er viss
um að það hefur verið gott að
eiga hann sem vin. Það er ekk-
ert víst að hann hafi endilega
talað mikið. Enda þurfa vinir
líka að kunna að þegja saman.
Lúlli kom ýmsu í verk á sinni
ævi. Hann var til dæmis góður á
skíðum. Hann menntaði sig vel.
Stofnaði góða og fallega fjöl-
skyldu sem hann studdi af al-
hug. Hann starfaði við það sem
hann lærði. Sinnti sínum áhuga-
málum. Eitt þeirra var flug,
hvort sem það var svifflug eða
vélflug. Hann smíðaði og gerði
upp flugvélar ásamt vinum sín-
um og félögum. Svo flaug hann
þegar tími gafst. Hann fékk
ótrúlegan áhuga á því að stofna
flugsafn á Akureyri. Það var líkt
honum. Þá varð ekki aftur snú-
ið. Hann fór og hitti menn, og
talaði við menn, og konur líka
auðvitað. Á ótrúlega skömmum
tíma var hann búinn að fá
megnið af því sem þurfti til að
kaupa hús og setja upp fyrsta
vísi að flugsafni á Akureyri. Svo
varð það hús of lítið. Þá þurfti
að fara af stað aftur og hitta
menn og konur. Það stoppaði
hann ekkert í þessu hjartans
máli. Nú er Flugsafn Íslands
orðið að veruleika og löngu búið
að sanna sig. Þá er Lúlli að fara
í sína lengstu flugferð og mun
svífa milli fallegra skýjabólstra
og horfa niður til okkar hinna,
sem getum dáðst að dugnaði
hans og þrautseigju við að koma
upp glæsilegu húsi utan um
Flugsafn Íslands. Hann gekk í
gegnum skin og skúrir eins og
flestir aðrir. Þegar við unnum
saman um tíma í flugsafninu átti
fjölskylda Lúlla erfiðan tíma.
Hann helgaði sig því máli eins
og hann tók á öðrum málum.
Það varð að gera þetta, og þá
var gengið í það. Svo varð hann
sjálfur fyrir því að veikjast al-
varlega. Hann talaði ekki um
það nema vera spurður, og hann
hafði fá orð um það.
Jæja Lúlli minn, nú er að
spenna beltin og fara yfir tékk-
listann áður en farið er í loftið.
Við félagarnir í Flugsafni Ís-
lands þökkum þér samfylgdina.
Fljúgðu á Guðs vegum.
Fyrir hönd Flugsafns Íslands,
Gestur Einar Jónasson.
Í dag kveðjum við frumkvöðul
í íslenskri flugsögu. Svanbjörn
Sigurðsson var einn af forsvars-
mönnum að stofnun Flugsafns
Íslands á Akureyri, fram-
kvæmdastjóri þess, stjórnarfor-
maður og síðast en ekki síst
einkaflugmaður.
Svanbjörn var sannur Akur-
eyringur, fæddur árið 1937 og
alinn upp á Brekkunni, hann var
hægur, kurteis, fámáll. Svan-
björn hafði óbifandi trú og
ástríðu fyrir flugi allt frá unga
aldri til dauðadags. Hann er
gott dæmi um hvernig ástríðan
getur gripið mannfólkið. Á efri
árum, þegar tími gafst frá
hversdags amstri, stundaði
Svanbjörn nám í svifflugi og síð-
ar einkaflugi til einkaflugmanns-
réttinda frá Flugskóla Akureyr-
ar. Hann var virkur í
Vélflugfélagi Akureyrar, með-
limur í Svifflugfélagi Akureyrar
og Experimental Aircraft Asso-
ciation í Bandaríkjunum. Svan-
björn gat svalað sköpunarþörf
sinni og lét drauminn um að
smíða sér sína eigin flugvél ræt-
ast. Ekki lét hann duga að
smíða eina flugvél heldur tvær,
þetta vann hann í félagi við
aðra.
