Morgunblaðið - 09.05.2014, Blaðsíða 42

42 MENNING
MORGUNBLAÐIÐ FÖSTUDAGUR 9. MAÍ 2014
–– Meira fyrir lesendur
NÁNARI UPPLÝSINGAR GEFUR:
Katrín Theódórsdóttir
Sími: 569 1105
kata@mbl.is
PÖNTUNARFRESTUR AUGLÝSINGA:
fyrir kl. 16 mánudaginn 19.maí.
GARÐAR OG GRILL
Blaðið verður með góðum upplýsingum um garðinn,
pallinn, heita potta, sumarblómin, sumarhúsgögn
og grill ásamt girnilegum uppskriftum.
SÉRBLAÐ
Morgunblaðið
gefur út
glæsilegt
sérblað um
garða og grill
föstudaginn
23. maí
Einar Falur Ingólfsson
efi@mbl.is
Líklega má sjá ákveðin áhrif frá
kúbismanum í verkunum, og svo hef
ég verið að hugsa um íkona, eins og
hérna,“ segir Ragnar Þórisson
myndlistarmaður og bendir á eitt
verkið á sýningunni sem hann opnar
í dag klukkan 17 í Tveimur hröfnum
listhúsi, að Baldursgötu 12.
Misstór málverk Ragnars eru öll
af fólki, sýna misljós mannsform og
á sumum þeirra horfir fólkið fram,
Ragnar bendir á eitt slíkt. Hinir
helgu menn sem klassískir íkonar
sýna horfast í augu við heiminn en fí-
gúrur Ragnars eru hinsvegar flótta-
legri, það er óljóst hvort þær treysta
sér til að takast á við lífið. Það er
angist í þessum verkum, uppbrotin
sjálf.
Þetta er þriðja einkasýning Ragn-
ars, sem útskrifaðist úr Listaháskóla
Íslands árið 2010. Hann sýndi áður í
Gallerí Ágúst árið 2012 og í Kling &
Bank í fyrra; báðar sýningar vöktu
athygli gesta á þessum efnilega mál-
ara. Hann hlaut í fyrra styrk úr
Styrktarsjóði Svavars Guðnasonar
og Ástu Eiríksdóttur.
Forvitni um mótun
„Flest þessi verk eru máluð á
þessu ári,“ segir Ragnar. „Ég ákvað
á sínum tíma að velja mér þetta mót
að vinna með, manneskjuna. Það er
líklega einfaldasta hugmyndin en
möguleikarnir eru líka margir.
Hjá mér er þetta líka forvitni um
mótunina á mannsforminu, ég hef til
dæmis verið að skoða skúlptúra mik-
ið að undanförnu. Þá kvikna ýmsar
spurningar um form og mótun, til að
mynda hvað andlit þurfi að vera
skýrt til að vera andlit.
Það er búið að gera þetta allt, það
er búið að taka þennan mannslíkama
í sundur og greina á alla vegu í list-
inni, en það má auðveldlega halda
leiknum áfram.“
Þegar haft er á orði að skynja
megi ákveðna sálarangist persón-
anna á strigunum, þá brosir Ragnar
og kveðst vera hrifinn af slíku, ein-
hverri sálarglímu.
Litanotkun hans vekur athygli,
litirnir eru dempaðir og bornir
þunnt á, gagnsæið er mikið og skín
víða í strigann.
„Ég nota tusku til að rífa litina
upp þegar ég hef borið þá á,“ út-
skýrir hann. „Ég nánast skissa
myndirnar fyrst á strigann, vinn svo
í kringum það og móta formin.
Stundum geng ég of langt og þá
missi ég myndina frá mér. Þá verð
ég að byrja upp á nýtt. Yfirleitt geri
ég einhverskonar útlínur að andliti
en reyni svo að taka það í einhverja
óvænta átt, draga úr eða stroka yfir.
Ef ég mála yfir verk og ætla að end-
urtaka það, í sama anda, þá get ég
það ekki. Það verður aldrei eins,
verður stirðara og lífið fer úr því.“
En hvernig er lífi komið í mál-
verk?
„Það er erfitt að meta,“ segir hann
lágvær og brosir. „Stundum er það
heppni, maður hættir í miðri mynd
og tekur síðan eftir því að þar er
komið eitthvað nýtt og spennandi.
Svo kemur líka fyrir að maður verði
að bíða, kannski í allt að mánuð, eftir
að sjá hvort þetta sé tilbúið. Það get-
ur tekið tíma að venjast verkum.“
Ragnar segist hafa byrjað að mála
mannsform strax í fornáminu í
Myndlistaskólanum í Reykjavík.
„Þar kynntist ég mörgu og hreifst af
einhverjum horrormyndum sem
urðu stór partur af myndlistarsög-
unni, ég tengdi við það.“ Og í
Listaháskólanum ákvað hann á öðru
ári að einbeita sér að málverkinu,
„og hætta að stússast í hljóði og slík-
um miðlum,“ eins og hann segir.
„Ég vildi einbeita mér að einu, því
að mála. Ég fékk næði til þess.“
Ragnar segir að lokum að það geri
sér gott að sýna reglulega. „Út úr
sýningunni kemur eflaust eitthvað
óvænt sem auðveldar mér að halda
áfram. Nú getur nýr kafli hafist.“
Hinir fjölmörgu möguleikar
mannsmyndarinnar
 Ragnar Þórisson sýnir í Tveimur hröfnum listhúsi  Einbeitir sér að málverki
Morgunblaðið/Einar Falur
Glíma Málverkin sem Ragnar Þórsson málar sýna tætta einstaklinga. „Það er búið að taka þennan mannslíkama í
sundur og greina á alla vegu í listinni, en það má auðveldlega halda leiknum áfram,“ segir hann.
