Morgunblaðið - Sunnudagur - 09.03.2014, Blaðsíða 15

er fjölskyldumeðlimur sem myrti hann. Ég
ávarpa krakkana með sömu virðingu og ég myndi
gera á kvöldsýningu með fullorðnum. Kannski
myndi ég bæta inn nokkrum klúryrðum!
En ég hef mikið leitað ráða hjá stelpunum mín-
um í gegnum tíðina og til dæmis kom þessi ellefu
ára með mér að horfa á Mary Poppins og tók nið-
ur nótur og kom með ábendingar. Ég leita álits
hjá þeim og sumt sem ég nota í minni vinnu kem-
ur frá þeim. Þannig er leynimálið í Horni á höfði
komið úr þeirra leikjum. Ég myndi segja að
heimilislíf okkar væri ærslafullt en ábyrgt, sem
skilar sér inn í leiksýningarnar.“
Um helgina verður leikritið Furðulegt háttalag
hunds frumsýnt í Borgarleikhúsinu
en þar leikur Bergur föður einhverfs drengs.
Hvernig hefur sú reynsla verið?
„Ég held að fólk eigi eftir að finna til mikillar
samhygðar með þessum dreng. Ef okkur tekst
ætlunarverk okkar, sem við komum til með að
gera, verður þetta skemmtileg, hröð og hjartahlý
en kannski um leið hjartaskerandi tilfinning.
Verkið fjallar um hvað drengurinn þarf að takast
á við í heimi sem við höfum búið til, okkar sam-
félagi, sem er heimur sem hann upplifir öðruvísi
en við hin. Og svo hvernig heimurinn sér hann.
Ég held að við höfum stefnt að því að fólk sem
þekkir til þessara aðstæðna eigi eftir að kannast
við sig í verkinu en einnig að hinir sem þekkja
þessar aðstæður ekki geti fylgst með, komist að
ýmsu og fengið að vera hluti af þessu mynstri
eina kvöldstund. Maður komst að því við vinnslu
verksins að sjálfur, eins og kannski flestir, er
maður með einhvers konar þráhyggju. Konan mín
kallar það þrjóskuröskun í mínu tilfelli. „Ég er al-
veg að koma að borða, ég verð bara að klára
þetta og hitt.“ Og þetta að fá lög á heilann sem
maður getur ekki bægt frá, að geta ekki stigið á
strik á gangstéttum og þurfa að telja ljósastaura.
Ef maður myndi svo stilla þessi atriði aðeins
hærra, setja þau í magnara, getur maður auðvitað
ímyndað sér að það væri erfitt að lifa. Sumt af
þessu nýtist manni samt í að einbeita sér og
klára verkefni.“
Þú komst sterklega til greina sem borgarleik-
hússtjóri. Á vel við þig að ráða og stjórna?
„Það má segja það jú. Ég á helling af orku og
hugmyndum handa leikhúsinu en er sáttur við
valið á Kristínu, held að þar hafi tekist vel til.
Það á vel við mig að fá fólk til að vinna saman og
finna hæfileika þess og veita þeim farveg. Ég
held að ég hafi alltaf verið þannig. Leikhúsið í
mínum huga snýst um að virkja hæfileika fólks
en ekki beisla þá.
Leikhúsið snýst líka að stærstum hluta um að
leyfa fólki að finna til sam-
hygðar. Á sviðinu eru leikarar
og þeim líður einhvern veginn
saman, annaðhvort vel eða illa.
Svo kemur fólk í salinn og það
fær að upplifa þessa líðan með
persónunum á sviðinu. Það er
hægt að gera ótrúlegustu hluti
í gegnum þessa samkennd,
jafnvel lækna og laga ein-
semd. Fyrir nokkrum árum
voru svokallaðar spegilfrumur
uppgötvaðar og þá var einn
þekktur leikhúsmaður sem
sagði að það kæmi honum
ekkert á óvart – leikhúsið
hefði vitað þetta lengi. Speg-
ilfrumur gera okkur að manneskjum og skil-
greina okkur. Við erum ekki lengur homo sapiens
sapiens. Við erum homo empatíkus. Menn sam-
kenndar en ekki hinir ofboðslega vitiborni-
vitibornu menn. Ég tengi frekar við það en að
vera ógeðslega gáfaður. Hvað á ég líka að gera
við það? Á ég að finna upp nýja kjarnorku-
sprengju? Finna upp app? Tengja betur við fjöl-
skylduna? Aldeilis ekki. Við í leikhúsinu höfum
ekkert við vitiborna-vitiborna-vitiborna-
skilgreininguna að gera. Vinátta er afl sem ég
skil.“
*Við erum ekkilengur homosapiens sapiens.
Við erum homo
empatíkus. Menn
samkenndar en
ekki hinir ofboðs-
lega vitiborni-
vitibornu menn.“
Morgunblaðið/Eggert
9.3. 2014 MORGUNBLAÐIÐ SUNNUDAGUR 15
Sófaborð margar gerðir og stærðir
Skeifunni 8 | sími 588 0640 | casa.is
Model 2811
Sófi L207 D89 H75 Áklæði Ct.83 verð 299.000,- | Leður Ct.10 verð 398.000,- | Fæst einnig 2ja sæta og stóll.
Drop 180x86 verð 169.000,- Marta (tvö borð og bakki) verð 184.000,- Samuel 105x70 verð 169.000,-