Frúin - 01.07.1962, Blaðsíða 42

Hínn kunni leikfimis- og afslöppunarsérfræðingur frú
Ingrid Prahm hefur, eftir margra ára reynslu, sem
kennari í öllum aldursflokkum, fundið upp nýtt kerfi,
sem hún kallar „Hvílist mjúklega“. Hún hefur samið
bók um þetta efni, með sama nafni og munum vér
birta kafla úr bók þessari, ásamt myndum, í þessu
og næstu blöðum, og viljum vér hvetja lesendur að
notfæra sér þessar leiðbeiningar. — Allar æfingarnar
eru byggðar á viðbrögðum dýranna. Dýrin kunna
nefnilega þá list að slappa vöðva sína fullkomlega af,
þegar þau hvílast. Þau Ieggjast í ýmislegar stellingar
þannig að limirnir eru beygðir í liðamótunum og þau
liggja gjarnan þannig að þau fá stuðning af grein eða
öðru þvílíku við bakið eða hnakkann. Þessum sér-
stöku stellingum munuð þér geta náð með þessum
æfingum. — Kerfið byggist á því að þér notið tré-
gjörð eða hring til að halda líkamanum í þeim stell-
ingum, sem nauðsynlegar eru til að geta afslappað
vöðvana fullkomlega, og þurfið þér þá ekki að nota
vöðvaaflið til að halda líkanum í réttum stellingum.
Gott er að nota tvær stærðir af hringum. Það er nauð-
synlegt að gefa sér góðan tíma til að hvílast í hverri
stellingu, svo að allir vöðvarnir fái svipaða afslöppun.
— Smátt og smátt munuð þér skynja líkama yðar á
alveg nýjan hátt. Þér munuð uppgötva hvaða vöðvar
eru of slappir og þurfa að styrkjast, og eftir stuttan
tíma munuð þér komast að raun um að líkami yðar
er heilbrigður og þjálfaður.
Byrjið á þessum fjórum æfingum, sem hér eru sýnd-
ar, og haldið áfram næstu mánuði, með þær æfingar,
sem vér munum sýna yður í þessu blaði.
Setjist á púða á gólfið og látið gjörðina utan um yður,
þannig að hann nemi við herðablöðin og hnén. Gerið yð-
ur máttlausa og þunga og ruggið yður rólega fram og
til baka. Hugsið yður, að þér sitjið í góðum hægindastól
og notið stuðninginn af hringnum til að gefa eftir á öll-
um vöðvum. Reynið að gefa eftir í hinum löngu bak-
vöðvum og hryggvöðvum. Gætið þess að slappa á maga-
vöðvunum. — Gefið yður nægan tíma, og þér munuð
hvílast betur en í bezta hægindastól. Hallið yður hægt
áfram og þyngið á fótunum og látið þá draga yður fram.
Hallið yður aftur á bak og takið eftir að þessar djúpu
jafnvægisæfingar munu hafa góð áhrif á yður.
Dýr geispa og teygja sig oft og á þann hátt slappa
þau á vöðvunum í kringum brjóstkassann, sem er
mjög nauðsynlegt, því að strektir vöðvar þvinga
aadardráttinn. Leggist á hné og gerið alla vöðva
máttlausa og látið síga hægt og rólega þar til
brjóstkassinn nemur við gólfið. Reynið að slappa
magavöðvana og verið máttlaus í hálsi og hnakka.
Liggið stutta stund til að byrja með. Reisið yður
síðan upp á fjóra fætur og geispið. — Takið eftir
teikningunni af svarta panthernum.