Morgunblaðið - Sunnudagur - 24.11.2013, Qupperneq 57

24.11. 2013 MORGUNBLAÐIÐ SUNNUDAGUR 57
Hemmi Gunn – sonur þjóðar,
ævisaga Hermanns Gunn-
arssonar eftir Orra Pál Orm-
arsson er nýkomin út og fór
samstundis á metsölulista eins
og búast mátti við.
Í bókinni er rakin saga
Hemma, sagt meðal annars frá
íþróttaafrekum og farsælum
ferli í fjölmiðlum en einnig frá
sárum missi, en Hemmi missti
ungur ástina í lífi sínu og átti
eins og kunnugt er í baráttu við
Bakkus.
Í bókinni eru svo fjölmargir
innskotskaflar þar sem sam-
ferðamenn og vinir Hemma
segja frá kynnum af manni sem
var mun mótsagnakenndari
manneskja en margir myndu
ætla.
Sagan af
Hemma
Þessa helgi, 23.-24. nóvember, er Bóka-
messa í Bókmenntaborg haldin í þriðja
sinn. Hún er í Ráðhúsi Reykjavíkur og verður
opin frá 12-18 báða dagana. Dagskráin er
fjölbreytt og ætti að höfða til allra aldurs-
hópa. Fjölskyldan ætti því að eiga góðar
stundir saman í Ráðhúsinu.
Höfundar lesa úr verkum sínum, tónlist
hljómar, fræðandi erindi verða flutt og um-
ræður verða um nýjar bækur. Auk þess verð-
ur fjölmargt annað á dagskrá. það er til dæm-
is hægt að skora á Gunnar Helgason í
fótboltaspili, skrifa upp texta eftir handriti út
fórum Árna Magnússonar, læra puttaprjón,
taka þátt í að prjóna trefillinn endalausa og
heimsækja sérstaka LEGO-smiðju.
Klukkan 16 báða dagana verður bók-
menntadagskrá í borgarstjórnarsalnum þar
sem skáld og þýðendur ræða um verk sín.
Tveir erlendir höfundar þýddra bóka árs-
ins verða gestir messunnar: Carl Jóhan
Jensen frá Færeyjum og norski glæpasagna-
höfundurinn Jørn Lier Horst.
Hinn glaðlyndi Gunnar Helgason spilar
fótboltaspil við aðdáendur sína.
Morgunblaðið/Styrmir Kári
GUNNI HELGA Í
FÓTBOLTASPILI
Elena Poniatowska, höfundur bók-
arinnar Jesúsa – Óskammfeilin,
þverúðug og skuldlaus, sem For-
lagið gaf út í fyrra,
hlaut nýlega
Cervantes-
verðlaunin, sem
veitt eru fyrir
framúrskarandi
skrif á spænsku.
Hin mexíkanska
Elena hefur skrif-
að um fjörutíu
bækur á lífsleið-
inni sem þýddar hafa verið á rúm
tuttugu tungumál, þar á meðal ís-
lensku, en þýðinguna annaðist María
Rán Guðjónsdóttir. Jesúsa segir frá
segir frá ævi og örlögum fátæku ind-
íánakonunnar Jesúsu Palancares á stormasömum tímum í Mexíkó. Bókin er örugglega í hópi
bestu bóka sem komu út hér á landi í fyrra og ástæða er til að mæla með henni við alla þá sem
ekki hafa þegar lesið hana. Vonandi verða svo fleiri verk skáldkonunnar þýdd á íslensku.
Cervantes-verðlaunin voru fyrst veitt 1975 og þykja mikilvægustu bókmenntaverðlaun
spænskrar tungu.
ELENA FÆR CERVANTES-VERÐLAUNIN
Elena Poniatowska, höfundur hinnar frábæru bókar Jes-
úsu, fékk Cervantes-verðlaunin.
