Morgunblaðið - 26.06.2014, Síða 15
15
MORGUNBLAÐIÐ FIMMTUDAGUR 26. JÚNÍ 2014
Kringlunni 4 | Sími 568 4900
ÚTSALAN
hefst í dag
40%
afsláttur
Viðar Guðjónsson
vidar@mbl.is
Ef spár ganga eftir verður veðrið
einna best á Suðausturlandi. Þar má
finna gnótt náttúruperla enda um-
lykur Vatnajökulsþjóðgarður stóran
hluta svæðisins. Innan hans ætti
hver sem er að geta fundið eitthvað
við sitt hæfi, hvort sem þú ert æv-
intýraþyrstur ofurhugi eða kýst að
skoða landið með hægð. Vatnajök-
ulsþjóðgarður var stofnaður árið
2008. Hann nær yfir allan Vatna-
jökul og stór svæði í nágrenni hans,
þar á meðal þjóðgarðana sem fyrir
voru í Skaftafelli og Jökulsár-
gljúfrum.
Jafnvel selir á svamli
Gönguleiðir innan Vatnajökuls-
þjóðgarðs og á friðlýstum svæðum í
umsjá þjóðgarðsins eru fjölmargar.
Þær eru mislangar og miserfiðar,
sumar eru stikaðar, aðrar ekki.
Finna má ótal gönguleiðir um
Öskju, Herðubreiðarlindir, Hvanna-
lindir, Jökulsárgljúfur, Kverkfjöll,
Laka, Lónsöræfi, Skaftafell og Snæ-
fellsöræfi. Þeir sem vilja hins vegar
reyna á sig á annan hátt geta farið á
Vatnajökul og skriðjökla undir leið-
sögn leiðsögumanna. Þá geta þeir
sem hafa meiri þörf fyrir hraða
ferðast um jökulinn á vélsleða eða á
sérútbúnum fjallajeppum. Jökuls-
árlón er ein þekktasta náttúruperla
landsins og um það er hægt að
ferðast á báti umvafinn þúsund ára
gömlum ísjökum sem þar fljóta um.
Ef heppnin er með má jafnvel sjá
sel eða tvo á svamli.
Skaftafell var lögformlega fest
sem þjóðgarður árið 1967 og hefur
allt frá því að Skeiðarársandur var
brúaður verið vinsæll áfangastaður
jafnt innlendra sem erlendra ferða-
manna. Stuttar og auðveldar leiðir
liggja að Svartafossi og Skaftafells-
jökli, en fyrir þá sem vilja fara
lengra eru Morsárdalur og Krist-
ínartindar helstu áfangastaðir. Ná-
lægð við Öræfajökul gerir Skaftafell
líka að kjörinni bækistöð þeirra sem
ætla að ganga á hæsta tind landsins,
Hvannadalshnjúk.
Lón og gönguleiðir í Hoffelli
Við Hoffell í Nesjum skammt
norðan Hafnar í Hornafirði er Hof-
fell; fornt höfuðból í jaðri mikilla
fjalla og Vatnajökull þar að baki.
Hoffellsjökull er með stærstu skrið-
jöklum sem ganga úr Vatnajökli en
hefur síðan á fyrri hluta síðustu ald-
ar hopað mikið. Því hefur myndast
djúpt lón fyrir framan jökultunguna
sem á fljóta stórir ísjakar. Vegslóði
liggur að jökulöldu í jaðri Hoffells-
jökuls og fæst þaðan gott útsýni yfir
jökulinn og lónið.
Austan Hoffellsjökuls eru Hof-
fellsfjöll og Núpar; mikið fjalllendi
sem um liggur fjöldi gönguleiða.
Stutt hringleið er um Geitafells-
björg og einnig má ganga á topp
Geitafells. Lengri ganga er norður
að Múla og Gjánúpi en þar blasa við
snarbrött fjöll sem smöluð eru á
hverju hausti. Á þeirri leið þarf að
þvera Efstafellsgil sem er aðeins
fyrir fótvissa fjallamenn.
Fjórar gestastofur
Innan Vatnajökulsþjóðgarðs eru
fjórar gestastofur: Gljúfrastofa í Ás-
byrgi, Gamlabúð á Höfn, Skafta-
fellsstofa í Skaftafelli og Snæfells-
stofa á Skriðuklaustri. Þar geta
gestkomandi fengið nánari upplýs-
ingar um afþreyingu á viðkomandi
svæði.
Endalausir möguleikar
Morgunblaðið/Sigurður Bogi
Skaftafell Í Vatnajökulsþjóðgarði eru ótalmargir afþreyingarmöguleikar,
gönguleiðir og gististaðir í tugatali. Stórbrotin náttúran svíkur engan.
Neðan Almannaskarðs liggur vegur
að Stokksnesi sem er sandleira og
er stundum hulin vatni. Hægt er að
fara í styttri og lengri gönguferðir
á svæðinu að sögn Ómars Antons-
sonar, eiganda jarðarinnar. Mikið
dýralíf er á svæðinu og meðal þess
sem hægt er að berja augum eru
fuglar, selir og stundum hvalir. Þá
er einstakt að standa við klettana
þegar brimið skellur á þeim og upp-
lifa kraftinn í Atlantshafinu.
Vegurinn út á Stokksnes var
lagður fyrir rétt rúmum fímmtíu
árum en þá hófust framkvæmdir
við ratsjárstöð Bandaríkjahers á
Stokksnesi. Mannvirkin settu mik-
inn svip á Stokksnes á árum áður en
þar voru meðal annars fjórir fjar-
skiptaskermar og hvítir kúlulaga
geymar sem nýttir voru til eftirlits
lands- og lofthelgi Íslands. Flest
þessara mannvirkja hafa verið rifin
en í dag rekur Ratsjárstofnun eft-
irlitsstöð á svæðinu.
Í vikunni hóf Ómar Antonsson að
rukka ferðamenn um gjald fyrir
komu þeirra á svæðið en hann hef-
ur eytt yfir tíu milljónum í upp-
byggingu á svæðinu undanfarin ár.
Kostnaðurinn er að mestu tilkom-
inn vegna viðhalds vegarins, sem
hann heldur sjálfur við. „Þetta virk-
ar vel, ferðamenn eru mjög ánægð-
ir með þetta og fá þeir núna upplýs-
ingar um svæðið. Áður fyrr gaf fólk
sér lítinn tíma til að skoða það en
það staldrar lengur við í dag,“ segir
Ómar. Hann segir eðlilegt að rukka
inn á svæðið til að standa straum af
kostnaði við að halda því við. „Á ég
að rukka þetta inn í tertusneiðinni?
Þar borgar fólk fyrir sína tertu og
sitt kaffi en ekki fyrir viðhald á
veginum og öllu svæðinu,“ segir
Ómar.
Ljósmynd/Runólfur Hauksson
Sjávarhver Þegar illa viðrar til sjós skellur brimið á klettunum og myndast
þar sjávarhver. Kallast hann Hundaskora og er austan við hafnartangann.
Selir og sjávar-
brim á Stokksnesi