Vegna góðrar aðsóknar blæs Hug-
leikur til aukasýningar á bannára-
söngleiknum Stund milli stríða eftir
Þórunni Guðmundsdóttur í leik-
stjórn Jóns St. Kristjánssonar í
Tjarnarbíói í kvöld kl. 20.
Verkið er 30 ára afmælissýning
félagsins og segir frá ástum og
kreppuraunum nemenda og kenn-
ara við húsmæðraskóla í Reykjavík
á millistríðsárunum. Skömmtun,
vínbann og spilling setur svip á
mannlífið, og vofa þjóðernisofstæk-
isins er ekki langt undan heldur.
Engu að síður stýrir lífsgleðin
hjörtum fólksins og allir bresta í
söng þegar minnst varir. Jafnvel
lögregluþjónar og nasistar.
Sýningin var nýverið valin at-
hyglisverðasta áhugaleiksýning
leikársins að mati Þjóðleikhússins.
Aukasýning
á Stund milli
stríða
Kreppa Úr Stund milli stríða.
Á næstu
tónleikum
tónleika-
raðarinnar
„Á ljúfum
nótum“
sem fram
fara í Há-
teigskirkju
í dag kl.
12.00-12.30
mun Ingrid Örk Kjartansdóttir
flytja djassballöður úr ýmsum átt-
um. Ásamt henni leika Leifur
Gunnarsson á kontrabassa og Vign-
ir Þór Stefánsson á píanó.
Ingrid lauk BA námi í tónlistar-
fræði frá Kaupmannahafnarhá-
skóla þar sem hún einnig lagði
stund á djasssöng undir leiðsögn
Britt Hein.
Djasstónar í
Háteigskirkju
Ballöður Leifur og
Ingrid leika í hádeginu.
Yfirvöld hafa ákveðið að hefja rann-
sókn á framkvæmdum við tónlistar-
höll fílharmóníuhljómsveitarinnar í
Hamborg. Höllin, sem verið er að
reisa við ána Saxelfi, er orðin að pen-
ingahít og á að kanna hvort refsivert
athæfi hafi átt sér stað við byggingu
hennar.
Talsmaður saksóknaraembætt-
isins í Hamborg staðfesti á miðviku-
dag að í lok apríl hefði verið hafin
rannsókn á málinu. „Við ætlum að
rannsaka hvort í skýrslu rannsókn-
arnefndar þingsins sé að finna vís-
bendingar um refsivert athæfi, sem
enn er hægt að fylgja eftir, það er
sem ekki er fyrnt,“ sagði talsmað-
urinn, Nana Frombach.
Skýrslan er 724 síður. Þar er því
lýst hvernig kostnaðurinn fór úr
böndum og framkvæmdir drógust við
þetta metnaðarfulla verkefni, sem
átti að verða rós í hnappagat hafnar-
borgarinnar.
Samkvæmt skýrslunni fór margt
úrskeiðis. Áætlanagerð var ófull-
nægjandi, skortur var á eftirliti póli-
tískt kjörinna ráðamanna og á vinnu-
stað ríkti glundroði. Upphaflega átti
fílharmónían að kosta 77 milljónir
evra (rúmlega 12 milljarða króna) úr
vösum skattborgara, en hann tífald-
aðist og er kominn í 789 milljónir evra
(123 milljarða króna). Fyrst átti að
opna húsið 2010, en því var frestað til
2017.
Í skýrslunni eru nafngreindir
stjórnmála- og embættismenn sagðir
hafa brugðist, þar á meðal fyrrver-
andi borgarstjóri Hamborgar, Ole
von Beust, verktakinn Hochtief og
svissneska arkitektastofan Herzog &
de Meuron. Stofa arkitektanna Jac-
ques Herzog og Pierre de Meuron er
ein sú virtasta í heimi og hefur hlotið
fjölda viðurkenninga. Í skýrslunni
segir að arkitektarnir hafi bent á að
vegna ófullnægjandi áætlanagerðar
sé hætta á að áætlanir um kostnað
standist ekki. Stjórnandi verkefnisins
á vegum borgarinnar hafi ákveðið að
leiða þær viðvaranir hjá sér.
Í fyrra lá við að framkvæmdir
stöðvuðust við höllina, en eftir miklar
pólitískar deilur gerði borgarstjórinn
Olaf Scholz, sem er úr röðum jafn-
aðarmanna, samkomulag við verk-
takann um að klára með ákveðnum
tryggingum. Aðrir flokkar í borgar-
stjórn voru á móti, þar á meðal kristi-
legir demókratar. Von Beust, sem hóf
framkvæmdir 2006, er úr þeirra röð-
um.
Höllin er í hafnarhverfi Hamborg-
ar. Hún er reist ofan á gömlu vöru-
húsi og verður 110 metrar á hæð.
AFP
Peningahít Ókláraða fílharmóníuhöllina við Saxelfi ber við kvöldhimininn í
Hamborg. Tafir og tíföldun kostnaðar hafa vakið reiði borgarbúa.
Fílharmónían peningahít
 Kostnaður við
tónleikahöll í Ham-
borg tífaldaðist