Morgunblaðið - Sunnudagur - 09.03.2014, Blaðsíða 25

9.3. 2014 MORGUNBLAÐIÐ SUNNUDAGUR 25
Fæstir Íslendingar átta sig eflaust ekki á sögulegu mikilvægi þess aðbandaríski körfuboltamaðurinn Jason Collins spilaði sinn fyrstaleik í Barclay-höllinni í Brooklyn í NBA-deildinni síðastliðinn
mánudag. Þátttaka Collins í leiknum markaði söguleg þáttaskil því hann
er fyrsti karlkyns NBA-leikmaðurinn í sögunni sem leikur þar eftir að
hafa greint frá samkynhneigð sinni opinberlega. Þetta var mjög stórt
skref fyrir réttindabaráttu samkynhneigðra þar í landi því áður hafði
enginn karlkyns leikmaður í fjórum stærstu
íþróttadeildum Bandaríkjanna spilað leik eftir
að hafa opinberað samkynhneigð sína.
Bandarískir fjölmiðlar hafa fjallað mikið um
málið og fjölmargir aðdáendur Brooklyn Nets-
liðsins stóðu upp, öskruðu nafn Collins og
fögnuðu ákaft er honum var skipt inn á völlinn.
Collins er þó enginn nýliði í NBA-deildinni
því þar hefur hann spilað með ýmsum liðum
frá árinu 2001. Hann kom út úr skápnum eftir
síðasta tímabil og fékk í kjölfarið engan samn-
ing fyrr en 23 febrúar.
Collins stendur ekki einn í baráttunni ytra
því bandaríski fótboltamaðurinn Michael Sam er á góðri leið með að
verða fyrsti leikmaður NFL-deildarinnar sem viðurkennir opinberlega
samkynhneigð sína. Málið vakti mikla athygli um allan heim því ýmsir
töldu samkynhneigða menn ekki eiga heima í „karlmannlegum“ heimi
NFL-deildarinnar og töldu hann ekki vera velkominn í búningsklefann.
Þar á meðal var faðir leikmannsins en hann viðurkenndi að hugmyndin
um samkynhneigða NFL-leikmenn truflaði hann.
Fjölmargir lýstu yfir stuðningi við leikmanninn og þar má nefna for-
setafrúna, Michelle Obama, og yfirmann NFL-deildarinnar, Roger
Goodell. Þá vakti skeleggur íþróttafréttamaður frá Texas, Dale Hansen,
mikla athygli fyrir umfjöllun sína. Hann benti á að það væri fáránlegt
viðhorf að nota saklausa ást tveggja karlmanna sem afsökun fyrir því að
leikmaðurinn væri ekki velkominn í búningsklefann á sama tíma og þar
fá að sitja leikmenn sem hafa orðið uppvísir að alvarlegum glæpum á
borð við neyslu fíkniefna, nauðganir, morð af gáleysi og kynbundið of-
beldi.
Á sama tíma og íhaldsöm vígi hómófóbíu halda áfram að riða til falls í
bandarísku íþróttalífi er merkilegt að hugsa til þess að ástandið í þess-
um málaflokki virðist ekki mikið skárra hér á landi. Þessi staðreynd
stingur í stúf í ljósi þess að Íslendingar telja sig almennt vera langt
komna í réttindabaráttu samkynhneigðra.
Jason Collins spilar í treyju nr. 98 til að heiðra minningu Matthew Shep-
ard sem var barinn til dauða vegna samkynhneigðar sinnar árið 1998.
AFP
FRUMKVÖÐLAR
Heilbrigt líf
JÓN HEIÐAR
GUNNARSSON
Sundkonana Hrafnhildur Lúthersdóttir er margfaldur
Íslandsmeistari og Íslandsmethafi í bringusundi og
fjórsundi. Hún hefur tekið þátt í fjölda alþjóðamóta og
keppti m.a. á Ólympíuleikunum í London árið 2012.
Hún stundar nám og sundþjálfun við einn virtasta há-
skóla í Bandaríkjunum og er tilbúin til að veita les-
endum góð ráð varðandi líkamsrækt og heilsu.
Hversu oft æfir þú á viku? Ég æfi alls 17 sinnum á
viku í samtals 28 tíma. Ég æfi 11 sinnum í lauginni og
þrisvar á bakkanum þar sem við hlaupum, sippum og
gerum magaæfingar. Þá lyftum við einnig þrisvar í
viku. Svo gerir maður auka líka, því aukaæfingin skap-
ar meistarann!
