Morgunblaðið - 07.10.2013, Blaðsíða 12

Gunnar Dofri Ólafsson
gunnardofri@mbl.is
4. október voru 70 liðin frá því
stjórnmálasamband komst á milli Ís-
lands og Rússlands, áður Sovétríkj-
anna.
Í tilefni af því stendur nú yfir sýn-
ing á verkum Kjarvals í St. Péturs-
borg, auk þess sem sendiherra Rúss-
lands bauð til móttöku á föstudaginn
í Björtuloftum í Hörpu.
Að henni lokinni voru svo tón-
leikar í Eldborgarsalnum, þar sem
Vladimir Spivakov stjórnaði hljóm-
sveit sinni sem gengur undir nafninu
Moscow Virtuosi. Píanóeinleikari á
tónleikunum var hinn 13 ára gamli
Daniel Kharitonov.
Auk móttökunnar gefa utanríkis-
ráðuneytið og Sögufélagið út í sam-
einingu bók sem inniheldur flest
þeirra opinberu skjala sem farið
hafa á milli landanna tveggja. Bókin
kemur út síðar í október.
Undirskrift Molotovs á
„stofnskjali“ sambandsins
Skjalið hér til hliðar er eitt þeirra
skjala sem fóru milli landanna
tveggja. Í því er tilkynnt sú ákvörð-
un Sovétstjórnarinnar að taka upp
stjórnmálasamband við Ísland. Bréf-
ið er dagsett árið 1943 og er undir-
ritað af Vyacheslav Molotov, þáver-
andi utanríkisráðherra
Sovétríkjanna, en nafn hans lifir í
sögunni fyrir ýmislegt annað en ut-
anríkismál. Skjalið verður á baksíðu
kápu bókarinnar.
Myndirnar tvær sem hér fylgja
eru tvær þær elstu sem birtast munu
í bókinni, en þær bárust Morgun-
blaðinu frá utanríkisráðuneytinu.
Hátíðahöld við Stjórnarráðið í Reykjavík 18. júní 1944
Í tilefni af stofnun lýðveldis á Íslandi. Fremstur og lengst til hægri er Sveinn Björnsson, forseti Íslands, þá
ríkisstjórn Íslands í eftirfarandi röð: Björn Þórðarson forsætisráðherra, Vilhjálmur Þór utanríkis-
ráðherra, Einar Arnórsson dómsmálaráðherra og Björn Ólafsson fjármálaráðherra. Í aftari röð sitja
fulltrúar erlendra ríkja. Alexei N. Krasílníkov, sendiherra Sovétríkjanna á Íslandi, er þar lengst til vinstri.
Stjórnmálasambands sem
staðið hefur í 70 ár minnst
 Gefa út bók
með skjölum úr
sögu landanna
Svarthvítir diplómatar Pétur Benediktsson, sendiherra Íslands í Sovétríkjunum (til hægri), og Míkhaíl Í. Kalínín,
forseti forsætisnefndar Æðsta ráðs Sovétríkjanna (til vinstri), við afhendingu trúnaðarbréfs í Kreml, 10. maí 1944.
Að baki þeim standa sovéskir embættismenn. Pétur varð síðar þingmaður eftir langan feril í utanríkisþjónustunni.
Eldfimur utanríkisráðherra
Nafn Vyacheslavs Molotovs, utanríkisráðherra Sovétríkjanna, sem undirrit-
aði skjalið hér að ofan, hefur lengi loðað við tiltekna gerð bensínsprengja,
Molotov-kokteila, en Finnar beittu henni óspart í Vetrarstríðinu, þegar Sov-
étríkin réðust inn í Finnland. Þá er nafn hans þekkt fyrir Molotov-
Ribbentrop-samninginn, sem utanríkisráðherrar Þriðja ríkisins og Sovét-
ríkjanna gerðu um frið í austri 1939. Finnar voru uppátækjasamir í stríði
sínu við Sovétríkin, og þegar Sovétmenn vörpuðu klasasprengjum á Hels-
inki lýsti Molotov því yfir í útvarpssendingum að um matargjafir væri að
ræða. Finnar tóku þessu af finnskri meinhæðni og nefndu þessi ógnarvopn
Brauðkörfur Molotovs.
12 FRÉTTIRInnlent
MORGUNBLAÐIÐ MÁNUDAGUR 7. OKTÓBER 2013
HAGSTJÓRN
Á ÍSLANDI MEÐ
KRÓNUNA SEM
GJALDMIÐIL
ROBERT Z. ALIBER
HELDUR FYRIRLESTUR
Í HÁTÍÐASAL HÁSKÓLA ÍSLANDS
MÁNUDAGINN 7. OKTÓBER KL. 12-14
Aliber er Prófessor Emeritus í alþjóðahagfræði
og fjármálum við Háskólann í Chicago.
Hann hefur skrifað fjölda bóka og ritgerða um
alþjóðafjármál, erlenda fjárfestingu og starfsemi
fjölþjóðlegra fyrirtækja. Síðustu árin hefur hann
sýnt efnahagsmálum á Íslandi mikinn áhuga og
fylgst vel með þróun mála. Árið 2008 skrifaði hann
ritgerð um bóluhagkerfið sem hér hafði orðið til.
Aðgangur ókeypis, allir velkomnir!