Fréttablaðið - 22.03.2013, Blaðsíða 64

22. mars 2013 FÖSTUDAGUR| SPORT | 36
Eiríkur Stefán Ásgeirsson
eirikur@frettabladid.is skrifar frá Ljubljana.
HM 2014
Í BRASILÍU
FÓTBOLTI Ísland mætir í kvöld Sló-
veníu hér í Ljubljana en leikurinn
er liður í undankeppni HM 2014.
Strákarnir eru í ágætum málum
eftir fyrstu fjóra leikina en þurfa á
jákvæðum úrslitum að halda í kvöld
til að halda í við hin liðin í toppbar-
áttu riðilsins. Slóvenar eru þó með
sterkt lið sem mætir til leiks í kvöld
með nýjan þjálfara og væntingar
um betri tíð en verið hefur undan-
farin misseri.
Lærisveinar Lars Lagerbäck ætla
sér sigur í kvöld en þeirra fyrsta
hlutverk verður að verjast. Þar mun
mikið mæða á Ara Frey Skúlasyni
sem hefur fest sig í sessi í stöðu
vinstri bakvarðar, sem lengi hefur
verið vandræðastaða í íslenska
landsliðinu.
Þrátt fyrir ungan aldur hefur
hinn 25 ára Ari Freyr spilað sem
atvinnumaður í Svíþjóð í næstum
sjö ár og lengst af hjá GIF Sunds-
vall. Hann hélt ungur að árum til
Heerenveen í Hollandi þar sem
hann var í tvö ár áður en hann sneri
aftur til Íslands árið 2006 og spilaði
hálft tímabil með Val.
Þeir knattspyrnuáhugamenn á
Íslandi sem ekki fá tækifæri til að
fylgjast náið með sænska boltanum
hafa því fengið fá tækifæri til að sjá
Ara Frey spila. Það var í raun ekki
fyrr en Lars Lagerbäck tók hann
inn í landsliðið fyrir rúmu ári að
Íslendingar fengu tækifæri til að
sjá hann spila á ný.
„Þetta er ekki í fyrsta sinn sem
menn koma í landsliðið og spila
úr sinni stöðu,“ sagði Ari Freyr í
samtali við Fréttablaðið á hóteli
íslenska landsliðsins í Ljubljana.
„Ég var kannski ekki sá besti í upp-
hafi en þetta hefur batnað hjá mér.
Lars hefur verið duglegur að hjálpa
mér og segja mér til og mér finnst
ég í það minnsta hafa staðið undir
þeim væntingum sem þjálfararnir
gera til mín.“
Ari átti einn A-landsleik að baki
áður en Lagerbäck tók við liðinu.
Það var í æfingaleik gegn Íran
árið 2009. Telur Ari að hann væri í
landsliðinu nú ef þjálfari þess væri
ekki sænskur?
„Það er stóra spurningin. Það
hefur örugglega hjálpað til að
hann þekkir vel til félagsins míns
og fylgist vel með sænsku úrvals-
deildinni,“ segir Ari. „En ég hafði
líka átt tvö mjög góð tímabil í röð
og það hlýtur að hafa einhvern þátt
í þessu.“
Ari Freyr spilar sem varnar-
tengiliður hjá Sundsvall og segist
njóta sín best í þeirri stöðu. „Ég er
fyrst og fremst vinnusamur leik-
maður en vil líka vera mikið í bolt-
anum. Ég er dæmigerður íslenskur
knattspyrnumaður að því leyti að
ég gef aldrei eftir. Ég tel mig fínan
spilandi leikmann þegar ég fæ að
vera í minni stöðu,“ segir hann.
„Hlutverkið mitt með landsliðinu
er svo allt öðruvísi og er mjög krefj-
andi. Við eigum líka marga leik-
menn sem eru í frábærum liðum
og þeir krefjast mikils af manni
á æfingum. Maður þarf að standa
undir þeim væntingum líka,“ segir
Ari.
Ég gef aldrei eft ir
Ari Freyr Skúlason hefur í stjórnartíð Lars Lagerbäck fest sig í sessi sem vinstri
bakvörður íslenska landsliðsins, þrátt fyrir að hann hafi síðustu ár spilað sem
varnartengiliður með liði sínu. „Vinnusemin er númer eitt hjá mér,“ segir hann.
