Fréttablaðið - 30.03.2013, Blaðsíða 11

LAUGARDAGUR 30. mars 2013 | SKOÐUN | 11
Skoðun visir.is
landsbankinn.is 410 4000Landsbankinn
Gefðu sparnað
í fermingargjöf
Fermingarkortið er inneignarkort sem hentar þeim vel sem
vilja gefa sparnað í fermingargjöf. Landsbankinn greiðir 5.000
króna mótframlag þegar fermingarbörn leggja 30.000 krónur
eða meira inn á Framtíðargrunn.
Fermingarkortið er gjöf sem leggur grunn að  árhag framtíðarinnar.
Kortið kemur í fallegum gjafaumbúðum og fæst án endurgjalds í útibúum Landsbankans.
Gamli barnaskólinn í
Skógum í Fnjóskadal
er hús með sál. Þang-
að er gott að koma og
spjalla. Það gerði ég fyrir
skömmu er ég flutti þar
erindi um siðfræði og sið-
ferðislega ábyrgð. Það er
reyndar gaman að vita
til þess að þetta gamla
skólahús nýtist áfram í
sveitinni, þarna fara fram
margvíslegar fræðslu- og
kaffistundir og eitt og
annað sem nærir félagsþörf og
-vitund. Samfélagið utan um þetta
siðfræðispjall var vænt og gott
og viðstaddir virkir í umræðum,
enda erum við víst öll að fást við
siðfræði og siðferði með einum
eða öðrum hætti daglega, hverja
stund. Það er gott að halda því til
haga að siðfræði er fræðigrein
innan heimspekisviðs en siðferði
hins vegar framkvæmd siðfræð-
innar.
Við erum sem sagt hvað eftir
annað að framkvæma siðfræði,
jafnvel á þessari stundu ert þú
að taka annaðhvort stórvægilega
ellegar smávægilega siðferðis-
lega ákvörðun. Þess vegna erum
við á vissan hátt hvert og eitt sér-
fræðingar í siðfræði og sjálfsagt
fáir sem voga sér að kalla sig sið-
fræðinga, þar sem enginn kann
við að bera þann titil ef hann t.d.
hrasar á svelli siðferðis, sem við
gerum jú öll einhvern tímann.
Verði einhverjum á að halda öðru
fram er honum samstundis varp-
að í flokk með faríseanum forðum
sem sagðist ekki vilja vera eins
og þessi tollheimtumaður og benti
á hann með svip yfirlætis er þeir
báðu saman í musterinu.
Siðferðisleg ábyrgð
Siðferðisleg ábyrgð er gríðarlega
mikil ábyrgð án þess að við gerum
okkur alltaf nægilega grein fyrir
henni. Ábyrgðin felst m.a. í því
að skynja og skilja umhverfi sitt,
læra af hinni siðferðislegu hrösun
á svellinu sleipa og jafnframt því
að leggja sig fram um að þekkja
inntak mikilvægra siðferðislegra
hugtaka. Hvað með t.a.m. hug-
takið velferð? Í hvaða samhengi
setur þú hugtakið velferð? Nú í vor
fyrir alþingiskosningar kæmi mér
ekkert á óvart að framboðin 13,
eða hvað þau nú voru orðin mörg,
myndu nota ósjaldan hugtakið
velferð. Það hefur einhvern veg-
inn verið þannig í gegnum tíðina
að hugtakið hefur þótt áhrifaríkt í
slagorðasamkeppni stjórn-
málaaflanna, kannski
vegna þess að það tekur
utan um margt jákvætt og
höfðar til þeirra siðferðis-
þanka er búa í brjóstum
landsmanna daglega.
Tengjum við velferð ekki
oft við efnahagslega vel-
sæld? Gæti verið að það séu
einhverjir þarna úti sem
sjá velferð aðeins fyrir sér
út frá auknum hagvexti?
Erum við að tala um að
velferð sé einkum virkara lýðræði,
meiri atvinna, meiri peningar? Nú
er ég ekki draga úr þessum þáttum,
sem þarna eru tengdir við velferð,
en í raun eru þeir ekki fyrstir og
fremstir. Velferð er nefnilega í eðli
sínu hugsjón, siðferðilega göfugt
markmið og grundvallarstoðir þess
eru mannúð, virðing fyrir mann-
eskjunni sem persónu, sjálfræði,
velvild og umhyggja fyrir öðrum,
réttlæti, frelsi og ábyrgð, réttindi
og skyldur og gleymum ekki skyld-
unum.
Siðferðilegar forsendur vel-
ferðar krefjast þess einkum að
allir aðilar ræki skyldur sínar í
stað þess að varpa eigin ábyrgð
yfir á aðra. Velferðarhugtakið er
þannig safnheiti fyrir margþætt
siðferðileg verðmæti eða gæði,
sem gefa mannlífinu gildi. Þarna
er um hina raunverulegu velferð
að ræða og sé unnið af heilindum
að þessu siðferðilega göfuga mark-
miði er svo sem ekkert loku fyrir
það skotið að allir þeir veraldlegu
þættir, sem hér hefur verið minnst
á og ýmsir tengja fyrst og fremst
velferðinni, fylgi á eftir. Ég segi
fyrir mig að það stjórnmálaafl sem
virðist sjá þetta skýrt og starfar í
samhengi við þá sýn er að mínu
mati vel statt hvernig svo sem
því reiðir af í argaþrasi pólitíkur-
innar, sem getur verið snúin tík
eins og maðurinn sagði. Ég er ekki
frá því að kæmi ég auga á slíkt
afl mitt í allri kosningabaráttu og
umræðu, sem ég vona og treysti að
verði meira en loforða flaumur og
slagorða samkeppni, að þá myndi
ég gjarnan greiða því atkvæði mitt.
Já, blessuð velferðin!
Blessuð velferðin!
➜ Siðferðilegar forsendur
velferðar krefjast þess
einkum að allir aðilar ræki
skyldur sínar í stað þess að
varpa eigin ábyrgð yfi r á
aðra.
SAMFÉLAG
Bolli Pétur
Bollason
sóknarprestur
Laufásprestakalli
1.110
MIÐVIKUDAGUR 27. MARS
Latte-listinn: Gegn ófor-
skömmuðu kjördæmapoti
Sif Sigmarsdóttir pistlahöfundur
742
ÞRIÐJUDAGUR 26. MARS
Um tilfi nningar og staðreyndir
Sigrún Blöndal bæjarfulltrúi á Fljótsdals-
héraði
584
MÁNUDAGUR 25. MARS
Að fórna vatni
Stefán Jón Hafstein sviðstjóri hjá Þróunar-
samvinnustofnun
545
FIMMTUDAGUR 28. MARS
Að verða illt í auðmýktinni
Saga Garðarsdóttir pistlahöfundur
250
MÁNUDAGUR 25. MARS
Aðskilnaður systkina
Hrafnhildur Hannesdóttir, foreldri og
doktorsnemi, Rannveig Sverrisdóttir, foreldri
og lektor, og Birna Hafstein, foreldri, leikari
og framleiðandi
156
MÁNUDAGUR 25. MARS.
102 Reykjavík
Guðmundur Andri Thorsson pistlahöfundur