Ég, undirritaður, kynntist
Svanbirni best þegar stofnun
Flugsafnsins var í undirbúningi,
en það var árið 1994 sem fyrstu
hugmyndir og umræður um
safnið hófust. Undirritaður og
Svanbjörn hófu þá vegferð í
bjartsýniskasti. Óhætt er að
segja að flug og varðveisla flug-
sögu Íslendinga hafi verið hans
líf og yndi. Svanbjörn var kynd-
ilberi þess verkefnis og afrakst-
urinn er hið glæsilega Flugsafn
okkar Íslendinga á Akureyrar-
flugvelli. Hér á vel við máltækið
„Margir vildu Lilju kveðið hafa“
og ótrúlegt til þess að hugsa að
hugmyndin um Flugsafn Íslands
á Akureyri þótti fáránleg og
fundu flestir henni allt til for-
áttu. En nú er öldin önnur.
Svanbjörn hafði allt til að
bera í þetta stóra verkefni sem
stofnun flugsafns var. Hann
hafði til að bera óþrjótandi
áhuga, sannfæringarkraft, var
fastur fyrir, að auki þekkti hann
alla innviði kerfisins mæta vel.
Þarna var því réttur maður á
réttum stað.
Um Svanbjörn var sagt af
þeim sem hann leitaði bónar hjá
að ef ekki beinlínis var sagt nei
við hann þá túlkaði hann það
alltaf sem já.
Eins og allir gera sér grein
fyrir þá eiga ástríðumenn mikið
undir skilningi fjölskyldu sinnar
komið. Eftirlifandi eiginkona
Svanbjörns, Margerete, stóð oft-
ar en ekki við hlið manns síns er
mikið stóð til og studdi hann
með ráðum og dáð. Það er þakk-
arvert.
Ég vil hér með, bæði fyrir
hönd Vélflugfélags Akureyrar
og fyrir mína hönd, þakka fyrir
þann tíma sem við áttum með
Svanbirni, einnig þökkum við
hans ómetanlega vinnuframlag í
þágu íslenskrar flugsögu. Við
sendum fjölskyldunni okkar
innilegustu samúðarkveðjur og
biðjum henni gæfu um ókomna
framtíð.
Fyrir hönd Vélflugfélags Ak-
ureyrar,
Kristján Víkingsson
formaður.
Smáauglýsingar 569 1100 www.mbl.is/smaaugl
Gisting
Hótel Sandafell, Þingeyri
auglýsir
Gisting og matur. Erum með 2ja
herb. orlofsíbúð til leigu.
Verið velkomin.
Hótel Sandafell Sími 456 1600.
 

  
 


    
 



 

   
  




  
   
Snyrting
Spænskar gæðasnyrtivörur, fram-
leiddar úr náttúrulegum hráefnum
og eru fyrir alla daglega umhirðu
húðar. Fjölbreyttar vörur sem henta
allri fjölskyldunni. Sjá nánar í
netversluninni: www.babaria.is
Geymslur
Ferðavagnageymsla Borgarfirði
Geymum tjaldvagna, fellihýsi, hjól-
hýsi, báta og fleira í upphituðu rými.
Gott verð. Sími 499 3070.
E-mail solbakki.311@gmail.com
Sumarhús
Rotþrær, vatnsgeymar og alvöru
moltugerðarkassar
Rotþrær og siturlagnir. Heildarlausnir
- réttar lausnir. Vatnsgeymar frá 300
til 50.000 lítra. Lindarbrunnar.
Borgarplast.is
Mosfellsbæ. S. 561 2211.
Eignarlóðir
Til sölu í landi Kílhrauns á Skeiðum,
50 mínútna akstur frá Reykjavík.
Landið er einkar hentugt til skógrækt-
ar, falleg fjallasýn.
Uppl. Hlynur í s. 824 3040.
Festu þér þinn sælureit í dag
Sumarhús - Gestahús
- Breytingar
Framleiðum stórglæsileg sumarhús
í ýmsum stærðum.
Tökum að okkur stækkun og
breytingar á eldri húsum.
Smíðum gestahús – margar
útfærslur.
Sjáum um almennt viðhald á
sumarhúsum og sólpöllum.
