Morgunblaðið - Sunnudagur - 30.11.2014, Blaðsíða 32

M
ér fannst kominn tími til að prófa að bjóða fjölskyldunni í al-
vöru jólaaðventuboð og mig langar að gera þetta að árlegri
hefð hér eftir,“ segir Eva Rún Michelsen sem hélt eitt veg-
legasta jólabakstursboð norðan Alpafjalla í ár. „Amma er vön
að halda jólaboð á jóladag sjálfan þar sem mikill metnaður er lagður í
baksturinn svo að það er tilvalið að ég hafi mitt boð svona í byrjun að-
ventunnar hér eftir.“
Eva Rún hefur gert garðinn frægan á internetinu þar sem hún bakar
fyrir dyggan lesendahóp sinn á á bloggsíðunni kokudagbokin.is og leggur
sérstaklega mikinn metnað í útfærslur á skreytingum og að sjálfsögðu
ljúffengt bragð. Það má segja að súkkulaði og salt hafi sett sitt mark á
boðið og hráefnið var gjarnan íslenskt.
„Ég er mikil tilraunamanneskja og til dæmis langaði mig að prófa nýtt
hvítt súkkulaði sem Nói Siríus var að setja á markað og notaði það tals-
vert í baksturinn og svo er ég hrifin af stórum saltflögum eins og Norð-
ursalt framleiðir. Þá er vefsíðan Pinterest mér
mikill innblástur þar sem hægt er að skoða alls
kyns útfærslur á jólalegum veitingum.“
Uppskriftirnar eru úr ýmsum áttum, truffl-
urnar hefur Eva Rún verið að gera tilraunir
með með aðstoð internetsins, frómasið er frá
„Ömmu á Akureyri“, ömmu Gunnars Kristins,
sambýlismanns Evu Rúnar, og er eitt besta
frómas sem Eva Rún hefur smakkað og osta-
kakan er úr sænsku matarblaði, svo eitthvað sé
nefnt.
„Það fóru allir saddir og sælir úr boðinu,
drukku heitt súkkulaði og ég bauð upp á smákökur eftir uppskriftum frá
ömmu minni í Þorlákshöfn. Að öðru ólöstuðu sló banana- og karamellu-
kakan í gegn og marenstopparnir voru æði. Þá hefði ég ekki trúað því
hvað það er einfalt að gera kökuna úr hvítmygluostunum, hana fann ég í
erlendu blaði og var spennt að prófa og mun pottþétt útbúa hana aftur.
En svo var þetta svo fjölbreytt að það fundu allir eitthvað við sitt hæfi.
Sítrónan kom skemmtilega á óvart á móti súkkulaðinu og þetta spilaði allt
vel saman,“ segir Eva Rún en viðurkennir þó að svona veglegt boð sé
vissulega alltaf vinna.
„En þarna er ýmislegt sem er ekki flókið þótt fólk geri kannski ekki
allt. Til dæmis er frómasið þægilegt og hægt að dunda sér við að útbúa
það meðan eitthvað annað er gert í millitíðinni, til dæmis útbýr tengda-
mamma mín það á aðfangadag og matreiðir aðalrétt kvöldsins um leið. “
Eva Rún leggur loka-
hönd á banana- og
karamellukökuna
sem sló í gegn.
EITTHVAÐ FYRIR ALLA
Ofurbakar-
inn Eva Rún
FJÖLSKYLDA EVU RÚNAR MICHELSEN VAR SÉR-
LEGA SÁTT MEÐ AFAR METNAÐARFULLT JÓLA-
KAFFIBOÐ Í BYRJUN AÐVENTUNNAR.
Júlía Margrét Alexandersdóttir julia@mbl.is
* Svo varþettasvo fjölbreytt
að það fundu
allir eitthvað
við sitt hæfi.
32 MORGUNBLAÐIÐ SUNNUDAGUR 30.11. 2014
Matur og drykkir
4 egg
125 g sykur
rifinn börkur af 1 sítrónu
safi úr 1-2 sítrónum
4 blöð matarlím
5 dl rjómi
100-150 g smátt saxað súkkulaði, eftir smekk
1 dós jarðarber
fersk jarðarber til skreytinga
Þeytið egg og sykur í hrærivél, vel og lengi. Bleytið
upp í matarlíminu með smávolgu vatni og þeytið
áfram á meðan eggin og sykurinn þeytast. Setjið
jarðarber í sigti og safnið safanum í skál og verið bú-
in að rífa niður sítrónubörkinn og kreista sítrónusaf-
ann úr ávextinum sem og að saxa súkkulaðið. Takið
vatnið frá matarlíminu og blandið hluta af jarðar-
berjasafanum saman við, klárið að leysa upp límið í
örbylgjuofni. Blandið matarlíminu saman við þeyttu
eggin og sykurinn sem og sítrónuberkinum og -saf-
anum og afganginum af jarðarberjasafanum en bætið
þessu smátt og smátt saman við því bragðið er
smekksatriði. Blandið súkkulaðinu saman við og leyf-
ið blöndunni að stífna í 30 mínútur í kæli. Þeytið
rjómann og hrærið frómasið vel saman við. Takið þá
frómas-rjómablönduna, 2/3 hluta af henni, og setjið í
skál. Raðið ferskum jarðarberjum meðfram hliðum
og stingið niðursoðnu jarðarberjunum hér og þar
inn í frómasið. Setjið afganginn af frómasinu yfir og
fleiri niðursoðin jarðarber. Leggið plastfilmu yfir fró-
masið og geymið í kæli í nokkrar klst. eða yfir nótt.
Skreytið loks eftir smekk, með smá rjóma, ferskum
jarðarberjum og súkkulaðispæni til dæmis.
Frómasið hennar ömmu