Morgunblaðið - Sunnudagur - 09.11.2014, Blaðsíða 16

16 MORGUNBLAÐIÐ SUNNUDAGUR 9.11. 2014
Fjölskyldan Hvar og hvenær? Háskóla Íslands, Sæmundargötu 2, laugardag kl.12-16. Nánar: Geysivinsæll flóamarkaður hefur fest sig í sessi á
Háskólatorgi í Háskóla Íslands. Þar selja nemendur skólans af sér
spjarirnar og leynast þar ýmsar gersemar.
Háskólaport
Þáttastjórnandinn með meiru,Sigríður Arnardóttir, beturþekkt sem Sirrý, hefur
sent frá sér aðra barnabók um
tröllastrákinn Vaka, „Tröllastrák-
urinn eignast vini“, og er sjálf-
stætt framhald af bókinni
„Tröllastrákurinn sem gat ekki
sofnað“. Söguna skrifar Sirrý og
Freydís Kristjánsdóttir myndlist-
arkona teiknar myndirnar.
„Sagan um tröllastrákinn er
saga sem ég samdi sjálf og
sagði strákunum mínum þegar
þeir voru litlir. Svo liðu árin og
ég losnaði ekki við söguna úr
kollinum,“ segir Sirrý. „Þá
fannst mér eitthvað svo sjálfsagt
að koma henni á framfæri og
deila henni með öðrum. Að lesa
fyrir börn er eitt það mikilvæg-
asta sem foreldrar geta gert fyr-
ir börn sín. Um leið og ég sendi
síðan fyrri bókina frá mér, þá
kviknaði hugmyndin að næstu
bók.“ Eiginmaður Sirrýjar, Krist-
ján Franklín Magnús leikari, les
inn á geisladisk sem fylgir með
bókinni. „Það er skemmtilegt að
við hjónin getum unnið þetta
saman. Mér finnst gaman að
geta boðið upp á það að bókin
sé svona fallega lesin inn á
geisladisk. Ef búið er að lesa
bókina oft getur Kristján hlaupið
í skarðið.“
Vill auka orðaforða barna
Sirrý segir það hafa verið
ástríðu hjá sér bæði að kenna
borgarbörnum eitthvað um ís-
lensku dýrin í fyrri bókinni og
einnig að auka orðaforða barna.
„Ég hafði nefnilega oft tekið eft-
ir því að fólk einfaldar oft
tungumálið þegar rætt er við
eða lesið fyrir börn, en það ætti
frekar einmitt að nota barnabæk-
urnar til þess að málvitundin
verði rík.“
Sirrý þykir einnig skortur vera
á fyrirmyndum fyrir stelpur og
segist hafa fengið smá sam-
viskubit yfir að fyrri sagan um
tröllastrákinn hafi aðeins fjallað
um strák. „Ég er sjálf stráka-
mamma og veit að í strákaher-
bergjum hanga myndir af ýmsum
fótboltastjörnum og ofurhetjum
fyrir stráka. Í stelpuherbergjum
er ekki að finna jafn margar
kvenkyns fyrirmyndir. Rann-
sóknir hafa sýnt fram á að
strákar lesa bækur um stráka og
stelpur lesa bækur um stelpur
og stráka. Stelpur vantar oft
fyrirmyndir,“ segir Sirrý. „Ég
man til dæmis hvað Lína Lang-
sokkur hafði gríðarleg áhrif á
mitt líf, það var sterk fyr-
irmynd.“
Sköpunarkrafturinn
mikilvægur
Í nýju bókinni kynnist trölla-
strákurinn stelpu sem er að
byggja kofa. Þau verða vinir og
byggja saman kofaþorp. „Það er
svo gaman að vera krakki og
byggja kofa og ég byggi söguna
á eigin reynslu. Í bernsku minni
vorum við krakkarnir mikið að
byggja kofa og fyrir okkur voru
þetta stórkostlegar hallir. Þetta
leit örugglega furðulega út en
okkur fannst þetta alveg fallegt,
því við sköpuðum kofana sjálf.
Þetta var ótrúlega gott fyrir
sköpunarkraftinn og maður hafði
svo ofan af fyrir sér. Mikil vinna
fór í það að sanka að sér spýt-
um hér og þar og ef spýta varð
á vegi manns var það mikill
fjársjóður. Maður var að draga
björg í bú,“ segir Sirrý.
Sagan gerist á Snæfellsnesi og
eru sögupersónur að draga reka-
við úr fjörunni. „Það er mín
sveit og ég þekki það hvað það
berst mikill rekaviður á land á
sunnanverðu Snæfellsnesi. Þá er
gott að hafa sterkan tröllastrák
sem getur hjálpað til.“
Aðspurð hvort bækurnar verði
fleiri segir Sirrý að það ráðist af
viðtökum við þessari bók. „En
ný hugmynd fæddist um leið og
þessi kom úr prentun,“ segir
Sirrý að lokum og hlær.
FINNST VANTA FLEIRI KVENKYNS FYRIRMYNDIR FYRIR STELPUR
Mikilvægt að
foreldrar lesi
fyrir börnin sín
Sirrý Arnardóttir segir það hafa verið ástríðu hjá sér að kenna borgarbörnum eitthvað um íslensku dýrin í fyrri bókinni
en einnig að auka orðaforða barna. Ekki ætti að einfalda málið fyrir börn.
Morgunblaðið/Árni Sæberg
„TRÖLLASTRÁKURINN EIGNAST VINI“ NEFNIST NÝ BARNA-
BÓK EFTIR SIRRÝ OG ER MEÐAL ANNARS BYGGÐ Á
BERNSKUÁRUM HENNAR. BÓKIN ER ÖNNUR SAGA SIRRÝJ-
AR UM TRÖLLASTRÁKINN VAKA, EN SÖGUNA VAR HÚN
VÖN AÐ SEGJA DRENGJUM SÍNUM Á YNGRI ÁRUM.
Gunnþórunn Jónsdóttir gunnthorunn@mbl.is
Myndir úr bókinni eru teiknaðar af Freydísi Kristjánsdóttur myndlistarkonu.
Bílaverkstæði Jóa býður upp á alla almenna
þjónustu fyrir flestar gerðir bifreiða.
með allt fyrir bílinn
Dalvegi 16a - 201 Kópavogi | Sími: 564 5520 | bilajoa@bilajoa.is | www.bilajoa.is
Opið
mánudaga til
fimmtudaga
8-17
föstudögum
8-15
Þarf bíllinn þinn á þjónustu að halda?564 5520
bilajoa.is