Morgunblaðið - 11.12.2013, Blaðsíða 44

MIÐVIKUDAGUR 11. DESEMBER 345. DAGUR ÁRSINS 2013
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Barnsmóðir Stefáns lét sig hverfa
2. Skyndikynni breyttust í martröð
3. Ætlar að gefa 500 milljarða
4. „Þetta er ekki sami strákurinn“
»MEST LESIÐ Á mbl.is
FÓLK Í FRÉTTUM
 Söngvarinn og rapparinn Skyler
Austen Gordy, sem kallar sig Sky Blu
og er helmingur hins vinsæla dúetts
LMFAO, kemur fram á tónleikum í
Laugardalshöll 4. janúar nk. Með
honum koma fram tónlistarmennirnir
Mark Rosas og Chelsea Korka auk
fjölda dansara. LMFAO hefur átt
miklum vinsældum að fagna víða um
heim sl. fimm ár og m.a. sent frá sér
smellinn „Sexy and I Know It“ sem
ungmenni Íslands ættu allflest að
kannast við.
Sky Blu úr LMFAO
í Laugardalshöll
 Bókin Furðu-
strandir eftir Arn-
ald Indriðason, í
enskri þýðingu
Victoriu Cribb,
hefur verið valin
ein af bestu
glæpasögum árs-
ins í Bretlandi af
dagblöðunum The
Times, Financial Times og The Even-
ing Standard. Nýjasta bók Arnaldar,
Skuggasund, situr nú í efsta sæti
metsölulista Eymundsson.
Furðustrandir ein af
bestu glæpasögunum
 Bjarni Thor Kristinsson bassa-
söngvari og Ástríður Alda Sigurð-
ardóttir píanóleikari halda tónleika í
Salnum, Kópavogi, í
dag kl. 12.15. Flutt
verða jólalög frá
Danmörku, Sví-
þjóð, Finnlandi,
Noregi og Ís-
landi.
Norræn jólatónlist í
Salnum í hádeginu
Á fimmtudag Vaxandi suðaustanátt og þykknar upp, fyrst
suðvestantil. Suðaustan 15-23 m/s suðvestantil um kvöldið
og slydda eða snjókoma, en austan 8-13 m/s norðaustantil.
SPÁ KL. 12.00 Í DAG Suðlæg átt 5-10 m/s, en hæg suðlæg eða
breytileg átt austantil. Víða él sunnan- og vestanlands, léttskýjað
að mestu norðanlands en stöku skúrir eða él fyrir austan.
VEÐUR
Cristiano Ronaldo setti nýtt
met í Meistaradeild Evrópu í
gær en Portúgalinn skoraði
sitt 9. mark í riðlakeppninni,
fleiri en nokkur annar hefur
gert. Real Madrid hrósaði
sigri gegn FC Köbenhavn þar
sem Rúrik Gíslason og Ragn-
ar Sigurðsson léku báðir all-
an tímann fyrir danska liðið.
Manchester-liðin, United og
City, fögnuðu bæði sigri. City
náði að stöðva ótrúlega sig-
urgöngu Bayern. »1
Cristiano Ronaldo
með nýtt met
Knattspyrnustjórarnir í ensku úrvals-
deildinni eru að jafnaði ekki nema
rúmlega eitt ár í starfi. Meðalstarfs-
aldurinn er 426 dagar, nema þegar
Arsene Wenger er talinn með. Hann
hefur stýrt Arsenal í sautján ár, sam-
tals í 6.280 daga,
og skekkir
heildarmyndina
svo mjög að sé
hann talinn
með eru stjór-
arnir að með-
altali 719
daga í
starfi.
»4
Stjórarnir aðeins rúmt
ár í starfi að meðaltali
Sigurbergur Sveinsson, stór-
skytta Hauka, er besti leikmaður
fyrri hluta Íslandsmóts karla í
handknattleik að mati Morg-
unblaðsins. Íþróttafréttamenn
Morgunblaðsins hafa valið úr-
valslið fyrri umferðar Íslands-
mótsins og þann leikmann sem
þykir hafa komið mest á óvart á
leiktíðinni til þessa. »2
Sigurbergur bestur
í fyrri hlutanum
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Sigurður Bogi Sævarsson
sbs@mbl.is
„Hvað mér auðnast úr þessu veit ég ekki, en mig
langaði alltaf til að læra á fiðlu. Fyrir áratugum
átti ég slíka sem ég gat sargað á en hugurinn stóð
alltaf til þess að geta strokið strengi hennar af
meiri kúnst en raunin var. Hins vegar átti ég þess
kost að fara í píanótíma og gat spilað allt mögu-
legt eftir nótum. Svo voru óperurnar gjarnan
leiknar í útvarpinu; Carmen, La bohème … og
engin söng jafnfallega og Maria Callas,“ segir
Guðrún Valborg Finnbogadóttir, sem er hundrað
ára í dag.
