Morgunblaðið - Sunnudagur - 09.03.2014, Blaðsíða 44

Fjármál
heimilanna
Starfsmannaviðtöl borga sig
*Í síðustu launakönnun VR voru heildarlaunfélagsmanna að meðaltali 507.000 kr. á mán-uði en meðalgrunnlaun 473.000 kr. Að jafn-aði var vinnuvika svarenda 43,5 klst á viku.Karlar vinna lengri vinnuviku en konur eða45,1 klst á móti 42,1 klst.Könnunin leiddi m.a. í ljós að þeir sem
fara árlega í starfsmannaviðtal hafa 7,7%
hærri laun.
Stefán Ólafsson er ungur maður á
réttri braut í lífinu. Hann starfar í
hlutastarfi hjá Konfúsíusarstofnuninni
Norðurljósum (www.konfusius.is) en
samhliða því leggur hann stund á
meistaranám í máltækni við HR, en
námið tvinnar saman tölvunarfræði
og málvísindi.
Hvað eruð þið
mörg í heimili?
Við erum þrjú á heimili, ég, unnustan
og dóttir okkar.
Hvað áttu alltaf til
í ísskápnum?
Það er alltaf til mjólk, brauð, ostur,
smjör. Klassískt fóður á morgnana.
Hvað fer fjölskyldan með í
mat og hreinlætis-
vörur á viku?
Það er mismunandi á milli vikna en
ætli það séu ekki um 15 til 20 þúsund
krónur.
Hvar kaupirðu helst inn?
Við kaupum eins lengi og hægt er í
Fjarðarkaupum en þegar veskið tekur
að þynnast förum við í svínið.
Hvað freistar helst í mat-
vörubúðinni?
Ég verð veikur í hnjánum þegar ég sé
bláu Hob-nobs-kexpakkana, það er
eins og heróín. Krakkar, ef einhver
býður ykkur Hob-nobs, segið bara nei.
Hvernig sparar
þú í heimilishaldinu?
Við spörum helst á því að skipuleggja
hvað verður í matinn viku fram í tím-
ann og kaupa fyrir vikuna á einu bretti.
Hvað vantar helst á heimilið?
Á komandi mánuðum verður fjárfest í
flatskjá grunar mig. Ég veit ekki hversu
mikið lengur ég þoli túbuna.
Eyðir þú í sparnað?
Við leggjum alltaf til hliðar í hverjum
mánuði eins mikið og við komumst
upp með.
Skothelt sparnaðarráð?
Það er ekkert skothelt í þessu, en ætli
aðalatriðið sé ekki bara skipulag. Ef þú
veist nokkurn veginn hvað er fram-
undan er auðvelt að ráðstafa pening-
unum.
STEFÁN ÓLAFSSON NEMI
Veikur fyrir Hob-nobs kexi
Stefán reynir að spara með því að skipuleggja útgjöldin vel og helst
kaupa í matinn fyrir alla vikuna á einu bretti.
Morgunblaðið/Þórður
Aurapúkinn horfir varla lengur
á sjónvarp. Í staðinn hefur
hann gerst sinn eigin dagskrár-
stjóri á YouTube.
Þar hefur Púkinn fundið
ógrynni „sjónvarpsstöðva“
sem senda frá sér frumsamið
og vandað efni dag hvern. Púk-
inn er í „áskrift“ að þessum
stöðvum og hefur vanið sig á
að skoða daglega hvort eitt-
hvert áhugavert myndband
hefur verið sett inn.
Efnið er af fjölbreyttum toga
en endurspeglar áhugasvið
Aurapúkans. Blandast þar
saman fræðandi þættir um vís-
indi og heimspeki, hnitmið-
aðar kennslustundir um sögu
og tækni, gamanþættir, um-
ræður um málefni líðandi
stundar og viðtöl við áhuga-
vert fólk.
Púkinn sparar ekki bara pen-
inga með þessu, enda efnið
ókeypis, heldur líka tíma.
Hann ræður hvenær hann
horfir og hverju má sleppa.
Hefðbundnar sjónvarps-
stöðvar af gömlu gerðinni
standast ekki samaburð.
púkinn
Aura-
YouTube er
allt sem þarf
Þ
að er margt sem hugurinn girnist. Eflaust
dreymir flesta um dýrari föt í fataskáp-
inn, flottari bíl í innkeyrslunni og glæsi-
legri húsgögn á heimilinu. Aðra dreymir
um ævintýri og upplifanir: rómantíska viku í
New York, að rápa um gamla markaðinn í
Marrakesh eða þræða aldagömul musteri í frum-
skógum Asíu.