VINNUSAMUR Ari Freyr er bakvörður í íslenska landsliðinu en hefur spilað sem
varnartengiliður í Svíþjóð í mörg ár. FRÉTTABLAÐIÐ/E. STEFÁN
Kia Sorento EX Luxury
Árgerð 2012, 197 hestafla dísilvél, sjálfskiptur,
fjórhjóladrifinn, ekinn 30 þús. km.
Bakkmyndavél, dökkar rúður, fjarlægðarskynjarar, hiti í sætum,
hraðastillir, kastarar, leðuráklæði, leiðsögukerfi, loftkæling,
rafdrifið ökumannssæti, vindskeið/spoiler, þjófavörn o.fl.
Gæða-
bíll
ASKJA NOTAÐIR BÍLAR Kletthálsi 2 · 110 Reykjavík · Sími 590 2160 · www.notadir.is Opið virka daga kl. 10-18og laugardaga kl. 12-16
Tilboðsverð 6.690.000 kr.
Verð 7.330.000 kr.
Sinfóníuhljómsveit Íslands auglýsir lausa
til umsóknar stöðu 3. konsertmeistara frá
og með starfsárinu 2013–14.
Hæfnispróf fer fram 7. júní 2013 í Hörpu.
Umsóknarfrestur er til 12. apríl 2013.
Umsóknir, ásamt ferilskrá og fylgiskjöl-
um, skulu berast til Unu Eyþórsdóttur,
mannauðsstjóra (una@sinfonia.is).
Einleiksverk:
1. Mozart fiðlukonsert (1. kafli með
kadensu) nr. 3 í G-dúr, nr. 4 í D-dúr
eða nr. 5 í A-dúr.
2. Tveir kaflar í einni af partítum eða
sónötum J.S. Bachs fyrir einleiksfiðlu.
3. Rómantískur fiðlukonsert að eigin vali
(1. kafli með kadensu).
Hljómsveitarpartar verða aðgengilegir
þátttakendum að minnsta kosti tveimur
vikum fyrir hæfnispróf.
Nánari upplýsingar er að finna á
www.sinfonia.is og hjá mannauðsstjóra
(una@sinfonia.is) í síma 898 5017.
www.sinfonia.is » Sími: 545 2500
FÓTBOLTI Lars Lagerbäck, landsliðsþjálfari Íslands, segir
mikilvægt að leikmenn endurtaki ekki mistökin sem
þeir gerðu í æfingaleiknum gegn Rússlandi í síðasta
mánuði. Ísland mætir Slóveníu ytra í undankeppni HM
2014 í kvöld.
„Það eru allir heilir og allir gátu verið með á æf-
ingunni í dag,“ sagði Lars í samtali við Fréttablaðið í
Ljubljana í gær. Hann á ekki von á að breyta miklu í
byrjunarliði sínu fyrir leikinn í kvöld.
„Við vorum án nokkurra leikmanna gegn
Rússlandi og því breytist það eitthvað en
grunnhugmyndin er sú sama. Ég var
ánægður með hvernig við vörðumst í
þeim leik og tel reyndar að það sé það
besta sem við höfum sýnt í heilum
leik hingað til.“
Lagerbäck segist hafa fengið einhverjar upplýsingar um
lið Slóvena sem spilar sinn fyrsta mótsleik í kvöld undir
stjórn nýs þjálfara, Srecko Katanec. „Við vitum að það
eru einhver meiðslavandræði í liðinu en það breytir
í raun ekki miklu fyrir okkur. Við munum mæta vel
undirbúnir til leiks, hvernig sem þeir spila.“
Verkefnið í kvöld verður erfitt enda Slóvenar
með sterkt lið sem komst til að mynda þrívegis
í úrslitakeppni stórmóts á tólf árum. „Á útivelli
skiptir mestu að verjast vel. Ef það tekst tel
ég sigurlíkur okkar fínar enda eigum við góða
möguleika á að skora miðað við þá leikmenn
sem við erum með. Ég vil að liðið spili góða
vörn en taki svo skynsamlegar ákvarðanir þegar
það fær boltann. Við lærðum það vonandi af
leiknum gegn Rússum.“ - esá
Eigum góða möguleika á að skora í kvöld
SPORT