Stígandi - 01.07.1945, Síða 52

226
BÚENDATAL SANDS í AÐALDAL
STÍGANDI
vefari, en þótti drykkjugjarn nokkuð. Dóttursonur Halldórs og
síðari konu hans var Eðvald Eyjólfsson póstur eystra, orðlagt karl-
menni og hinn mesti garpur. (Einkasonur Eðvalds var Eyjólfur
loftskeytamaður á Goðafossi, mikið karlmenni og stillingarmaður.
Hlaut liann svöðusár, þá er Goðafossi var sökkt 10. nóv. haustið
1944, og lézt hann af sárum á leiðinni til lands. Var á því orð gert,
hversu vel'hann gekk fram við björgun manna og hve honum brá
lítt við áverka sína, er þó voru banvænir. F.ðvald var kvæntur
maður og átti börn, búsettur í Reykjavík.)
Þórkell Þórðarson bjó áður í Syðri-Tungu á Tjörnesi, en hafði
jarðaskipti við Jónas Einarsson. Síðar bjó Þorkell alllengi á Núp-
um. Meðal barna Þórkels var Árni hreppstjóri í Sandvík í Gríms-
ey, skýr maður og fróður, laglega hagmæltur og vel metinn í hví-
vetna. Eitt af börnum Arna var Anna móðir Þorkels Guðnasonar,
er lengi var í Eagraneskoti í Aðaldal, en nú um skeið hefir átt
heima í Reykjavík.
Magnús Guðmundsson var yngsta barn Guðmundar Árnasonar
í Kasthvammi, en þau voru alls átján eða nítján. Hálfsystir
Magnúsar var Rósa á Þverá í Reykjahverfi, kona Indriða Illuga-
sonar. Þeirra dóttir Hólnrfríður, fædd að Grænavatni 5. júní
1802, dáin að Sandi 30. júlí 1885 hjá Eriðjóni syni sínum, er
þar bjó lengi, sjá síðar. Magnús var kvæntur Hallfríði Skúla-
dóttur. Áttu þau fjölda dætra og einn son, Jóhannes, er drukknaði
nýkvæntur á þilskipinu Valdemar, er fórst úti fyrir Þorgeirsfirði
1864 nreð allri áhöfn.
Magnús hætti búskap 1860, fór þá að Björgum og síðan að
Vargsnesi. Hann lézt að Laxamýri haustið 1865 og var grafinn að
Nesi. Magnús þótti mikilhæfur dugnaðarmaður, greindur vel og
hagmæltur. Var hann allvel efnaður og hjálpsamur við fátæka,
en lét hvergi hlut sinn í orði eða á borði gagnvart fyrirmönnum.
Einar Sörensson frá Geirbjarnarstöðum var kvæntur Guðleifu,
einni af dætrum Magnúsar. Sören Jónsson, faðir Einars, var bráð-
lipur hagyrðingur. Hann var dóttursonur Sörens danska á Ljósa-
vatni og systkinabarn við þau Ljósavatnssystkin; en Guðrún Þor-
valdsdóttir, kona Sörens danska, var sonardóttir Stefáns skálds í
Vallanesi Olafssonar, svo sem kunnugt er.
Meðal barna Einars og Guðleifar voru Kristín, rnóðir Jóhann-
esar Jósefssonar glímukappa, og Sören bóndi á Máná, faðir Einars
og Jóns Sörenssona á Húsavík og þeirra systkina, (Frh.)