Morgunblaðið - Sunnudagur - 14.09.2014, Side 52
Í myndum
52 MORGUNBLAÐIÐ SUNNUDAGUR 14.9. 2014
irbæri hér á landi, eins og firðir, eru alls
ekki svo hversdagsleg úti í hinum stóra
heimi.
Bæjarstemning og öryggi
Hann lýkur einnig lofsorði á Reykjavík en
einum degi var varið í skoðunarferð um höf-
uðborgina. „Það eru margar fallegar bygg-
ingar í Reykjavík og ég nefni tónlistarhúsið
Hörpu sérstaklega í því sambandi. Það er
ótrúlegt að slík bygging hafi risið strax eftir
bankahrunið. Fyrir okkur sem búum í risa-
borgum eins og Los Angeles og New York
er Reykjavík meira eins og lítill bær en borg
en hafandi sagt það er ótrúlega margt þar á
seyði. Blómlegt menningarlíf, góðir veitinga-
staðir og næturlíf. Þess utan býr Reykjavík
að ómetanlegum kosti, manni finnst maður
vera öruggur þar.“
Spurður hvað hafi komið honum mest á
óvart nefnir Bernstein tvennt. Annars vegar
hvað Ísland sé í raun frábrugðið hinum lönd-
unum á Norðurlöndum en fólk hafi tilhneig-
ingu til að setja þau öll undir sama hatt.
Hins vegar hvað Ísland hafi náð sér fljótt á
strik eftir hrunið. „Það er allt annar andi
hérna en 2010, þegar ég kom fyrst. Ég efast
um að nokkur maður hafi búist við því að
þjóðin myndi rétta svona hratt úr kútnum.“
Bernstein er kunnugt um þá staðreynd að
ferðamennsku hafi vaxið fiskur um hrygg á
Íslandi frá hruni og tengir það, alltént að
hluta, eldgosinu í Eyjafjallajökli. „Allt í einu
var Ísland í heimsfréttunum, dag eftir dag.
Fólk sem aldrei hafði heyrt landsins getið
vissi nú hvar það var og þótti það framandi
og forvitnilegt. Auglýsing af bestu gerð og
ókeypis í þokkabót. Það er ótrúlegt til þess
að hugsa að þjóð sem telur ekki nema rúm-
lega þrjú hundruð þúsund manns skuli geta
tekið á móti öðrum eins fjölda ferðamanna á
ári hverju.“
Ótvíræð sóknarfæri
Hann segir sóknarfærin ótvíræð. „Heimurinn
er alltaf að minnka og fólk ferðast mun
meira en það gerði. Það er búið að upplifa
svo margt að það er í auknum mæli farið að
leita að einhverju nýju og umfram allt öðru-
vísi. Þegar maður býr í New York sætir það
engum sérstökum tíðindum að koma til
Lundúna eða Parísar. Það sætir á hinn bóg-
Kajaksigling í
höfninni á Ísafirði.
Susanna og Claudia með Oliver
frænda sínum í Seljavallalaug.
Jane Bernstein bregður sér á hestbak á leið inn í Stakkholtsgjá. Hópurinn fótar sig á nýja eldfjallinu á Fimmvörðuhálsi. Borðið svignaði undan krásunum við komuna í Þórsmörk.
Dan Bernstein og dætur hans, Claudia og
Susanna, glöð í bragði við Skógarfoss.
inn tíðindum að koma á Fimmvörðuháls.“
Bernstein er að vísu svolítið hissa á verð-
laginu á Íslandi, töluvert dýrara sé að versla
í Reykjavík en New York. „Það kom mér á
óvart, svo skömmu eftir efnahagskreppuna,
en er vísbending um það að landið sé aftur
komið á beinu brautina.“
Til að geta notið þessarar ævintýraferðar
aftur og aftur þótti Bernstein mikilvægt að
hafa atvinnuljósmyndara með í för. Hann
vildi heimamann og var bent á Árna Sæberg,
ljósmyndara Morgunblaðsins, sem hefur
mikla reynslu af því að mynda við erfiðustu
skilyrði. Fylgdi hann hópnum hvert fótmál
alla dagana. „Það er ekki fyrir hvern sem er
að taka ljósmyndir í 360 gráða landslagi og
við erum í skýjunum með myndirnar hans
Árna. Þær eru frábærar og eru þegar farnar
að vekja athygli í kringum okkur. Það var
afskaplega gaman að hafa Árna með okkur,
hann er elskulegur náungi og undir lok ferð-
arinnar var hann eiginlega orðinn eins og
einn úr fjölskyldunni.“
Varla þarf að spyrja Bernstein hvort skón-
um verði stefnt aftur til Íslands. „Heldur
betur. Við vorum í átta daga og það var alls
ekki nóg. Það er margt sem við eigum eftir
að sjá og gera. Fyrir flest okkar var þetta
bara forsmekkurinn.“
Vill halda tónleika á Íslandi
Með í för var tónlistarkonan Caroline Polac-
hek úr hljómsveitinni Chairlift, en hún teng-
ist eiginkonu Bernsteins fjölskylduböndum,
og hana dauðlangar víst að halda tónleika á
Íslandi, helst strax í haust. „Caroline er
býsna vel þekkt í Bandaríkjunum en auk
Chairlift, sem hefur sent frá sér tvær plötur,
kemur hún fram undir nafninu Ramona Lisa.
Fyrsta sólóplatan hennar kom út fyrr á
þessu ári. Caroline er líka afkastamikill laga-
smiður og á meðal annars lag á nýjustu
plötu Beyoncé,“ segir Bernstein.
Dætur Bernsteins, sem eru á unglingsaldri,
vilja ólmar koma aftur til Íslands næsta sum-
ar en hann segir þau hjónin vel geta hugsað
sér að koma næst að vetri til. „Við stundum
bæði göngu- og alpaskíði, þannig að gaman
yrði að prófa það á Íslandi. Þá hefur konuna
mína alla tíð dreymt um að sjá norðurljósin,
sem var vitaskuld ekki í boði í ágúst.
Það er margt sem togar í okkur.“