Morgunblaðið - Sunnudagur - 30.11.2014, Blaðsíða 50

Viðtal
50 MORGUNBLAÐIÐ SUNNUDAGUR 30.11. 2014
D
ýralæknafélag Íslands (DÍ)
fagnar áttatíu ára afmæli
sínu á þessu ári og af því
tilefni fór stjórn félagsins
að velta fyrir sér stöðu
dýralækninga í samtímanum. Fyrir hvað
stendur starfið og hvernig upplifir almenn-
ingur það? Niðurstaðan varð sú að auka
þyrfti sýnileika dýralækna og á komandi
mánuðum mun DÍ standa fyrir veglegri
kynningu á störfum dýralækna, meðal
annars með útgáfu bæklings, undir yf-
irskriftinni Dýralæknar bæta líf og líðan,
þar sem lögð er áhersla á fjölbreytileika
starfsins og mikilvægi þess fyrir þjóð-
arhag.
Guðbjörg Þorvarðardóttir, formaður DÍ,
og Charlotta Oddsdóttir stjórnarmaður,
segja ímynd dýralækna einsleita og þröngt
markaða í hugum fólks og fyrir vikið sé
brýn þörf á að kynna störf þeirra á
breiðum grundvelli. „Það hefur orðið mikil
breyting á þjóðfélagsgerðinni,“ segir Guð-
björg. „Hér áður fóru flest börn í sveit á
sumrin, þar sem þau kynntust dýrum og
dýralæknum þar með. Í dag er til fullt af
börnum sem aldrei hafa séð lifandi hænu.“
Hún brosir.
Þetta er í fyrsta skipti sem Dýralækna-
félagið ræðst í markvisst kynningarátak.
Guðbjörg segir það hafa verið á dagskrá í
tvo áratugi eða svo en aldrei komist í
framkvæmd fyrr en nú á þessum tíma-
mótum.
Stofnfélagar voru sex
Sex dýralæknar stofnuðu félagið fyrir
áttatíu árum. „Dýralæknar höfðu starfað
hér áður en þegar þeir voru orðnir sex
þótti fyrst messufært,“ segir Guðbjörg.
Þetta mun hafa verið einsleitur hópur
karla sem gengu í sömu störfin. Hver
hafði sitt hérað, þar sem þeir önnuðust
heilbrigði skepna, almennt eftirlit, gæða-
eftirlit með kjöti og þar fram eftir göt-
unum.
Í dag eru félagsmenn 131 og störfin
orðin mun sérhæfðari. Nýi kynningarbækl-
ingurinn ber því glöggt vitni. Þar er rætt
við dýralækna á mismunandi starfssviðum,
svo sem hestadýralækni, gæludýralækni,
héraðsdýralækni, nautgripadýralækni, sótt-
varnadýralækni, yfirdýralækni, fiskeld-
isdýralækni og dýralækni sem jafnframt
er meinafræðingur.
Eftirlit og þjónusta við dýraeigendur
voru endanlega aðskilin hér á landi árið
2011 þegar evrópska matvælalöggjöfin var
tekin upp á Íslandi. Enginn dýralæknir
gegnir sumsé hvoru tveggja lengur sem
leiðir eðli málsins samkvæmt til enn frek-
ari sérhæfingar.
Guðbjörg og Charlotta benda á að að-
eins hluti dýralækna vinni hjá hinu op-
inbera, margir starfi í einkageiranum, hjá
fyrirtækjum af ýmsu tagi og sinni fjöl-
breyttum verkefnum.
Flestir ef ekki allir hefja nám í dýra-
lækningum vegna áhuga og umhyggju fyr-
ir dýrum og algengt er að dýralæknar
eigi til dæmis bakgrunn í hestamennsku.
Námið, sem tekur í það minnsta sex ár,
er á hinn bóginn víðfeðmt og fjölbreytt og
Guðbjörg og Charlotta segja áhuga
margra beinast í nýjan farveg meðan á
námi stendur og þeir fari síðan að vinna
við eitthvað allt annað innan fagsins en
stefnt var að í upphafi. „Ekki vegna þess
að þeir séu tilneyddir, heldur vegna þess
að þeir hafa fengið áhuga á einhverju
öðru, til dæmis matvælafræði eða sýkla-
fræði,“ segir Charlotta og bætir við að
einungis hluti dýralækna vinni við lækn-
ingar veikra dýra.
Meirihlutinn konur
Athygli vekur að megnið af viðmælend-
unum í bæklingnum er konur enda hefur
þeim fjölgað hratt í stéttinni, ekki síst
síðasta áratuginn. Þær eru nú í meiri-
hluta, af 131 félagsmanni í DÍ í dag eru
87 konur, það eru 66%.
Charlotta Oddsdóttir, stjórnar-
maður, og Guðbjörg Þorvarðar-
dóttir, formaður Dýralæknafélags Ís-
lands, segja starf dýralæknisins afar
fjölbreytt og sérhæfingu mikla.
Morgunblaðið/Ómar
Stigið út úr staðalmyndinni
STÖRF DÝRALÆKNA FELAST EKKI AÐEINS Í ÞVÍ AÐ SINNA VEIKUM DÝRUM, HAFA EFTIRLIT MEÐ HEILBRIGÐI BÚFJÁR OG SINNA
FORVÖRNUM. ÞEIR GERA ÓTALMARGT FLEIRA. GEGNA TIL DÆMIS MIKILVÆGU HLUTVERKI VIÐ NEYTENDAVERND OG HEILSUGÆSLU
ALMENNINGS, TAKA ÞÁTT Í VERNDUN UMHVERFIS OG EFLINGU ÞJÓÐARHAGS. KONUM HEFUR FJÖLGAÐ GRÍÐARLEGA Í STÉTTINNI.
Orri Páll Ormarsson orri@mbl.is