Margir hafa beðið með eft-
irvæntingu eftir nýrri skáld-
sögu frá Jóni Kalman Stef-
ánssyni. Nú er hún komin og
heitir Fiskarnir hafa enga fæt-
ur. Hér er á ferð ættarsaga frá
byrjun tuttugustu aldar til okk-
ar daga.
Þessi nýja skáldsaga er þessa
vikuna í öðru sæti á bóksölu-
listanum yfir innbundin íslensk
skáldverk, en það er vitanlega
Arnaldur Indriðason sem á
mest seldu íslensku skáldsög-
una, Skuggasund.
Ættarsaga frá
Jóni Kalman
Veiðar, glæpir,
Hemmi og Jón
Kalman
NÝJAR BÆKUR
ÝMSAR VEGLEGAR BÆKUR KOMA ÚT FYRIR
JÓLIN OG ÞAR Á MEÐAL MÁ NEFNA
TVEGGJA BINDA VERK, STANGVEIÐAR Á
ÍSLANDI OG ÍSLENSKA VATNABÓK. JÓN
KALMAN STEFÁNSSON SENDIR FRÁ SÉR NÝJA
SKÁLDSÖGU OG ÆVISAGA HEMMA GUNN
SELST VEL. NÝR GLÆPASAGNAHÖFUNDUR
STÍGUR SVO FRAM Á SVIÐIÐ.
Hlustað er fyrsta skáldsaga Jóns
Óttars Ólafssonar, en hann er
doktor í afbrotafræðum og hefur
starfað innan lögreglunnar, í fjárfest-
ingabanka og hjá Sérstökum sak-
sóknara.
Árið er 2009 og ung kona finnst
látin. Lögreglumanninn Davíð grun-
ar að hún hafi verið myrt. Í ljós
kemur að málið teygir anga sína
víða.
Nýr glæpasagna-
höfundur
Stangveiðar á Íslandi og Íslensk vatnabók er mikið
verk í tveimur bindum eftir Sölva Björn Sigurðsson.
Hér er fjallað um stangveiði í ám og vötnum frá öll-
um hliðum og á öllum tímum. Verkið hlýtur að vera
á óskalista þeirra fjölmörgu sem hafa áhuga á stang-
veiði. Vart þarf að taka fram að fjölmargar myndir,
margar mjög fallegar, prýða þetta veglega verk, sem
er samtals rúmar eitt þúsund síður.
Óskabók
stangveiðimannsins
*Mannréttindi eru fólgin í því aðhver fái að vera svo heimskur semhann vill. Halldór Laxness BÓKSALA 11.-17. NÓVEMBER
Allar bækur
Listinn er tekinn saman af Félagi íslenskra bókaútgefenda
1 SkuggasundArnaldur Indriðason
2 Vísindabók VillaVilhelm Anton Jónsson
3 MeistarasögurBrjánn Guðjónsson
4 Guðni: léttur í lundGuðni Ágústsson
5 Hemmi Gunn: sonur þjóðarOrri Páll Ormarsson
6 Í nándinniGuðbrandur Árni Ísberg
7 Ólæsinginn sem kunni að reiknaJonas Jonasson
8 Sir AlexGuðjón Ingi Eiríksson
9 Rangstæður í ReykjavíkGunnar Helgason
10 PrjónabiblíanGréta Sörensen
1 SkuggasundArnaldur Indriðason
2 Fiskarnir hafa enga fæturJón Kalman Stefánsson
3 GrimmdStefán Máni
4 DísusagaVigdís Grímsdóttir
5 SæmdGuðmundur Andri Thorsson
6 Glæpurinn ástarsagaÁrni Þórarinsson
7 MánasteinnSjón
8 Látið síga piltarÓskar Magnússon
9 HlustaðJón Óttar Ólafsson
10 My pussy is hungryHugleikur Dagsson
Íslensk skáldverk
MÁLSHÁTTUR VIKUNNAR
Betur má ef duga skal.