Það er kannski vandinn, að hugurinn girnist
svo margt. Hvað á að hafa forgang og hvað má
bíða?
Hver kannast líka ekki við að hafa keypt eitt-
hvað, til þess eins að sjá eftir kaupunum? Þurfti
ég raunverulega þessa skó? Hefði ekki mátt bíða
með að kaupa þetta sjónvarp? Hefði ekki verið
skemmtilegra að fara til Berlínar en til Brussel?
Hvernig á að henda reiður á öllum draum-
unum, velja, hafna og forgangsraða?
Óskirnar í einu albúmi
Þar kemur tæknin til bjargar.
Ein besta leiðin sem greinarhöfundur þekkir
er að safna öllum draumum og markmiðum í
myndaalbúm, og nota forrit á borð við Picasa til
að búa til „sjónrænan“ óskalista.
Ferlið er nokkurn veginn á þessa leið: Með því
að gera myndaleit á Google (images.google.com)
er auðveldlega hægt að finna mynd af flestu því
sem hugurinn girnist. Væri gaman að eignast
nýjan ísskáp? Kannski með tveimur hurðum og
klakavél? Það þarf bara að slá in orðin á ensku
og Google birtir myndir af óteljandi ísskápum
sem passa við lýsinguna.
Myndirnar af þeim ísskápum sem virðast passa
best og eru fallegastir eru vistaðar í sérstakri
möppu á tölvunni og þar er hægt að bæta áfram
við eftir sömu reglu öllu öðru sem fólki dettur í
hug að það vilji eignast.
Það má t.d. safna myndum af draumafötunum,
safna í albúm fallegum húsgögnum og bús-
áhöldum, eða viða að sér myndum af draumabíl-
unum í uppáhaldslitunum.
Á þessu stigi má oft gera einfalda grisjun á
myndunum sem komin eru í möppuna. Það sést
kannski strax að drauma-Benzinn er fallegri en
drauma-Volvoinn, eða að leðursófinn sem gaman
væri að kaupa er miklu fallegri en tausófinn.
Þá er farið í Picasa, sem er ókeypis ljósmynda-
forrit frá Google. Picasa er hið mesta þarfaþing
sem auðveldar allt skipulag á ljósmyndasafninu
og gerir mögulegt að geyma öryggisafrit í skýinu
með einum músarsmelli. Picasa má líka nota til
að búa til n.k. „klippimyndaalbúm“ (e. collage).
Opna má myndamöppuna sem búið er að safna í
og hrúgar Picasa öllum myndunum á einn stóran
flöt.
Þar er hægt að stækka myndirnar og minnka,
snúa og raða upp eftir eigin höfði. Það er hér
sem forritið gagnast mjög vel til að stilla upp
sambærilegum valkostum á óskalistanum og sjá
hvor hentar betur. Hvort væri betra að hafa ara-
bískt teppi eða þykka ullarmottu með leðursóf-
anum? Hvort myndi fara betur við gráu jakkaföt-
in, svartir skór eða brúnir?
Svona er hægt að vinsa hluti úr listanum smátt
og smátt.
Loks þegar búið er að grisja og sortera er
komin heildarmynd af óskum og markmiðum.
(Fyrir óáþreifanlega hluti s.s. ferðalög á ákveðna
áfangastaði eða að greiða upp tilteknar skuldir,
má setja táknrænar myndir, s.s. af Eiffel-
turninum eða af seðlabúntum).
Hvað á að hafa forgang?
Nú má byrja að forgangsraða. Hvað langar þig
mest í? Hvað á að koma á undan hverju? Raða
má lóðrétt eða lárétt og jafnvel sortera listann í
ólíka flokka þar sem hvert atriði hefur sína for-
gangsröðun, t.d. ein röð af draumaferðalögum,
önnur röð af draumahúsmunum og enn önnur af
draumafatnaði.
Útkoman er skýrt yfirlit og vegvísir sem nota
má til að skipuleggja útgjöldin og ná fram há-
markshamingju fyrir hverja krónu.
GÚGGLAÐU ÞAÐ SEM ÞIG LANGAR Í
Úthugsaður óskalisti
NOTENDAVÆNT LJÓSMYNDAFORRIT OG ÓTÆMANDI MYNDASAFN NETSINS
SKAPAR ÁHUGAVERÐA NÝJA LEIÐ TIL AÐ FORGANGSRAÐA
Ásgeir Ingvarsson ai@mbl.is
Sýnishorn af óskalista sem púslað hefur verið saman með ljósmyndaforritinu Picasa.