Líkvagninn fór milli húsa
Að spjalla við Guðrúnu er eins og fyrir barn að
lesa Öldina okkar. Við rekjum okkur í gegnum
stórviðburðina og sögusviðið er Njálsgata í
Reykjavík þar sem Guðrún bjó í 91 ár.
„Fyrsta minningin er tengd spænsku veikinni.
Hvergi var líf á götunum og í húsum voru tjöld
dregin fyrir glugga. Ég man eftir Tryggva Árna-
syni líkkistusmið, sem bjó neðarlega við götuna,
fara með hestvagninn milli húsa. Um líkt leyti
byrjaði Katla að kjósa. Því fylgdi öskufall í
Reykjavík og við krakkarnir lékum okkur við að
teikna alls konar myndir á krímugar rúðurnar.“
Guðrún dvelur nú á hjúkrunarheimilinu Drop-
laugarstöðum, en bjó á Njálsgötunni alveg fram á
síðari ár og þeim tíma er vel lýst í minninga-
bókum þeim sem sonur Guðrúnar, Finnbogi Her-
mannsson, fyrrverandi útvarpsmaður, hefur
skráð. Bækurnar eru þríleikur og á dögunum
kom út sú þriðja og síðasta sem ber nafnið Úr
húsi afa míns. Finnbogi afhenti móður sinni ein-
tak í gær, sem er við hæfi enda er bókin tileinkuð
henni.
Frásögnin er falleg
„Bogi hefur skráð þetta mjög vel. Myndin er
skýr og frásögnin falleg,“ segir Guðrún, sem var
heimavinnandi alla tíð. „Annað tíðkaðist ekki og
ég taldi þetta líka börnunum mínum fyrir bestu,
sem öll komust vel til manns og mennta og við
vorum góð og samheldin fjölskylda,“ segir Guð-
rún sem var gift Hermanni Guðlaugssyni trésmið
sem lést fyrir allmörgum árum. Börnin urðu þrjú
og afkomendurnir eru orðnir sextán.
„Að hafa auga fyrir hinu kátlega í tilverunni
hefur gert mér lífið auðveldara. Glaðværðin er
mér nánast eðlislæg og er kannski að hluta skýr-
ingin á því hvers vegna ég hef náð þessum hundr-
að árum. Svo eru aðstæður fólks í dag allt aðrar
en þegar ég var að alast upp; húsnæði er hlýtt og
gott, vatnið er hreint og maturinn hollur. Auðvit-
að nær fólk hærri aldri en áður þegar aðstæður
eru svona góðar.“
En höldum áfram með annálinn. Það markaði
kaflaskil í tilverunni, segir Guðrún, þegar Rík-
isútvarpið hóf útsendingar árið 1930, í miðri
heimskreppunni þegar margar barnafjölskyldur í
bænum áttu ekki málungi matar. Svo kom heims-
styrjöld sem öllu breytti.
Fjölskyldan slettir í form
„Útvarpið var bylting en ekki síður sjónvarpið.
Við Hermann fengum sjónvarp nokkuð snemma
og þetta þótti slíkt nýmæli að fullorðnir sem og
krakkarnir í hverfinu þyrptust til okkar að horfa
á kanasjónvarpið, Bonanza og dýralífsmyndir,“
segir Guðrún, sem væntir góðra gesta til sín á
Droplaugarstöðum í dag. Fjölskyldan sé búin að
sletta í form og verði með kökur og kræsingar á
borðum.
Margt verður til að móta aðstæður fólks.
Guðrún segist í tímans rás hafa fylgst af áhuga
með stjórnmálunum og þar hafi margir mætir
og eftirminnilegir menn látið að sér kveða.
„Jónas frá Hriflu var skemmtilega kjaftfor og
Jón Baldvin var orðheppinn og það sama gildir
um Steingrím J. En við skulum annars ekkert
staldra mjög við það liðna í þessu spjalli heldur
horfa fram á veginn. Mér hefur alltaf fundist
framtíðin spennandi.“
Framtíðin er alltaf spennandi
 Fiðlunám heillar
Guðrúnu Finnbogadóttur
sem er 100 ára í dag
Morgunblaðið/Sigurður Bogi
Mæðgin Guðrún Finnbogadóttir og sonur hennar, Finnbogi Hermannsson. Þriðja bindi bernskuminn-
inga Finnboga er nú að koma út og er það tileinkað móður hans, sem hefur lagt hundrað ár að baki.