Henta slíkar æfingar fyrir alla? Svo stíft prógramm
hentar alls ekki öllum en sund nokkrum sinnum í viku,
klukkutíma í senn, er mjög gott fyrir flesta. Það reynir
á marga vöðva í einu og kemur manni auðveldlega í
form.
Hvernig er best fyrir nýliða að koma sér af
stað? Það er alltaf best að stinga sér í
djúpu laugina bókstaflega, og byrja að
gera eins mikið og maður treystir sér til,
en passa sig að ofgera sér ekki strax,
frekar byrja létt og bæta við fleiri dög-
um, fleiri mínútum, fleiri ferðum eftir
því sem líður á og maður treystir sér í
meira. Svo er líka alltaf gott að hafa ein-
hvern með sér, það styttir tímann og æf-
ingarnar virðast léttari. Þannig ann-
aðhvort að fá einhvern með sér í laugina
eða skrá sig á námskeið eða í sund-
félagið og kynnast nýju fólki.
Hvað ráðleggurðu fólki sem vill
hreyfa sig meira? Ef fólk vill hreyfa sig
meira er best að byrja létt og gera eins mik-
ið og maður treystir sér til. Sumir eiga það til
að byrja á fullu og gefast upp ef þeir sjá ekki
neitt gerast. En að byrja létt og bæta við sig
jafnt og þétt er betra. Og mundu að það er
alltaf erfitt að byrja, en þegar
þú ert kominn yfir „vegg-
inn“ geturðu allt!
Ertu meðvituð um
mataræðið? Ég reyni að
vera meðvituð um mat-
aræðið en ég er mannleg
rétt eins og allir aðrir,
mig langar í pítsuna um
helgar og súkkulaðið
þegar ég fer í bíó. En ég
reyni að hugsa um það
eins mikið og ég get og
það hjálpar mikið að
við erum með næring-
arfræðinga hérna úti í
skólanum sem hjálpa okkur með allt varðandi mat-
aræðið. Ég reyni bara að passa hvað ég borða og
passa að borða ekki of mikið. Reyni alltaf að borða
grænmeti og ávexti á hverjum degi og ekki of mikið af
brauði, þó að það gangi aldrei upp hjá mér.
Hvað ráðleggurðu fólki sem vill bæta mataræðið?
Það geta auðvitað ekkert allir verið að pæla í kaloríum
og telja hvað þeir borða allann daginn. En það sem er
hægt að gera er að reyna að passa að borða reglulega
og ekki sleppa morgunmat! Svo er um að gera að
reyna að finna sér eitthvað hollt til að borða þegar
maður vill teygja sig í óhollustuna, eins og hnetur, jóg-
úrt eða ávexti.
Hver er lykillinn að góðum árangri? Mataræði,
svefn og æfingar. Svo er aðallykillinn, finnst mér, að
hafa gaman af því sem þú ert að gera.
Hver eru erfiðustu meiðsli sem þú hefur orðið
fyrir? Þegar ég braut olnbogann á mér rétt
fyrir Ólympíuleikana 2012. Ég var búin að
vera að æfa fyrir leikana í alveg fjögur
ár og svo meiddist ég rétt áður en ég
átti að fara til London, það tók
verulega á mig andlega. Sér-
staklega af því að ég meiddist
ekki einu sinni þegar ég var að
synda eða lyfta eða neitt slíkt, ég
datt í matvörubúðinni í Frakklandi
þegar ég var að kaupa kex og slíkt
til að hafa uppi á herbergi meðan
við vorum þar í æfingabúðum. En
sem betur fer höfðum við gott teymi
sem hjálpaði mér í gegnum allt og ég
lærði af reynslunni. Meiðslin gerðu mig
sterkari og gerðu það að verkum að ég
er enn ákveðnari í að standa mig
ennþá betur á leikunum árið 2016.
ÍÞRÓTTAKEMPA VIKUNNAR HRAFNHILDUR LÚTHERSDÓTTIR
Slasaðist við kexinnkaup
Það er ekki nóg að passa eingöngu upp á mataræðið því ýmis eitur-
efni inni á heimilinu geta einnig haft skaðleg áhrif á þig og þína. Ef þú
vilt búa til náttúrulegan rúðuúða er hægt að blanda saman 4 msk. af
ediki saman við 1 l af vatni og skrúbba með góðri samvisku.
Náttúrulegur rúðuúði*Munurinn á hinu ómögu-lega og hinu mögulegaliggur í vilja mannsins.
Tommy Lasorda hafnaboltahetja
KEMUR HEILSUNNI Í LAG
EIN TAFLA Á DAG SYKURLAUSAR LITLAR VÍTAMÍNTÖFLUR SEM GOTT ER AÐ GLEYPA
ÍSLENSK FRAMLEIÐSLA