Morgunblaðið - Sunnudagur - 12.01.2014, Qupperneq 30
30 MORGUNBLAÐIÐ SUNNUDAGUR 12.1. 2014
Matur og drykkir
H
araldur Már Pétursson, yfirmatreiðslumaður á veit-
ingastaðnum Múlabergi á Hótel KEA, var svo vinsam-
legur að hrista fram úr erminni léttan og afbragðsgóðan
fiskrétt, sem hann segir upplagðan eftir kjöttörnina, sem
stóð yfir á flestum íslenskum heimilum um jól og áramót.
„Þetta er mjög einfaldur réttur; hver einasti maður á að geta
eldað hann án mikilla vandræða,“ segir Haraldur Már í samtali við
Sunnudagsblað Morgunblaðsins. Hann segir algengt að brauð sé
notað sem rasp, til að hjúpa mat. Þess vegna hafi honum fundist
tilvalið að brydda upp á þeirri nýjung að nýta laufabrauð frá jól-
unum í þeim tilgangi. „Það er gott bragð af laufabrauði og þar af
leiðandi sjálfsagt mál að nota það. Svo er rétt að taka fram að
mjög gott er að nota þessa sömu uppskrift við annan fisk, til dæm-
is þorsk.“
Veitingasal Hótels KEA var gjörbreytt síðastliðið sumar og
Múlaberg er í raun nýr staður, opinn öllum. Veitingasalir hótelsins
voru það reyndar áður en það virtist alls ekki öllum ljóst.
„Við byggjum á danskri og franskri klassík og leggjum aðal-
áherslu á íslenskt hráefni,“ segir Haraldur Már um matreiðsluna,
og segist himinsæll með viðtökurnar.
„KEA var í gegnum árin þekkt fyrir að vera formfast, haldið var
í gamlar klassískar hefðir en eftir breytingarnar eru áherslur svo-
lítið aðrar og fjölbreytnin meiri, þótt mikið
sé áfram lagt upp úr gæðum. Fólk kemur
í hádeginu og fær sér eitthvað létt – fisk
eða samloku eða salat, en á kvöldin er
hægt að koma í fínan þriggja rétta dinn-
er.“
Haraldur Már var á Hótel KEA fyrstu
tvö árin í matreiðsluámi; byrjaði á samn-
ingi 2001 en lauk námi á Argentínu steik-
húsi í Reykjavík. „Strax eftir skólann kom
ég svo heim aftur, var ráðinn hingað sem
aðstoðaryfirkokkur og tók svo við sem yf-
irkokkur fyrir þremur árum.“
Honum líkar starfið afar vel. „Það er gaman að elda fyrir fólk á
hverjum degi og hafa alltaf nóg að gera. Áður vorum við mest með
hópa, stórar árshátíðir og slíkt, en þetta er miklu skemmtilegra.“
Ýmislegt er í boði á Múlabergi en smáréttaplattar eru vinsæl-
astir, segir Haraldur Már. „Það er spennandi kostur fyrir þá sem
vilja smakka marga nýja rétti, í stað þess að borða sig sadda af
einhverju einu. Þessir plattar hafa slegið í gegn; hvort sem fólk
kemur hér í mat, til að fá sér einn drykk áður en það fer í leikhús
eða þá að saumaklúbbar fara út til að gera sér glaðan dag.“
Morgunblaðið/Skapti Hallgrímsson
FRÖNSK OG DÖNSK KLASSÍK Á MÚLABERGI
Létt og gott eftir jólin
Setjið smjörklípur á fiskinn og sítrónubát, rjóma
hellt í botninn, sinnep sett hér og þar í rjómann.
Lax með laufa-
brauðsraspi, ferskt
salat og nýjar íslensk-
ar kartöflur.
Haraldur Már Pétursson
Þerrið fiskinn vel með bréfi og leggið að því
loknu í smurt eldfast mót.
Myljið tvær laufabrauðskökur til þess að strá yfir
fiskinn eins og raspi.
Hrærið eggið og penslið laxasneiðarnar með
egginu, til þess að raspurinn haldist vel á.
VEITINGASTAÐUR HEFUR LENGI VERIÐ REKINN Á HÓTEL KEA Á AKUREYRI, EN MIKIL BREYTING VARÐ Á UM-
GJÖRÐINNI Á SÍÐASTA ÁRI ÞEGAR MÚLABERG VAR OPNAÐ. FJÖLBREYTNIN ER MEIRI OG ÁHERSLUR AÐRAR.
Skapti Hallgrímsson skapti@mbl.is
Hráefni fyrir 4
4 stk. þverskornar laxasteikur,
4-5cm á þykkt (u.þ.b.)
1 egg
2 kökur laufabrauð (muldar í rasp)
50 g smjör
350 ml rjómi
2 msk. gróft sinnep (má nota di-
jon)
1 sítróna
Aðferð Stillið ofninn á 180°c. Þerrið
fiskinn og leggið í smurt eldfast mót og
penslið með egginu. Stráið svo rasp-
inum yfir og setjið litlar klípur af smjör-
inu ofan á fiskinn. Hellið svo rjómanum
í kringum steikurnar og dreifið sinn-
epinu hér og þar í rjómann. Skerið sí-
trónuna í 8 báta og setjið eina sneið of-
an á hverja steik. Bakið fiskinn í 15 til
18 mín. eða þar til hann er farinn að
brúnast aðeins að ofan. Þegar fiskurinn
er til takið hann frá og hellið rjómanum
í gegnum sigti í lítinn pott og sjóðið
upp á honum; smakkið sósuna til með
salti og pipar og þykkið með maisena-
mjöli ef þarf. Með þessu er gott að hafa
nýjar íslenskar kartöflur og gott ferskt
salat.
Þverskorinn
lax með laufa-
brauðsraspi