Morgunblaðið - Sunnudagur - 30.11.2014, Blaðsíða 30

Þ
órdís Kolbrún Reykfjörð Gylfadóttir, framkvæmdastjóri þingflokks Sjálf-
stæðisflokksins, segist elska að fá góðan mat hvort sem er hjá fjölskyldunni,
vinum, á veitingastöðum eða annars staðar en sjálfri þykir henni skemmti-
legra að baka. „Ég hef alltaf gert frekar mikið af því að baka. Þegar ég var
í grunnskóla og eldri bróðir minn bjó ennþá heima þótti honum ekki leiðinlegt að ég
hefði þörf fyrir að baka u.þ.b. þrjá virka daga í viku,“ segir Þórdís Kolbrún sem er
mikill sælkeri. „Í fæðingarorlofinu mínu bakaði ég mikið og fannst það dásamlegur
partur af því að njóta rólegs hversdagslífsins með Marvin Gylfa. Hann virðist líka
elska deig jafn mikið og móðir hans en deig er stundum betra en kakan sjálf, til
dæmis jógúrtkökudeig.“ Þórdís býr með manni sínum Hjalta og syni þeirra Marvin
Gylfa í Garðabænum og líkar vel en hún er þó fædd og uppalin Skagamær. Ásamt
því að starfa sem framkvæmdastjóri þingflokks Sjálfstæðisflokksins er Þórdís Kol-
brún lögfræðingur að mennt og kennir aðeins í lagadeild HR. Hún segir að störfin
hennar séu áhugamálin hennar og það sé bæði skemmtilegt og ákveðinn lúxus. „Að
öðru leyti snýst líf mitt að mestu um að fylgjast með tveggja ára syni mínum upp-
götva lífið á mjög jákvæðan hátt. Hann talar mikið og það er kostulegt að hlusta á
svona lítinn kropp með risastórt hjarta segja svona margt fyndið.“
Þórdís Kolbrún heldur iðulega matarboð en þá er það frekar Hjalti sem tekur í
sleifina. „Mér finnst yndislegt að fá fólk í mat, hvort sem það er matarboð með
rauðvíni og rólegheitum eða sódavatni og krakkaskara. Hjalti eldar oftar matinn fyr-
ir matarboð og hefur mjög gaman af því að krukka í uppskriftum og prófa eitthvað
nýtt. Ég sé alltaf um eftirréttinn og bíð stundum spennt eftir því að borða hann
hálfan daginn,“ segir Þórdís Kolbrún. „Brunch er samt uppáhaldsmáltíðin mín og ég
býð fólkinu mínu mjög reglulega í brunch. Þar er allt í einni máltíð einhvern veginn
og það er dásamlegt. Annars finnst mér almennt notalegt að fá fólk í heimsókn og
vil að fólki líði vel heima hjá mér, hvort sem það er í metnaðarfullu matarboði (eða
metnaðarlausu, ég held líka svoleiðis), morgunverði eða bara kaffi með súkku-
laðiköku. Að borða súkkulaðiköku er nefnilega hluti af tilgangi lífsins,“ segir hún og
hlær.
Morgunblaðið/Golli
Þórdís Kolbrún gefur uppskrift að indverskum rétti
og dásamlegum eftirrétti sem slegið hefur í gegn.
HAFÐI ÞÖRF FYRIR AÐ BAKA ÞRISVAR Í VIKU Á YNGRI ÁRUM
Súkkulaði hluti af
tilgangi lífsins
STUNDUM ER KÖKUDEIGIÐ BETRA EN KAKAN SJÁLF SEGIR ÞÓRDÍS KOLBRÚN SEM NÝTUR ÞESS AÐ
BAKA. HENNI FINNST GAMAN AÐ BJÓÐA VINUM OG VANDAMÖNNUM Í MAT OG VILL AÐ ÖLLUM
LÍÐI EINS OG ÞEIR SÉU HEIMA HJÁ SÉR ÞEGAR HÚN BÝÐUR HEIM.
Gunnþórunn Jónsdóttir gunnthorunn@mbl.is
Matur
og drykkir
… Og giskaðu nú!
Morgunblaðið/Golli
Morgunblaðið/Ernir
*Íslendingar eru farnir að taka upp á ýmsum siðumsem tíðkast í Bandaríkjunum, þar á meðalhrekkjavöku. Óvænt teiti fyrir verðandi mæðureða „babyshower“ hafa einnig verið að ryðja sértil rúms en í slíkum boðum er gjarnan farið í allskyns leiki sem tengjast móðurhlutverkinu á ein-hvern hátt. Einn þeirra gengur út á að leggja sér
barnamat til munns og reyna að giska á um hvers-
konar bragðtegund sé að ræða. Já, allt er nú til!
4-5 gul eða græn epli
200 g sykur
200 g hveiti
200 g brætt smjör
Aðferð Eplin skræld og skorin í litla bita (aðeins minni
en munnbita) og velt upp úr kanilsykri (ég set epli í glær-
an poka og kanilsykur út í og hristi pokann og blanda
þannig – fljótlegra).
Eplin sett í smurt, eldfast mót og deigið ofan á. Deigið
er hveiti, sykur og smjör sem þú hrærir saman með sleif
og setur svo yfir eplin. Best að fletja út í lófanum og
leggja yfir eplin. Ofan á þetta fer svo ein plata af söxuðu
suðusúkkulaði.
Haft í ofni í 45 mín. við 160° hita og þetta er best með
vanilluís (mér finnst Bónus vanilluísinn bestur því hann er
ekki alveg jafn sætur).
Þetta er dásamlegra en það hljómar, ég á vini sem
borða ekki bökuð epli en hakka þetta í sig.
Indverskur kjúklinga-
réttur með kasjúhnetum
600 grömm kjúklingabringur (eða lundir)
1 stór laukur, skorinn í þunnar sneiðar
dass fínrifið engifer (eftir smekk)
chilli eftir smekk, smátt skorið
3-4 hökkuð hvítlauksrif í hvítlauksmauk
1 krukka Korma-sósa (það er auðvitað metnaður
að gera hana frá grunni en ég nenni því ekki sjálf)
2 dl kókosmjólk
ristaðar kasjúhnetur á pönnu, salta þær aðeins
Aðferð Kjúklingurinn kryddaður með salti, pipar, ga-
ram masala, cayenne-pipar, smá kúmen og öðru kryddi
eftir smekk. Á miðlungsheita pönnu fer slatti af olíu,
laukur, chilli, engifer og hvítlaukur og það steikt í smá-
stund. Kjúklingakjötið er svo sett á pönnuna og þetta
steikt í u.þ.b. sjö mínútur. Þá er sósan og kókósmjólkin
sett út í og látið malla í u.þ.b. 10 mínútur. Gott er að
hræra af og til í pönnunni á meðan. Yfir réttinn fara svo
kasjúhnetur og steinselja. Með réttinum hef ég nan-
brauð – mér finnst nan brauðið á Hraðlestinni það besta
sem ég fæ og því er það sótt þangað til að fullkomna
réttinn.
Eplagott