Morgunblaðið - Sunnudagur - 14.09.2014, Page 21

14.9. 2014 MORGUNBLAÐIÐ SUNNUDAGUR 21
Fleiri gistingar á uu.is
Úrval Útsýn er í Hlíðasmára 19, Kópavogi.
Sími 585 4000 www.uu.is
19 nætur
22. Okt. – 10. nóv.
HHHH
Hotel La Siesta
Tvíbýli með hálfu fæði.
249.900 kr.
á mann miðað við
tvo fullorðna.
Afmælisferð með
Kjartani Trausta
Skemmtanastjóra
Jóhann Freyr
Björgvinsson
Fararstjóri
Fjalar Ólafsson
Fararstjóri
Kjartan Trausta þekkja margir, hann
er fæddur og uppalinn á Akranesi og
hefur verið skemmtana- og fararstjóri
erlendis á ársgrundvelli í um 25 ár.
Þessi 75 ára afmælisferð Kjartans
Trausta verður ógleymanleg.
stemningin sé samt öðruvísi á
heimavöllum þeirra. „Hún er al-
þjóðlegri enda er langt síðan fót-
boltinn var ferðamannavæddur í
Englandi.“
Hlakkar til að
koma á Anfield
Auk Stamford Bridge og Highbury
hefur Hjálmar stungið við stafni á
Old Trafford, heimavelli Manchest-
er United, og fyrirhuguð er ferð á
Anfield Road í Liverpool nú í októ-
ber. Þar ætlar Hjálmar með nokk-
urra daga millibili að sjá Rauða
herinn glíma við Real Madrid í
meistaradeildinni og Hull City í
úrvalsdeildinni. „Ég hlakka til að
koma á Anfield en mörgum sögum
fer af rómaðri stemningu þar.“
Hjálmar á enn eftir að heim-
sækja Emirates Stadium, hinn
nýja heimavöll Arsenal, og White
Hart Lane, heimavöll Tottenham
Hotspur, en hefur áform þar um.
„Bara að miðasölukerfi þessara
ágætu félaga hendi mér ekki alltaf
út,“ segir hann sposkur á svip.
Það eru fleiri en risarnir sem
stíga ekki dans. Þannig kom
Hjálmar einu sinni að luktum dyr-
um á Griffin Park, heimavelli
Brentford, sem nú leikur í B-
deildinni. Það var engin leið að fá
miða.
Vellirnir sem Hjálmar hefur
heimsótt á landsbyggðinni eru Go-
odison Park (Everton), Britannia
Stadium (Stoke City), St. Mary’s
(Southampton) og svo auðvitað
Molineux (Úlfarnir). Af völlum sem
eru ofarlega á heimsóknarlistanum
nefnir Hjálmar Elland Road en
Brynjar bróðir hans, sem oft er
með í för, er einmitt grjótharður
Leedsari. „Hann hefur samt
taugar til West Ham held ég líka
vegna linnulauss áróðurs af minni
hálfu.“
Hann brosir.
Slagsmál brutust út
Hjálmar á vini í Southampton, ís-
lenska konu og eiginmann hennar,
Breta af gamla skólanum, og fór
einu sinni með þeim á völlinn – að
sjá Southampton gegn West Ham.
Þar er fótboltinn einmitt svona
fjölskyldusport, allir fara saman á
völlinn, ungir sem aldnir, karlar og
konur.
Eins og á Molineux gleymdi
Hjálmar sér hér um bil þegar
West Ham jafnaði en náði á elleftu
stundu að koma böndum á tilfinn-
ingar sínar. Eins gott því skammt
frá í stúkunni brutust út slagsmál.
„Ég veit það ekki fyrir víst en
mögulega hefur West Ham-maður
komið þar við sögu,“ segir Hjálm-
ar og prísar sig sælan. „Þetta eru
mjög heitar tilfinningar!“
Hann hefur fyrir venju að kaupa
minjagripi á hverjum velli fyrir
sig, keppnistreyjur heimaliðsins,
og á orðið dágott safn.
Enda þótt Hjálmar hafi fram að
þessu haldið sig við England segir
hann vel koma til greina að sjá
leiki víðar í framtíðinni, svo sem í
Þýskalandi og á Spáni. Nefnir
hann Borussia Dortmund sér-
staklega í því sambandi enda sé
Westfalenstadion annálaður fyrir
góða stemningu.
Upton Park kvaddur
Auk Liverpool-ferðarinnar er
Hjálmar staðráðinn í að fara á Up-
ton Park í vetur en sem kunnugt
er yfirgefur West Ham völlinn á
næsta ári og flytur sig yfir á Ól-
ympíuleikvanginn. Sjálfur er hann
á báðum áttum varðandi þau vista-
skipti. „Auðvitað verður gaman að
flytja á stærri völl og kannski gott
fyrir félagið. Á móti kemur að
andrúmsloftið á örugglega eftir að
breytast. Hvort það verður betra
eða verra mun tíminn leiða í ljós.“
Ekki er ólíklegt að formaður
finnska blaðamannafélagsins, Arto
Nieminen, verði með Hjálmari í
för þegar Upton Park verður
kvaddur. „Af fimm formönnum
blaðamannafélaganna á Norð-
urlöndunum hafa tveir áhuga á fót-
bolta, ég og Arto, og svo skemmti-
lega vill til að við höldum báðir
með West Ham. Hann var búinn
að sjá marga leiki áður en hafði
ekki upplifað sigur fyrr en við fór-
um saman í annað skipti. Núna vill
hann helst ekki fara án mín!“
Fótbolti er undanþeginn lógík.
Framhlið Craven Cottage, heimavallar Fulham, á bökkum Thames. Erfitt er að sjá að þarna sé fótboltavöllur.
Morgunblaðið/Árni Sæberg
Hjálmar Jónsson í herklæðum West
Ham United sem hann hefur stutt í hér
um bil hálfa öld. Á borðinu er sýnishorn
af treyjunum sem hann hefur safnað á
ferðum sínum á enska sparkvelli.
Hjálmar fyrir utan Upton Park, heimavöll West Ham. Hann reynir að
heimsækja völlinn einu sinni á leiktíð. Á næsta ári flytur félagið á nýjan völl.