Morgunblaðið - Sunnudagur - 30.11.2014, Blaðsíða 18

18 MORGUNBLAÐIÐ SUNNUDAGUR 30.11. 2014
S
tóri dagurinn er runninn
upp. Barnið mitt á afmæli.
Hverjum á að bjóða? Er
það öll deildin eða allur
bekkurinn eða eru það bara strák-
arnir eða bara stelpurnar? Þetta
ætti ekki að vera flókið. Hins veg-
ar gerist það
stundum að ein-
hver börn verða
útundan. Það
vilja fæstir að
komi fyrir. Þeg-
ar viðkomandi
barn áttar sig á
því að það hafi
verið útundan
fylgir því eðlileg
höfnun og vanlíðan. Foreldrarnir
geta einnig gengið í gegnum slíkar
tilfinningar. Íris Stefánsdóttir,
barnasálfræðingur hjá Sál og huga
ehf. tók saman nokkur góð ráð til
þess að koma í veg fyrir að svona
nokkuð gerist, því alltaf getum við
fullorðna fólkið gert betur. Eins
nefnir hún nokkur ráð sem gott er
að styðjast við þurfi barn að ganga
í gegnum slíka höfnun.
„Auðvitað geta svona hlutir gerst
óvart. Það er nóg að gera hjá fólki
í dag og flestir foreldrar undir
töluverðu álagi. Auðvitað getur öll-
um orðið á og bara óvart gleymt
að útbúa afmælisboðskort fyrir
þetta tiltekna barn. Það geta verið
eðlilegar skýringar á slíkum til-
fellum, því við gerum öll mistök,“
segir Íris. „Það er hins
vegar mikilvægt að
reyna að tryggja að
öllum sé boðið,
annaðhvort öll-
um hópnum eða
bara strákunum
eða bara stelp-
unum. Eða þá
bara tveimur
bestu vinunum
eða vinkon-
unum.“
Íris segir að ef
einhverjar sér-
stakar ástæður
liggja að baki
þess að tiltekin
börn fái ekki
boðskort þá þurfi
að skoða þær. Ýms-
ar ástæður geta kom-
ið upp og þá þarf að
finna flöt á vandamálinu
og ræða það til þess að
geta leyst á uppbyggjandi
hátt, án þess að það bitni á
barninu. „Við erum í raun-
inni samfélagslega skyldug til
þess að hugsa um öll börn,
hvort sem þau eru okkar
eigin líffræðilega eða önnur
börn allt í kringum okkur.
Við eigum að temja okkur
þennan hugsunarhátt, að
vera góð við öll börn. Við vilj-
um að öll börn tilheyri hópn-
um. Við viljum vera fyrirmynd
fyrir börnin okkar. Ef við erum
að skilja útundan sem foreldrar,
þá erum við að kenna börnunum
okkar að gera nákvæmlega það
sama. Þá erum við jafnvel að
kenna því að það sé í lagi að leggja
í einelti, því það að skilja útundan
er ein útgáfa eineltis,“ segir Íris.
„Þetta byrjar snemma, strax og við
eignumst barn og því þurfum við
að vanda okkur að vera fyrir-
myndir. Það er ábyrgðarhlutverk
sem hvílir á okkur fullorðnum.“
GOTT SAMBAND MILLI FORELDRA ER MIKILVÆGT
Kúnstin við að
bjóða í barna-
afmæli
Getty Images/Ingram Publishing
ÞAÐ ÞEKKJA FJÖLSKYLDUR SEM EIGA BÖRN Á LEIK- OG
GRUNNSKÓLAALDRI AÐ AFMÆLIN ERU MÖRG HJÁ VINUM
BARNANNA OG NÓG UM AÐ VERA. STUNDUM GETA
KOMIÐ UPP ATVIK ÞAR SEM BOÐSKORTIN BERAST ÓVART
EKKI ÖLLUM. TIL AÐ KOMA Í VEG FYRIR SLÍK TILFELLI ÞARF
AÐ HUGA VEL AÐ MARKVISSU FORELDRASTARFI.
Gunnþórunn Jónsdóttir gunnthorunn@mbl.is
Íris Stefánsdóttir
Það er afskaplega sárt fyrir
barn að átta sig á því að hafa
ekki fengið boðskort í afmæli
á meðan hin börnin fengu.
✽ Hafa foreldrastarfið í leikskólanum eða í grunnskólanum í mark-
vissum farvegi.
✽ Foreldrar komi sér saman um reglur og samræmi sig varðandi af-
mæli. Það er fínt að hafa ramma utan um það og fínt að hafa einhver
viðmið sem allir eru sáttir við.
✽ Hittast reglulega eða halda úti fésbókarsíðu og samræma reglur
þar. Þægilegt er að nýta fésbókina fyrir smáspjall og annað sem kem-
ur í hugann og er það mun fljótlegra en að hittast. Hins vegar er fínt
að halda reglulegum fundum sem leikskólinn eða skólinn styður við
og getur t.d. veitt fundaraðstöðu.
✽ Reyna að hafa reglurnar sem jákvæðastar til þess að koma í veg
fyrir að enginn verði útundan í afmælum.
✽ Gott er líka að samræma reglur með gjafir. Það eru mörg afmæli
hjá fjölskyldum í dag að fara í og það kostar sitt.
KOMUM Í VEG FYRIR AÐ EINHVER VERÐI ÚTUNDAN
Góð ráð fyrir foreldra
þegar bjóða á í afmæli
Hvar og hvenær? Thorsplan í Hafnarfirði, við verslunarmiðstöð-
ina Fjörðinn, laugardag og sunnudag kl. 12.
Nánar: Þétt dagskrá verður í miðbæ Hafnarfjarðar á laugardag og
sunnudag. Nánar um dagskrá á www.hafnafjordur.is
Jólaþorpið opnað í Hafnarfirði
✽ Reynum að sýna barninu okkar yfirvegun, styrk og forðast að
missa stjórn á neikvæðum tilfinningum eins og kvíða og reiði.
✽ Setjumst niður með barninu og hlustum á tilfinningar þess,
sýnum skilning en vekjum um leið von hjá barninu um að hægt
sé að leysa málin á uppbyggilegan hátt.
✽ Mikilvægt er að barn upplifi ekki að það sé því að kenna eða
eitthvað í fari þess valdi því að það varð af einhverjum ástæðum
útundan, að foreldrar segi skýrt við barnið að það eigi góða
hluti skilið og að vera með.
✽ Ef um fleiri en eitt eða endurtekin atvik er að ræða er ráð-
legt að grennslast fyrir um ástæður þess að barnið varð út-
undan, svo sem fékk ekki boð í afmæli, til að mynda með því að
hafa samband við viðkomandi foreldra eða kennara og leita upp-
lýsinga.
✽ Ef barn tekur atvikið mjög nærri sér er góð huggun að gera
gott úr hlutunum til að mynda með því að finna eitthvað
skemmtilegt að gera með fjölskyldunni eins og að spila, baka
saman köku og setja kerti á, fara út að hjóla með nesti, gera
eitthvað skemmtilegt með vinkonu eða vini, eða hvaðeina sem
foreldrum og barni dettur í hug sem er skemmtilegt fyrir barnið
og innan skynsamlegra marka.
VANDAMÁLIN ERU TIL ÞESS AÐ LEYSA ÞAU
Hvernig skal bregðast við
ef barn verður útundan
Fjölskyldan
Demantar, safír, rúbín.
Verð frá 165.000.-
siggaogtimo.is