Setjum niður heita potta og
smíðum palla og skjólveggi.
Áratugareynsla -
Endilega kynnið ykkur málið.
Trésmiðja Heimis, Þorlákshöfn,
sími 892 3742 og 483 3693,
www.tresmidjan.is
Óska eftir
KAUPUM GULL - JÓN & ÓSKAR
Kaupum allt gull. Kaupum silfur-
borðbúnað. Staðgreiðum. Heiðar-
leg viðskipti. Aðeins í verslun okk-
ar Laugavegi 61. Jón og Óskar,
jonogoskar.is - s. 552-4910.
KAUPI GULL!
Ég, Magnús Steinþórsson gullsmíða-
meistari, kaupi gull, gullpeninga og
gullskartgripi. Kaupi allt gull, nýlegt,
gamalt og illa farið.
Leitið til fagmanns og fáið góð ráð.
Uppl. á demantar.is, í síma 699 8000
eða komið í Pósthússtræti 13 (við
Austurvöll).
Verið velkomin.
Bókhald
N.P. þjónusta. Tek að mér bókhald-,
endurútreikninga og uppgjör.
Uppl. í s. 861 6164.
Þjónusta
Draugasetrið Stokkseyri
www.veislusalur.is
veislusalurinn@gmail.com
Bílaþjónusta
✝ Egill Stef-ánsson fæddist
í Bolungarvík 25.
ágúst 1950. Hann
lést 9. ágúst 2013.
Foreldrar hans
voru Sigrún Sig-
urðardóttir og
Stefán Vilhjálms-
son. Í nóvember
1971 kvæntist hann
Ólafíu Hafdís-
ardóttur og eign-
uðust þau þrjú börn: 1) Önnu
Magneu, gift Ómari Ara og eiga
þau börnin Eygló, Guðna Má,
Elmar Darra og Arnar Frosta.
2) Guðna Má, kvæntur Þórunni
Ýri og eiga þau börnin Sigríði,
Elías Guðna, Einar Óla, Erni
Frey, Ellen Lísbet og Egil Þór
og eitt barnabarn, Elenu Guð-
nýju. 3) Maríu Dröfn.
Átta ára gamall fluttist Egill
með fjölskyldu
sinni til Reykjavík-
ur og bjó þar til
dauðadags fyrir ut-
an fjögur ár í Sví-
þjóð þar sem hann
bjó eftir að hann
eignaðist sína eigin
fjölskyldu. Egill
starfaði lengst af
sem sjómaður en
vann einnig í bygg-
ingarvinnu allt þar
til hann slasaðist í vinnuslysi ár-
ið 1979. Egill var brautryðjandi
í starfsemi SEM-samtakanna og
lyfti grettistaki þegar hann setti
af stað söfnun til húsbyggingar
fyrir fólk í hjólastólum. Einnig
var hann veiðimaður mikill og
sýndi veiðum og fótbolta mikla
athygli allt til dauðadags.
Útför Egils fór fram 16. ágúst
2013.
Mig langar að minnast
tengdaföður míns, Egils Stefáns-
sonar, í hinsta sinn. Egill hefur
verið stór hluti af lífi mínu í rúma
tvo áratugi en það var í raun ekki
fyrr en við andlát hans sem ég sá
skýrt hversu mikið stórmenni
hann var. Ég hef reyndar alltaf
dáðst að dugnaði hans, lífsgleði
og elju. Árið 1979 varð hann fyrir
vinnuslysi sem lamaði hann fyrir
neðan brjóst. Ástríki eiginkonu
hans gerði honum kleift að taka
virkan þátt í daglegu lífi og upp-
eldi barna sinna, leiðbeina þeim
og vera til staðar fyrir þau og
barnabörnin sem á eftir komu.
Þrátt fyrir að vera uppá aðra
kominn með dagleg verk, eins og
að klæðast og hátta og allt það
sem okkur flestum þykir sjálf-
sagt að geta gert, var hann alltaf
glaður, glettinn og kátur, hann
hafði einstaka lund og gott geð.
