Morgunblaðið - Sunnudagur - 29.06.2014, Page 16
LEIKVELLIR Á HÖFUÐBORGARSVÆÐINU HAFA STUNDUM
VERIÐ GAGNRÝNDIR FYRIR AÐ VERA EINSLEITIR. VÍÐA Á
HÖFUÐBORGARSVÆÐINU ER ÞÓ HÆGT AÐ KOMAST Í GRÆN
SVÆÐI OG UPPLIFA EINS KONAR SVEIT Í BORG.
Leiksvæði
í bakgarði
höfuðborgarinnar
Guðmundarlundur
Í lundinum er töluvert skógarsvæði með skemmtilegum
stígum og lundum, grasblettum og grillum. Fjögur útigrill eru
í lundinum – þar af tvö í grillhúsi með borðum og bekkjum.
Lundurinn er oft þéttsetinn og jafnvel pantaður fyrir
skemmtanir og aðra viðburði.
Gott ráð: Hægt er að hringja í Skógræktarfélag Kópavogs
til að kann hvort lundurinn er pantaður.
Laugardalurinn
Eitt vinsælasta
útivistarsvæði
borgarbúa
er klassískur
stoppistaður
fjölskyldunnar. Auk leiktækjanna í
Fjölskyldu- og húsdýragarðinum er fínasti
leikvöllur ofan við þvottalaugarnar.
Gott ráð: Ganga með börnin um
Grasagarðinn og leyfa þeim að kynnast
gróðrinum. Þvottalaugarnar eru líka tilvaldar
til að fræða börnin um fyrri tíð.
Fjöruferð
Það er fátt
skemmtilegra en að
fara í fjöruferð með
fötu og skóflu og skoða
hverju hafið hefur
skolað á land. Fjaran á
Álftanesi, Seltjarnarnesi
eða Kjalarnesi er alltaf
heillandi en betra að skoða hvenær er fjara og hvenær
flóð. Slíkt skiptir máli.
Gott ráð: Gera listaverk með límbyssu úr því sem finnst.
Hljómskálagarðurinn
Leiksvæðið gekk fyrir
skömmu í endurnýjun lífdaga
með nýjum leiktækjum og
betri frágangi á undirlagi.
Hægt að taka teppi, nesti
og eiga góðan dag hvort
sem það er sól eða rigning
enda er hægt að njóta bæði
náttúru og mannlífs í einu.
Gott ráð: Ágætt er að hafa
bæði sólarvörn og regnhlíf
með. Aldrei að vita hvernig
viðrar..
Klambratún
Nánast í miðri Reykjavík
er Klambratúnið þar
sem hægt er að vera
daglangt. Börnin geta
sveiflað sér í aparólunni,
spilað körfubolta eða
hlaupið um. Tvö útigrill eru á túninu og bekkir til
að sitja á.
Gott ráð: Taka frisbídisk með og prófa frisbígolf.
Ef rignir er hægt að fara í föndurherbergið á
Kjarvalsstöðum.
Fossvogur/Nauthólsvík
Hjóla- og göngustígar
liggja nú um borgina
þvera og endilanga. Því
er auðvelt að komast
um Fossvoginn á hjóli
eða tveimur jafnfljótum.
Nauthólsvíkin er tilvalinn áfangastaður eftir hjólatúr
um Fossvogsdalinn.
Gott ráð: Ekki gleyma nestinu, það er nauðsynlegt
að stoppa og nærast í langri hjólaferð.
Benedikt Bóas benedikt@mbl.is
16 MORGUNBLAÐIÐ SUNNUDAGUR 29.6. 2014
Fjölskyldan Hvar og hvenær: Borgarbókasafn Reykjavíkur, Tryggvagötu 15. Nánar: Nú er hver aðverða síðastur að sjá sýningu Borghildar Óskarsdóttur, Þráður á landi, en henni lýkur á
sunnudag. Verkið er um fimm kynslóðir sömu ættar, sem bjó á sjö býlum á Rangárvöllum
og í Landsveit frá 1760 til 1941. Sýningin var á dagskrá Listahátíðar í Reykjavík.
Síðasti séns að sjá Þráð á landi
Veiðidagur fjölskyldunnar verður haldinn sunnudaginn 29. júní. Þá gefst lands-
mönnum kostur á að veiða án endurgjalds í 31 vatni víðsvegar um landið.
Landssamband stangveiðifélaga hefur staðið fyrir Veiðidegi fjölskyldunnar í
hartnær 30 ár. Hugmyndin á bak við daginn er að kynna stangveiði sem fjöl-
skylduíþrótt. Á eftirtöldum veiðistöðum verður frítt fyrir alla fjölskylduna:
Á Suðurlandi: Geitabergsvatni, Þórisstaðavatni, Elliðavatni, Meðalfells-
vatni, Þingvallavatni fyrir landi þjóðgarðsins, Úlfljótsvatni og Gíslholtsvatni. Á
Vesturlandi og Vestfjörðum: í Langavatni á Mýrum, Hítarvatni, Vatnasvæði
Lýsu, Hraunsfjarðarvatni, Hraunsfirði, Baulárvallavatni, Haukadalsvatni,
Vatnsdalsvatni og Syðridalsvatni.
Á Norðurlandi: Hópinu, Höfðavatni, Vestmannsvatni, Botnsvatni, Ljósa-
vatni, Hraunhafnarvatni, Æðarvatni, Arnarvatni, Kringluvatni og Sléttuhlíð-
arvatni.
Á Austurlandi: Haugatjörnum, Urriðavatni, Langavatni, Víkurflóði og
Þveit.
VEIÐIDAGUR FJÖLSKYLDUNNAR
Morgunblaðið/Ómar
Stangveiði sem
fjölskylduíþróttHlý og notaleg í útivistina
www.ullarkistan.is
Laugavegi 25, 101 Reykjavík. Sími 552-7499 | Hafnarstræti 99-101, 600 Akureyri. Sími 461-3006
Hágæða ullarföt
fyrir alla fjölskylduna
á frábæru verði