Þegar ég sat við dánarbeð hans
áttaði ég mig á þvílíkt æðruleysi
honum hafði hlotnast á lífsleið-
inni. Aldrei heyrði maður hann
vorkenna sjálfum sér en nokkr-
um sinnum sagðist hann þó vera
orðinn þreyttur og endrum og
sinnum vaknaði hann örlítið dap-
ur en það var þegar hann vakn-
aði upp af ljúfum draumum þar
sem hann var gangandi eða
hlaupandi um, depurðin staldraði
þó aldrei lengi við og hann þakk-
aði bara forsjóninni fyrir að hann
dreymdi sig yfirleitt ekki gang-
andi ef hann á annað borð
dreymdi sjálfan sig. Hann reynd-
ist barnabörnunum sínum hins
besti afi og félagi, hann hafði
gaman af að sprella í þeim
stórum sem smáum og hann lét
sig varða um allt sem viðkom til-
vist þeirra. Hann gekk undir
nafnbótinni afskiptafræðinginn
mikli, því hann hafði skoðun á
öllu og lét þær óspart í ljós hvort
sem um var beðið eða ekki. Ég er
svo óendanlega þakklát fyrir þær
stundir sem hann tók á móti eldri
börnunum mínum eftir skóla og
frístundir, þá áttu þau dýrmætar
stundir með afa sínum sem aldrei
verða af þeim teknar. Hann
kenndi okkur sem eftir lifum svo
ótal,ótal margt, börnin mín muna
búa að því alla tíð að taka engu
sem sjálfsögðum hlut og það hef-
ur kennt þeim margt að hafa átt
afa í hjólastól. Þau voru ávallt
boðin og búin til að vera afa sín-
um innan handar og létta undir
með ömmu sinni ef hún þurfti að
bregða sér af bæ eða bara til að
leyfa henni að hvíla sig frá amstri
dagsins. Ég veit að afi þeirra var
bæði þakklátur og stoltur af
þeim öllum. Minning Egils Stef-
ánssonar, tengdaföður míns,
mun lifa í mér og fjölskyldu
minni og vonandi verður lífsgleði
hans, æðruleysi og þrautseigja
okkur öllum hvatning og fyrir-
mynd um ókomna tíð. Áminning
um að taka á hverjum þeim
bugðum sem lífið hefur uppá að
bjóða með æðruleysi og hlátri og
muna að uppgjöf hefur ekkert að
segja í því útspili sem lífið færir
okkur en með reisn getum við
fengið að njóta og vera þátttak-
endur í því sem gott er. Þvílík
gjöf að hafa fengið að kynnast
slíkum manni og hafa fengið að
ganga með honum öll þessi ár.
Þvílík forréttindi að hafa fengið
að upplifa slíkt æðruleysi og slík-
an lífsneista og gleði í aðstæðum
sem væru okkur flestum ofviða.
Elsku Egill.
Far þú í friði,
friður Guðs þig blessi,
hafðu þökk fyrir allt og allt.
(Vald. Briem)
Þín elskandi tengdadóttir,
Þórunn Ýr Elíasdóttir.
Egill Stefánsson
Morgunblaðið birtir minningargreinar endurgjaldslaust alla
útgáfudaga.
Skilafrestur | Sé óskað eftir birtingu á útfarardegi þarf greinin að
hafa borist á hádegi tveimur virkum dögum fyrr (á föstudegi ef útför
er á mánudegi eða þriðjudegi).
Þar sem pláss er takmarkað getur birting dregist, jafnvel þótt grein
hafi borist innan skilafrests.
Formáli | Minningargreinum fylgir formáli sem aðstandendur senda
inn. Þar kemur fram hvar og hvenær sá sem fjallað er um fæddist,
hvar og hvenær hann lést og loks hvaðan og hvenær útförin fer fram.
Þar mega einnig koma fram upplýsingar um foreldra, systkini, maka
og börn, svo og æviferil. Ætlast er til að þetta komi aðeins fram í for-
málanum, sem er feitletraður, en ekki í minningargreinunum.
Minningargreinar